பயபுள்ள

தேவர் ஜெயந்தியும் மக்கள் அவதியும்

2010-10-30T03:38:00.000-07:00

சிங்கங்களே திரண்டு வாரீர் ! வாகன நெரிசலில் சென்னையை திணரடிப்போம் வாரீர் !

அக்டோபர் 30 தேவர் ஜெயந்தி வருவதற்கு முன்னமே ஜாதி அரசியல் தலைவர்களில் இருந்து நடிகர்கள் வரை சிங்கங்களே திரண்டு வாரீர் என்று அறைகூவல் விடுத்தாயிற்று . இது தெரியாமல் நான் தி. நகர் வழியாக சென்று வாகன நெரிசலில் மாட்டி கொண்டு பல மணிநேரங்களை மழை தூறலிலும் , சேறு சகதியிலும் டு வீலரை இன்ச் பை இன்ச் நகர்த்த வேண்டியதாயிற்று .

இந்த மாதத்தில் தேவர் பிறந்த நாளோடு தீபாவளி பண்டிகை விற்பனையும், வட கிழக்கு பருவ மழையும் வேறு சேர்ந்து கொண்டாகிவிட்டது . அப்புறம் கூட்டத்திற்கு சொல்ல வேண்டுமா என்ன ?

தேவர் நல்லவர்தான் ஆனால் ...
தேவர் அவர்களைப் பற்றிஎனக்கு அதிகம் தெரியாவிட்டாலும் அவர் தன் சொத்துகளை எல்லாம் ஏழை மக்களுக்காக எழுதி வைத்து விட்டதாக
கேள்வி பட்டுளேன் .

அதே போன்று தேவர் சமுகத்தில் இருப்பவர்கள் சமுதாயத்தில் எல்லா துறையிலும் , வியாபாரத்திலும் சிறப்புடன் இருப்பதை பார்த்துளேன் .
அப்படி மிகவும் சிறப்பாக விளங்கும் ஒரு சமுகம் , அடுத்தவர்கள் அவதிகளை குறித்து ஏன் கொஞ்சம் கூட அக்கறை இல்லாதவர்களாக இருக்கின்றார்கள் என்றுதான் தெரிய வில்லை.

குரு பூஜை செய்ய வேறு இடமே இல்லையா ?
சென்னையில் மிக முக்கியமான இடமான நந்தனம் சந்திப்பில் இருக்கும் தேவர் சிலைக்கு இப்படி ஆயிரம் கணக்கானவர்கள் கூட்டமாக வந்துதான் பூஜை செய்ய வேண்டுமா ?திருமண மண்டபம் போன்ற சவ்கரியமான இடத்தில் வைத்து கொள்ள கூடாதா? இப்போது கோவில் பூஜைகள் கூட மண்டபத்தில் வைத்து கொள்ளும்போது , குரு பூஜைகள் வைப்பதில் என்ன தவறு இருக்கிறது.

லட்ச கணக்கான மக்களுக்கு தொல்லை தரும் இந்த விதமான பூஜையை தேவர் கூட அனுமதித்து இருப்பாரா ? என்று தெரியவில்லை .

கூட்ட ஜனநாயகம்
கூட்டமாய் இருந்து கொண்டு என்ன செய்ததாலும் சரியே என்கிற உயர்ந்த ஜனநாயக கொள்கையை கடைபிடிக்கும் நம் நாட்டு அரசியலில் இப்போது தேர்தலும் நெருங்குவதால் , எந்த ஒரு கட்டு பாடும் இல்லாமல் இத்தகைய அராஜகம் அரங்கேறி கொண்டுதான் உள்ளது .

இதற்கு தேவர் ஜெயந்தி உட்பட எந்த தலைவர்களின் ஜெயந்தியும் விதிவிலக்கல்ல .

வெங்கட் நாராயணா சாலையிலிருந்து செல்லும் சாலையை வாகனங்கள் செல்ல அனுமதிக்காமல் போலீசார் தடுத்து விட்டதால் தான் இந்த நெரிசல்.

அதே சமயம் சைதாப்பேட்டை மார்க்கமாக நந்தனம் வந்த தேவர் ஜெயந்தி வாகனங்களுக்கு மட்டும் தற்காலிகமாக போடப்பட்டு இருந்த அந்த தடுப்பை போலீசாரே எடுத்து பவ்யமாக வழிவிட்டதை என்னை போன்ற ஏராளாம வண்டி ஓட்டிகள் வியப்புடன் பார்க்கத்தான் முடிந்தது .

அப்போது(ம் சளைக்காத) ஒரு இரு சக்கர வாகன ஓட்டுனர் , நாங்கள் எல்லாம் கொஞ்சம் ஒன் வேயில் வந்தால் பிடித்து கேட்பிங்க , இதல்லாம் கேட்க மாட்டிங்க என நின்று கொண்டிருந்த ஒரு போலீசிடம் கூற , அதற்கு அவர் கோபம் வருதா? போய் இறங்கி அடி உன்ன யாரும் கேட்க மாட்டோம் என்று கூற நாங்கள் அனைவரும் ஒருவரை ஒருவர் பார்த்து கொண்டோம் .
போலீசார் பவ்யமாக எடுத்த அந்த தற்காலிக இரும்பு தடுப்பில் போட்டிருந்த வாசகம் OBEY TRAFFIC RULES .

எல்லாத்துக்கும் கருத்து சொல்லும் ஒரு காமடி நடிகர் அவர் நடிக்கும் படத்தில் இதுக்கும் கருத்து சொல்வாரா ?

(எங்க வீட்டுக்கு இன்று இரவு உருட்டு கட்டையுடன் குண்டர்கள் வருவார்களா ?)

...

நன்றி கெட்டவர்கள்

2010-07-10T01:36:00.000-07:00

ரோட்டில் பார்க்கும் எல்லா மரத்தின் பெயரையும் உங்களால் சொல்ல முடிந்தால் நீங்கள் ஒரு அறிவு ஜீவி என முதுகில் தட்டி கொள்ளலாம் .

மா மரம், கொய்யா , புளிய மரம் , ஆல மரம் ,அரச மரம் , வேப்ப மரம் என ஒரு சில மரங்களின் பெயர்களே எனக்கு தெரியும் என்பதால் நான் உங்களைப்போன்று அறிவு ஜீவி அல்ல . ஒரு சாதாரண ஜீவிதான் .

எல்லா மரங்களின் பெயரையும் தெரிந்து வைத்து கொள்ளும் அவசியம் எனக்கு இதுவரை வந்ததில்லை . ஆனால் நான் எந்த மரத்தை பற்றி எழுதுகிறேன் என்பதே தெரியாமல் எழுதி கொண்டு இருப்பதால் இப்போது அந்த அவசியம் வந்து இருக்கிறது .

அது ஒரு பெயரில்லாதா அல்லது பெயர் தெரியாத மரம் .
அரச மரத்தின் இலைகளைப்போன்றுதான் அதன் இலைகளும்.
ஆனால் பச்சை கொஞ்சம் அதிகம் .
அரச மரத்தின் இலை கிளிபச்சை என்றால் இதன் இலை கொஞ்சம் கரும் பச்சை .
அரச இலை இரண்டு பக்கமும் நன்கு வளைந்து அப்புறம் நன்கு குறுகி முடியும் . ஆனால் இந்த மரத்தின் இலை அரச இலையைவிட ஒரு முப்பது சதவிதம் குறைவாய் வளைந்து இருக்கும்.
இலை முடிவது அரச இலையை போலா ரொம்பவும் குறுகி முடிந்திருக்காது . கொஞ்சமே குறுகி காணப்படும் .

தி.நகரில் நான் வேலை செய்யும் நிறுவனம் இருக்கும் தெருவில் ஒரு ஐந்து வருடங்களாக இதை நான் பார்த்து கொண்டு இருக்கிறேன் .
ஆனால் இது என்ன மரம் என்று தெரிந்து கொள்ளும் ஆவல் எனக்கு வந்ததே இல்லை .

அந்த மரத்தின் நிழலில் நின்று எத்தனையோ முறை நண்பர்களிடம் பேசி கொண்டு இருந்திருக்கேன் .
அதன் நிழலில் எத்தனையோ முறை என்னுடைய பைக்கை நிறுத்தி வைத்து இருந்திருக்கின்றேன் .
ஆனால் ஒரு முறை கூட அந்த மரத்தை பற்றி நினைத்து பார்த்ததே இல்லை .

நான் மட்டும் இல்லை எத்தனையோ ஆயிர கணக்கானவர்கள் அந்த பெயர் தெரியாத மரத்தின் கீழ் இருந்து பேசி இருந்திருக்கின்றார்கள் .
வண்டியை நிறுத்தி இருக்கின்றார்கள் .
இரவில் அங்கு ஒரு கையேந்தி பவனையும் பார்த்து இருக்கின்றேன்.

இந்த மரத்தின் சேவையை பயன்படுத்தி கொண்டது நான் மட்டும் அல்ல.
அதற்கு பின்னால் உருவான ஒரு பல மாடி கட்டிடமும் தான்.
அந்த கட்டிடம் கட்ட பட்ட போது அதற்கு தேவைப்படும் கம்பிகளை வெட்டியதும் இந்த மரத்தின் நிழலில்தான் .
கட்டிட வேலை செய்பவர்கள் ஓய்வாய் உட்கார்ந்து இருந்ததும் இந்த மரத்தின் நிழலில்தான் .
கட்டிடம் கட்டுபவரின் கப்பல் போன்ற கார் நின்றதும் இந்த மரத்தின் நிழலில்தான்.

இன்று அந்த கட்டிடம் பல மாடிகளோடு எழும்பி நிற்கிறது .
அந்த கட்டிட உரிமையாளர் கம்பீரமாய் அதனை பார்த்து கொண்டு இருக்கின்றார் .

ஆனால் அந்த பெயரில்லாத மரமோ இப்போது வெட்டப்பட்டு கிடக்கின்றது .
கட்டிடத்தின் அழகை கெடுக்கிறது என்று .

.....முற்றும் .

தாக்ரே குடும்பத்தை என்கவுண்டரில் போட்டு தாக்க வேண்டும்

2010-02-05T04:22:00.000-08:00

ஒரு மூணு தாதாக்கள் மும்பையையே கலக்கி கொண்டு இருக்கின்றார்கள் அங்கு இருக்கும் அரசாங்கத்தின் கைகளோ பூ பறித்து கொண்டு இருக்கிறது . என்ன கொடும சார் இது .

பால் தாக்கரே , உத்தவ் தாக்கரே , ராஜ் தாக்கரே என்கிற தாதாக்களின் தொல்லை மும்பை வாசிகளை பாடாய் படுத்தி எடுக்கிறது .

கட்சி தொண்டர்கள் என்று குண்டர்களை வைத்துகொண்டு யாரை வேண்டுமானாலும் தாக்குவது அவர்கள் சொல்வதைத்தான் அந்த மாநிலம் கேட்க வேண்டும் என்று அராஜகம் செய்வது என ஒரு எல்லையே இல்லாமல் நடந்து கொள்ளும் இந்த குடும்பத்தை தட்டி கேட்க ஒரு ஆண் மகன் இல்லை அங்கு.

மகாராஷ்ட்ரம் மரத்தியற்கே என்று சொல்லும் இந்த அராஜக அறிவு ஜீவிகள் ஆஸ்த்ரேலியாவில் இன வெறி தாக்குதல் நடப்பதால் ஐ பி யல் கிரிக்கெட் தொடருக்கு ஆஸ்த்ரேலிய வீரர்கள் பங்கு பெற விடமாட்டோம் என கூக்குரல் இடுகிறார்கள் . ஆஸ்த்ரேலியாவில் நடப்பது இன வெறி தாக்குதல் என்றால் மகாராஷ்ட்ராவில் இருக்கும் மற்ற மாநிலத்தவர்கள் மீது இவர்கள் நடத்தும் தாக்குதல் மட்டும் என்ன தேச ஒற்றுமை தாக்குதலா ?

என்ன ஒரு ஆச்சரியம் என்றால் இவர்கள் என்ன செய்தாலும் கையை கட்டி வேடிக்கை பார்க்கும் தூமை அரசாங்கமாக ஒரு அரசு நடை பெறுவதுதான் . பால் தாக்ரே அன் கோ வின் சிவா சேனா ராஜ் தாக்ரேவின் எம் என் எஸ் தான் அங்கு உண்மையான அரசாங்கமாக செயல்பட்டு வருவது கவலை அளிக்கும் விஷயம் .

வட மாநில மக்களுக்கு மத ரீதியான உணர்வுகள் இருப்பதினால்தான் இதை போன்ற குண்டர்கள் ஒரு அரசாங்கத்தை அசைத்து பார்க்க முடிகிறது . தமிழ் நாட்டில் பெரியார் மத உணர்வுக்கு மிகப்பெரிய கடிவாளம் போட்டதை போன்று அங்கு யாரும் தோன்றாததுதான் அந்த மக்களின் மிகப் பெரிய குறை பாடே .

பொது மக்களுக்கு தொல்லை கொடுக்கும் ரவுடிகளை என்கவுண்டரில் போட்டு தள்ளுவது வழக்கம் .அதைப் போன்று நாட்டின் ஒற்றுமைக்கு குந்தகம் விளைவிக்கும் இவர்களை போன்ற குண்டர்களை என்கவுண்டரில் போட்டு தள்ளுவது நாட்டிற்கும் நாட்டு மக்களுக்கும் நலன் பயக்கும் .

இன்னும் போட்டு தள்ள வேண்டிய சில லிஸ்டுகள்

பாராளு மன்றத்தை தாக்க உதவிய அப்சல் குரு.
தெலுங்கானா லொள்ளு சந்திர சேகர்
பாக். தீவிரவாதி அஜ்மல் கேசாப்

....

எனக்கும் கவிதை எழுத ஆசை

2010-02-03T00:24:00.000-08:00

வினை விதைத்தவன் வினை அறுப்பான்
திணை விதைத்தவன் திணை அறுப்பான்
கவிதையை விதைத்தவன் எதை அறுப்பான் ?
கழுத்தை .

இந்த கவிதையை என்னுடைய பள்ளிகூட நாட்களில் படித்தது .

எனக்கும்

ரோட்டில் ஒருவன் போய் கொண்டிருந்தான்
அவன் வயிறு ஒட்டி
கண்களும் உள்ளபோய்
எலும்புகள் மட்டும் மூடப்பட்டிருந்தது
தோல்களால்
நான் ஏதாவது கொடுக்க நினைத்தேன்
என் கையிலும் காசு இல்லை
மனது ஈர மாகியது
அதோ தூர தெரியும் காய்ந்த பனை மரங்களாய்
நாங்கள் இருவரும் .

என்பதை போன்ற புரிந்தும் புரியாத கவிதைகளை எழுதி உங்களையும் குழப்பி நானும் குழம்ப ஆசைதான் . விதி யாரை விட்டது .

என்னுடைய சிறு வயதில் கவிதை எழுதுவதும் , படிப்பதும் மிகவும் பிடித்த மான விஷயங்களாக இருந்தது . ஐந்தாவது படிக்கும் போது "எங்க விட்டு பாப்பா அழுவாத பாப்பா தூங்காத பாப்பா" என்பதை போன்று கவிதை எழுதியது உண்டு .

கல்லூரி இதழில்"
செந்தமிழ் தாயே உன்னை
சிறப்பு மிகு சீராட்டி
வனப்பு மிகு வாழ வைக்க ஆசைதான்
ஆனால் ஆசை மிகு வாழ்க்கை நான் வாழ
ஆங்கில மனைவி எனக்கு தேவை
ஆதலால்
மன்னிப்பாய இந்த
மானங்கெட்ட தமிழ் மகனை "

என்றும் கிறுக்கியது உண்டு . பிறகு 1995 ல் பாக்கியா வார இதழில் வரதட்சணையை பற்றி நான்எழுதிய
"விலைமகன் " கவிதை என்னுடைய போட்டோவுடன் வந்ததும் என்னுடைய மகிழ்ச்சிக்கு அளவே இல்லை .(அதற்கான பரிசு தொகையான ரூ 101 இன்னும் வந்து சேரவில்லை ) இந்த உலகிலே நான்தான் மிகப்பெரிய கவிப் பேரரசு என்பதாய் நினைத்து கொண்டிருந்தேன் . ஆனால் நாளாக நாளாக வார இதழ்களில் கவிதையாக வருபவற்றை படித்ததில் கவிதை மேல் இருந்த ஆர்வம் போயே விட்டது . தவிர கவிதை எழுதுபவர்கள் என்றால் தாடி வைத்து ஜோல்னா பை மாட்டுபவர்கள் என்கிற எண்ணமும் கவிதை அலர்ஜியை உண்டாக்கியது .

ஆனால் இப்போது பவர்களின் பதிவுகளில் வரும் கவிதைகளை படிக்கும் போது எனக்கு திரும்பவும் கவிதையின் மீது ஒரு ஈர்ப்பு உண்டாகியுள்ளது .

நன்றி கவிதை பதிவர்களே.

ஸோ இனிமேல் நானும் கவித கவித என்று புலம்பலாம் .

....

தெலுங்கானா மாநிலம் தேவையா ?

2010-02-01T03:31:00.000-08:00

அறுபது வருடங்களுக்கு மேலாக இருந்து வருகிறது இந்த தெலுங்கானா பிரச்சனை மொழி வாரியாக மாநிலங்கள் பிரிக்கப்பட்டாலும் அந்த மொழிகளுக்குள்ளே இப்போது பிரிவினை உண்டாகி தனி இனங்களாக தனி கலாசாரம் உடையவர்களாக தங்களை பிரித்து கொண்டு நாட்டையும் பிரிவினைக்குள்ளாக அழைத்து செல்கின்றனர்.

இந்தியா ஒரு நாடாக இல்லாத போது ஒரு சில பேரரசர்களே இந்தியா முழுமைக்கும் வெற்றி கொண்டு ஆட்சி நடத்தி கொண்டு இருந்தனர் . அப்படியும் அவர்கள் இருந்த இடத்தை தவிர மற்ற இடங்கள் எல்லாம் தான் கைப்பற்றிய வேறு நாடாகத்தான் அந்த மன்னன் நினைத்தான் . அந்த பேரரசனின் மறைவிற்கு பிறகு அவன் கைப்பற்றிய பகுதிகள் எல்லாம் பெரும்பாலும் தனி நாடாகத்தான் இருந்தன. ஒரு சில ராஜ்யங்கள் பெரிய ராஜாக்களுக்கு கப்பம் கட்டியும் தவிர போர் வரும் போது அவனுக்கு படை உதவி செய்தும் ( ஒரு வேலை எந்த ஒரு சூழ்ச்சியும் நடைபெறாத போது ) வந்தன.

பிரிட்டிஷ் ஆட்சி இங்கு ஏற்பட்டதன் விளைவாகத்தான் இந்தியா என்கிற ஒரு நாடு உருவானது . பிறகு மொழிவாரி மாநிலங்கள் உருவாயின. மாநிலம் என்பது
ஒரு குறுப்பிட்ட அளவிற்கு பெரியதாக இருப்பதுதான் அந்த மாநிலத்திற்கு நல்லது . இல்லாவிட்டால் அங்கு ஜனநாயகம் என்பது இல்லாமல் போய் அது ஒரு குடும்பத்தின் சொத்தாக ஆகும் அவலம் ஏற்படும். ஒரு மாநிலத்தில் பல்வேறு விதமான கலாச்சாரத்தை சேர்ந்த மக்கள் இருப்பதுதான் ஆட்சி மாறி மாறி வர துணை புரியும் .

தமிழகம் ஒரு பெரிய மாநிலமாக இருந்தாலும் ஆட்சி பலத்தில் ஒரு குடும்பம் அரசியல் , ஊடகம் , சினிமா , தொழில் என எல்லாத்திலும் ஆதிக்கம் செழித்தி வருவது தவிர்க்க முடிய வில்லை . சிறுபான்மை அரசாக இருப்பதிற்கே இந்த நிலை என்றால் ... பிறகு புரிந்து கொள்ளுங்கள் .

குட்டி குட்டி மாநிலங்கள் உருவாக உருவாக குறுநில மன்னர்கள் உருவாவது தடுக்க முடியாது. எல்லா முன்னேற்ற கழகங்களும் கம்பெனிகளாக மாறி வரும் சுழலில் இது நாட்டிற்கு நல்லது இல்லை என்பது தான் உண்மை.

தெலுங்கானா சந்திர சேகர் தனி மாநிலம் கிடைத்ததும் முதலில் முதல்வர் ஆவார் பிறகு அவர் குடும்பமே வழி வழியாக அந்த மாநிலத்தை ஆளும் தகுதி பெரும் . இப்போது போராட்டம் நடத்தும் பொதுமக்களுக்கு பிறகு எந்த வித்தியாசமும் தெரியபோவதில்லை . அந்த மாநிலத்தின் பெயரும் லோகோவும் மாறி இருப்பதை தவிர . இப்போதாவது ஒரு ஆட்சி போனால் மற்றோண்டிற்கு வாய்ப்பு இருக்கலாம் . ஆனால் பிறகு அதுவும் கிடைக்கிறதா என்பது சந்தேகமே. குட்டி மாநிலங்கள் மத்திய அரசிடம் பல நேரங்களில் மல்லு கட்ட வேண்டி வரலாம் .

மாநிலத்தில் தாங்கள் புறக்கணிக்கப்படுவதாக ஒரு பிரிவினர் நினைத்தால் அதற்காக போராடலாம் ஆனால் அதற்காக இப்படியே ஒவ்வொரு மாநிலத்தையும் பிரித்து கொண்டே போனால் இரண்டு விஷயங்கள் உண்மையாகலாம்.

ஒன்று : இந்தியர்களுக்கு தங்களை ஆண்டு கொள்ள தெரியாது என்ற
வெள்ளை காரனின் வாதம் .

மற்றொண்டு : இந்தியாவை சிறு சிறு நாடாக உடைக்க வேண்டும் என்று
வெப்சைட்டில் எழுதி வரும் சீனர்களின் கனவு .

........

இந்தியாவின் செல்லபிள்ளை - பாக்கிஸ்தான்

2010-01-30T00:53:00.000-08:00

நான் என்ன வேண்டுமானாலும் செய்வேன் ஆனால் நீ செய்தால் அவ்வளவுதான் என்று வீட்டின் கடை குட்டி அடிக்கும் லூட்டி தான் பாக்கிஸ்தான் இப்போது அடித்து கொண்டு இருக்கிறது.

26/11 தீவீரவாத தாக்குதலுக்கு இன்னமும் உருப்படியாய் ஒரு நடவடிக்கையும் எடுக்காத பாகிஸ்தான் அரசியல் பபூன்கள் ,
ஐ . பி. எல் -லில் பாக்கிஸ்தான் வீரர்களை ஏலத்தில் எடுக்காமல் இந்தியா புறக்கணித்துவிட்டது என்று கண்ணீர் வடிக்கின்றனர் .

நூற்றுக்கும் மேற்ப்பட்டவர்கள் செத்து மடிந்த விஷயம் அவர்களுக்கு பெரிதாக தெரியவில்லை . ஆனால் தங்கள் நாட்டு கிரிக்கெட் வீரர்கள் இந்தியாவில் போனி ஆகவில்லை என்று மட்டும் கூப்பாடு போடுகின்றனர். அதற்கு ஷாருக்கான் போன்றவர்களின் சப்பை கட்டு வேறு. இதில் அரசாங்கத்திற்கு சம்பந்தம் இல்லை என்று சொல்லும் உள்துறை அமைச்சர் சிதம்பரம் பாக். வீரகளை சேர்த்து கொண்டிருக்கவேண்டும் என்று கூறியுள்ளார் .அரசாங்கத்தின் தலையீடு இல்லை என்று கூறும்போது அதைப்பற்றி கருத்து மட்டும் ஏன் கூறவேண்டும்.

உடனே நார்த் இந்தியாவின் கேமரா நீதிமன்றங்களான மீடியாக்கள் இதனை ஒரு விஷயமாக எடுத்துகொண்டு பார்க்கும் ஆட்களிடம் எல்லாம் கருத்து கேட்கின்றனர்.

இந்தியாவில் நடக்கும் ஒரு விளையாட்டு நிகழ்ச்சியில் வெளி நாட்டு வீரர்களை சேர்த்து கொள்வதும் , கொள்ளாமல் இருப்பதும் நமது தனிப்பட்ட உரிமை . அதை கேள்வி கேட்க அடுத்த நாட்டிற்கு எந்த வித உரிமையும் இல்லை . குறிப்பாக பாகிஸ்தானிற்கு கொஞ்சம் கூட அறுகதை இல்லை.

இந்தியாவில் தீவீரவாத செயல்களை கட்டவிழ்த்து விடும் நாடாகவும் , இந்தியாவிற்கு செக் வைப்பதற்காக சீனாவிற்கு உதவி செய்து வரும் நாடாகவும் இருந்து கொண்டு இப்படி உரிமையையும் கேட்கிறது பாக்கிஸ்தான் . அதற்கு பொறுப்பாக பதில் சொல்லி கொண்டு இருக்கிறது இந்தியா .

லண்டனில் பாகிஸ்தான் வெளியுறவு அமைச்சர் குரோஷியை தான் சந்திக்க ஆவலாக இருப்பதாக எஸ் . எம். கிருஷ்ணா சொல்கிறார் உடனே குரோஷி தான் சந்திக்க போவதில்லை என்கிறார் . இப்போது கிருஷ்ணா பாகிஸ்தான் நடவடிக்கை எடுத்தால் தான் பேச்சு வார்த்தை என்கிறார். ஏன் இந்த முரண்பாடு நம் அமைச்சரிடம்.

ஒருவேளை இந்தியாவின் ஆட்சியாளர் மனதில் ஐ நா சபையில் நிரந்தர உறுப்பினர் அந்தஸ்து கிடைக்கிற வரையில் இப்படிதான் நயந்து போக வேண்டும் என நினைப்பிருந்தால் அது ஒரு தவறான அரசியல் தந்திரமாகத்தான் இருக்கும்.

சென்ற ஆண்டு அணு ஆயுத பரவல் தடுப்பு சட்டத்தில் இருந்து இந்தியாவிற்கு விலக்கு அளிக்க வேண்டும் என்கிற ஐ நா சபை விவாதத்தில் சீனாவின் ஆதரவை கோர சிங் சீன பிரதமர் வெண் ஜியாபோவிற்கு போன் போடா அவர் எடுக்கவே இல்லை . ஆனால் அதற்காக சீனாவின் உறவையா முறித்து கொண்டோம். மாறாக உலக வெப்பமயமாதல் கொபன்கேகம் மாநாட்டில் சீனாவோடு இந்தியா ஒத்துழைத்தது .

அதே போல் பாகிஸ்தானை இந்தியா மிக எச்சரிக்கையோடு கையாளாமல் அதனை ஒரு செல்ல பிள்ளையாக நடத்தி வந்தால் ஒருநாள் மிகப்பெரிய அழிவை சந்தித்து நொந்து கொள்ளவேண்டி வரலாம்.

....

பிரபாகரன் உயிரோடு இருக்கிறார் - தேர்தல் நாடகமா ?

2010-01-21T02:32:00.000-08:00

புலித்தலைவர் பிரபாகரன் உயிரோடு இருக்கிறார் என்கிற செய்தி உண்மையிலேயே தமிழ் சமுதாய மக்களுக்கு ஒரு இனிப்பான செய்திதான் . ஆனால் இலங்கையில் தேர்தல் வரும் இந்த சமயத்தல் திடிரென ஒரு வெப் சைட் முளைத்து அதில் புலிகளின் தலைவர் மேதகு வே. பிரபாகரன் உயிரோடுதான் இருக்கிறார் தக்கசமயத்தில் மக்கள் முன் தோன்றி பேசுவார் என்று கூற காரணம் என்ன? அப்படியே இந்த செய்தி உண்மையாக இருக்கும் பட்சத்தில் ஒவ்வொரு செயலையும் மிக துல்லியமாக நேரம் பார்த்து செய்யும் புலிகளுக்கு , தேர்தல் நெருங்கும் இந்த சமயத்தில் தங்கள் தலைவர் உயிரோடு இருக்கிறார் என்கிற இந்த செய்தி ராஜ பக்சே மீண்டும் (சிங்கள மக்களின் உணர்ச்சிகளை தூண்டி) வெற்றி பெற துணை போகும் என்று தெரியாதா ?

சில மாதங்களுக்கு முன்பு கம்யுனிச அமைப்பொன்று இன்னும் போர் முடியவில்லை . இனி எங்களின் போர் ராஜ தந்திர வழியில் இருக்கும் என்று கூறியதை போன்று தான் இதுவுமா என தெரிய வில்லை .

சென்னையில் எங்களை போன்றவர்களுக்கு இலங்கை அரசியலின் உண்மை நிலவரம் தெரிய வில்லை ஒரு வேளை பிரபாகரன் உயிரோடு இருக்கிறார் என்கிற செய்தி தேர்தலில் ராஜபக்செவிற்கு மரண அடியாக இருக்குமா என்றும் தெரியவில்லை .

எது எப்படியோ பிரபாகரன் அந்த சிங்களவர் கையில் மாட்டி சாக வில்லை
உயிரோடு தான் இருக்கிறார் என்றால் அது மிக சந்தோசமான விசயம்தான் .

கொசுறு செய்தி :
ராஜபக்செவின் அரசாங்க சோதிடர் ராஜ தேவேந்திரன் இந்த தேர்தலில் அராஜபக்சே கண்டிப்பாக ஜெயிப்பார் என்று கூறி உள்ளார்.

...

பின்னூட்ட பகவானே போற்றி !

2010-01-19T05:09:00.000-08:00

நாம என்னதான் பிரிச்சி மேஞ்சி எழுதினாலும் அதற்கு பின்னூட்டம் வராவிட்டால் . ? என்ன செய்வது ? என்று இனி குழம்பி கொண்டு இருக்க வேண்டாம் .

அதற்குதான் நம் முன்னோர்கள் அந்த காலத்திலேய அதற்கு வழியும் கண்டு பிடித்து உள்ளனர் . திருநெல்வேலிலிருந்து 30 கிலோ மீட்டர் தொலைவில் இருக்கும் பின்னூட்ட புரத்தின் நாயகர் தான் பின்னூட்ட பகவன் . முப்பது நாள் விரதமிருந்து தினமும் கலையில் எழுந்ததும் பின்னூட்ட பகவன் போற்றி மந்திரம் சொல்லி வர ,பிளாகில் பின்னூட்டம் வந்து குவிய ஆரம்பிக்கும் . விரதத்தை பின்நூட்டபுரத்திற்கு வந்து தான் முடிக்க வேண்டி இருக்கும்.

உங்கள் நலன் கருதி இந்த அறிவிப்பு வெளியிடுவது பின்னூட்ட பகவான் பீடம் .

நம்ம கேப்டன் விஜயகாந்திற்கும், அர்னால்ட் ஸ்வாஷ்நெகர்ருக்கும் சண்டை - புதுப்படம்

2010-01-19T01:09:00.000-08:00

(இந்திய வலை தள வரலாற்றிலேய முதன் முதலாக இன்னமும் எடுத்து முடிக்காத படம் உங்களுக்காக ...)

நேத்து வந்த ஜெயம் ரவிஎல்லாம் ஹாலிவுட் நடிகர்களோடு சண்டை போட்டு நாட்டை காப்பாத்தும் போது கேப்டன் மட்டும் சும்மாவா , தனது அடுத்த படத்திற்கு இந்தியாவில் (தீவீரவாதிகளே) வில்லன்களே இல்லாததால் அமெரிக்கா தீவீரவாதிகளிடம் இருந்து இந்தியாவை காப்பாத்தும் பொறுப்பை ஏற்றுள்ளார் .

எத்தனை காலத்திற்குத்தான் பாகிஸ்தான் தீவீராவாதிகளையே அடித்து தள்ளுவது , (உதைத்து என்று படிக்கவும்) கையில் துப்பாக்கி இருந்தும்.

இந்தமுறை என்னிடம் அடி, சாரி உதை வாங்க அர்னல்டுதான் வேண்டும் என்று கேப்டன் அடம் பிடிக்க வேறு வழி இல்லாமல் தயாரிப்பாளரும் தலையில் துண்டை போட்டு கொண்டு அர்னால்டின் கால்ஷீட் வாங்க படம் ஆரம்பிக்கிறது .

படத்தின் கிளைமாக்சில் அர்னால்ட் பெரிய ஆலமர சைசில் துப்பாக்கியை வைத்துகொண்டு கேப்டனை சுடுகிறார் . கேப்டன் லேசாக விலகிக்கொள்ள அது பின்னால் சென்று அங்கு இருக்கும் ஒரு பைப்பை தாக்குகிறது அதிலிருந்து வரும் புகையில் யாருக்கும் கண்ணு மண்ணு தெரியவில்லை ஒரு வழியாக புகைமூட்டம் களைந்து பார்த்தால் ,அர்னால்டின் கையில் கேப்டனின் தங்கை , தங்கையின் கையில் ஒரு வயது குழந்தை , அந்த ஒருவயது குழந்தையின் கையில் ஒரு சிரிக்கும் குழந்தை பொம்மை .

இப்போது அர்னால் படு பயங்கராமாக சிரிக்கின்றார் என்ன
வருங்கால முதல்வரே ! (படத்தில் கேப்டனின் பெயர் ) இப்ப என்ன செய்ய போற கொஞ்சம் அசஞ்சாலும் உன்னோட தங்கச்சி உயிர் அவ்வளவுதான் . மரியாதையா அந்த அணு குண்டு சம்பந்த பட்ட பைல கொடுத்திடு என்கிறார் .

கேப்டன் தன்னுடைய செவ்விழிகளை உருட்டி பார்க்கிறார் . தன் தங்கையை பார்கிறார் . தங்கையின் கையில் இருக்கும் குழந்தையை பார்க்கிறார் , குழந்தையின் கையில் இருக்கும் பொம்மையை பார்க்கிறார் .இன்டர் கட் ஷாட்டில் கேப்டன் சிறுவயதில் தன் தங்கைக்கு அவள் அழுவதை நிறுத்த ஒரு புது பொம்மையை வாங்கி கொடுக்கிறார் . அந்த பொம்மையை தான் இப்போது அவளின் குழந்தை கையில் வைத்து
இருக்கின்றது . என்னதான் தன் பேச்சை கேட்காமல் அவள் வில்லனை காதலித்து கல்யாணம் செய்துகொண்டாலும் மாமவின் சீதனமான அந்த பொம்மையை மறக்க வில்லை . அதை நினைத்து கண் கலங்கி தங்கையை பார்க்கிறார் . தங்கையும் அதை புரிந்து கொண்டவளாக தலையை ஆம் என்று ஆட்டுகிறாள்.

யோவ்! எவ்வளவு நேரம்தான் பொறுத்து இருக்கிறது ஒரு கையில இவ்வளவு பெரிய துப்பாக்கி இன்னொரு கையில உன்னோட தங்கச்சி வலி தாங்க முடியலையா . சீக்கிரம் கொடுயா .. அந்த பைல .-இது அர்னால்ட் .

கேப்டன் இப்போது ஆரம்பிக்கிறார் .நான் கொடுக்க மாட்டேன் இது காந்தி பிறந்த தேசம் , நேரு வாழ்ந்த தேசம் , இந்திர காந்தி வாழ்ந்த தேசம் , ராஜீவ் காந்தி வாழ்ந்த தேசம் சோனியா காந்தி வாழ்ற தேசம் ,ராகுல் காந்தி வாழ்ற தேசம் .. இந்த தேசத்துல பிறந்த ஒரு உண்மை தமிழன் உயிர்கூட தருவான் ஆனா அணுகுண்டு ரகசியத்த மட்டும் தரமாட்டன் .

இந்தியாவுல இருபத்து ஒன்பது மாநிலம் இருக்கு ,இப்ப முப்பதாவுதா தெலுங்கானா வரப்போகுது . ஒவ்வொரு மாநிலத்திலும் நாப்பது மாவட்டம் இருக்குது ,அந்த நாப்பது மாவட்டத்திலும் நானூறு கிராமங்க இருக்குது ,ஒவ்வொரு கிராமத்திலும் ரெண்டு குக்கிராமம் இருக்குது . இந்த கிராமத்துள .....பேசிக்கொண்டே திரும்பி பாக்கிறார் அர்நால்ட் துப்பாக்கியை போட்டு விட்டு தங்கையை விட்டு விட்டு ஓடுகிறார் வேகமாக . விடுவாரா கேப்டன் துரத்துகிறார் .

ஒரு பாழடைந்த கட்டிடத்தினுள் ஓடுகிறார் . கேப்டனும் உள்ளே செல்ல அர்னால்ட் சட்டையை கழட்டுகிறார் . கேப்டனும் "மொழ மொழ எம்மா" என்கிற தன்னுடைய உடம்பை காட்ட பனியனுடன் நிற்கிறார் . சண்டை ஆரம்பத்தில் அர்நால்ட் சுழட்டி சுழட்டி அடிக்கிறார் . வாயில் ரத்தம் கக்க கேப்டன் கீழே விழுகிறார் .

இப்போது இந்தியாவே கதறுகிறது . இந்திய ஆர்மி ,நேவி , ஏர் போர்ஸ் தளபதிகளும் கமான் கேப்டன் , கமான் கேப்டன் என்கிறார்கள் . கண்ணை திறக்கிறார் கண்ணில் அப்படியே மன்மோகன் , சோனியா வந்து போகிறார்கள் இந்திய தேச வரைப்படம் வந்து போகிறது கூட்டணி கூட்டணி என்கிற வார்த்தை பேக் கிரவுண்டில் கேட்கிறது . இப்போது பல்டி அடித்து எழுந்திருக்கிறார் கேப்டன் . அர்னால்டை துவம்சம் செய்கிறார் . இந்தியாவை காப்பாற்றுகிறார் . மக்கள் எல்லோரும் மகிழ்ச்சியில் கத்துகின்றனர் ,
வருங்கால முதல்வரே , வாழ்க !!

...சுபம்
இந்த படத்தை பற்றிய விமரிசனங்கள் வரவேற்கப்படுகின்றன .தவிர இந்த படத்தை தியேட்டரில் திரையிட உள்நாடு, வெளிநாடு விநியோகிஸ்தர்களும் தேவை .

அடுத்த முறை சீனாவின் ஆக்கிரமிப்பிலிருந்து இந்தியாவை காப்பாற்ற
ஜாக்கி சானோடு மோதுகிறார் நம் கேப்டன் .

...

சன் பிக்சர்ஸ் படங்களை நான் டி வி டி யில் தான் பார்ப்பேன்-payapulla

2010-01-13T03:49:00.000-08:00

திரைத்துறையை சேர்ந்த என் நண்பர் ஒருவரிடம் நான் பேசி கொண்டிருந்த போது அவரிடம் என்ன வேட்டை காரன் படம் பார்த்தீர்களா எப்படி இருந்தது ? என்றேன் .

தனிப்பட்ட முறையில் வேட்டைகாரன் எனக்கு புடிக்காவிட்டாலும் சினிமாவை சேர்ந்தவர் ஆயிற்றே அவர் பார்வை எப்படி இருக்கிறது என்கிற ஆவல்தான் .

ஆனால் அவர் பார்க்கவில்லை என்றார் .
எனக்கு ஆச்சரியம் .புதுமுகங்களின் படங்களை கூட
பார்த்துவிடுபவர் ,வேட்டைகாரனை இந்நேரம் பார்த்து இருப்பார் என்றே நினைத்தேன் .

பொதுவாகா இவரைப்போல் துணை இயக்குனர்களாக இருப்பவர்கள் தங்கள் தொழிலின் தற்போதைய நிலவரத்தை அறிந்து கொள்ள ,வரும் எல்லா படங்களையும் பார்ப்பது வழக்கம் . அதற்கு இவரும் விதிவிலக்கல்ல . ஆனால் இந்த படத்தை பார்க்காததற்கு அவர் சொன்ன காரணம் எனக்கும் ஓரளவிற்கு சரி என்று தான் பட்டது .

அதாகப்பட்டது திரைப்பட தயாரிப்பாளர் சங்கம் தங்களுக்குள் எடுத்த முடிவின் படி திரைப்பட விளம்பரங்களுக்கு ஒரு கட்டு பாட்டை வைத்துள்ளது . அதன் படி எத்தனை பெரிய தயாரிப்பாளர் ஆனாலும் அவர் தன்னுடைய திரைப்படத்திற்கு செய்தி தாளில் கொடுக்கும் விளம்பரத்தின் அளவு முதல் வாரத்திற்கு இந்த அளவு அடுத்த வாரங்களுக்கு இந்த அளவு என்று வரை படுத்தி அதன் படி தான் விளம்பரம் கொடுத்து வருகின்றனர்.

அதாவது முதல் வாரத்தில் குவாட்டர் பேஜ் கொடுத்தால் வரும் வாரங்களில் பத்துக்கு பதினைந்து சென்டிமீட்டர் அளவுகளில் தான் விளம்பரம் கொடுக்க முடியும் .இது எல்லோருக்கும் பொருந்தும் . இதன் மூலம் அதிக விளம்பரம் கொடுத்துவிட்டு படம் ஊத்தி கொண்டால் பத்திரிகை நிறுவனங்களுக்கு பணம் கொடுக்காமல் இருப்பது தடுக்கப்பட்டது . தவிர சின்ன பெரிய தயாரிப்பாளர்களுக்கு இடையே விளம்பரம் செய்வதில் இருந்த இடைவெளி குறைக்கப்பட்டது .

ஆனால் சன் பிக்சர்ஸ் வந்ததும் என்னவாயிற்று அவர்கள் எடுக்கும் படங்களுக்கு தங்கள் சேனலில் மகா பயங்கரமாக விளம்பரம் கொடுத்து பின்னி எடுக்கின்றனர் . இதனால் சின்ன தயாரிப்பாளர்கள் விளம்பர விஷயத்தில் மிகவும்
பாதிக்கப்படுகின்றனர் . அவர்களால் சன் சேனலில் அவர்கள் சொல்லும்
யானை விலை ,குதிரை விலைக்கு . விளம்பரம் செய்ய முடியுமா ? செய்தால் தான் கட்டு படி யாகுமா ? சன் பிக்சர்சால் தமிழ் திரை உலகம் ஓட்டு மொத்தமாக பாதிக்க பட ஆரம்பித்து உள்ளது .

இந்த செய்தியை சொன்னவரிடம் நீங்கள் படம் பார்க்கா விட்டால் அவர்களுக்கு என்ன கோடி கணக்கிலா நஷ்டம் வந்து விடபோகிறதா ? என்றேன் .

நான் படங்களை பார்க்க மாட்டேன் என்று சொல்லவில்லை சன் பிக்சர்சின் படங்களை இனி டிவிடி இல்தான் பார்க்க வேண்டும் என முடிவு செய்துள்ளேன் இது நான் எதிர்ப்பை காட்டும் வெளிப்பாடு என்றார்

அடப்பாவி உள்ளுக்குள்ள ஒரு எரிமலையே வெச்சிருக்காரே என்று நினைத்து கொண்டு ஏன் டிவிடி இன்னும் கிடைக்க வில்லையா என்றேன் . கொஞ்சம் பொறுத்திருந்தால் கண்ணில் ஒற்றி கொள்ளும் அளவிற்கு பாரின் பிரின்ட் கிடைக்கும் என்றார்.

நல்ல தெளிவாதான்ய இருக்காங்க .

...

மனசுக்கு ரொம்ப வருத்தமாக இருக்கிறது

2010-01-12T05:19:00.000-08:00

நானும் ரொம்ப நாளாக நம் வலைதளத்தை பார்த்து கொண்டுதான் வருகிறேன். நம் பதிவர்களுக்குள் ஒரு சண்டையும் காணோம் . எல்லோரும் ஆக்க பூர்வமாகவே பதிவை எழுதி கொண்டு வருவதை பார்த்தால் , நாம் தமிழர்கள் தானா என்று தோன்றுகிறது. ஒரு சக்திவேல் நான் விடை பெறுகிறேன் என்று ஓடி போனார் .

அடுத்து என்ன ஒரு கார சாரமே இல்லாமல் தமிழ்மண பதிவுகள் போய்கொண்டு இருக்கிறது .வாங்க சார் சண்ட போடலாம் . நீங்க எதாவது எழுதுங்க நான் பதில் எழுதறேன் . நாம கீபோர்டில் சண்டை போடலாம் .

எல்லாரும் பாருங்க நானும் ரவுடிதான் .

நல்ல பிளாகர் , கெட்ட பிளாகர் , குசும்பர்கள் , உள்நாட்டவர் , வெளிநாட்டில் இருப்பவர்கள் , அடுத்தவரை சில்மிஷம் பண்ணுபவர்கள் புது பிளாகர்கள் பழைய பிளாகர்கள் அனைவருக்கும் இனிய பொங்கல் நல் வாழ்த்துகள் .

...

சிங்களவர்களின் ஆதிக்கம் சென்னையிலும் - ஒரு சம்பவம் .

2010-01-07T04:24:00.000-08:00

நான் சமீபத்தில் பெங்களூரு போகலாம் என்று ஒரு ஆம்னி பேருந்தில் டிக்கெட் புக் பண்ணி இருந்தேன் . பயணம் செய்யும் அன்று வண்டியில் ஏறினால் வண்டியின் முதல் வரிசை தொடங்கி ஒரு எட்டு வரிசையில் காட்டு மிராண்டிகளை போன்ற ஒரு கும்பல் உட்கார்ந்து காச் மூச் என் பேசி கொண்டிருந்தது.

வண்டியில் ஏறும்போதே ஒருவன் எதிரில் தொடையின் பெரும் பகுதி தெரிய அரை டவுசர் போட்டு கொண்டும் தான் போட்டிருந்த டி ஷர்டை நெஞ்சு வரைக்கும் தூக்கி விட்டும் தொப்புளை காட்டி உட்கார்ந்து கொண்டிருந்தான் .

என்னுடைய சீட்டான ஐந்தாம் எண் சீட்டும் ஆக்கிரமிக்கப்பட்டு இருந்தது . என்னுடைய சீட்டில் ஒரு குண்டு கொழுக்கட்டையாக ஒருவனும் இன்னொரு வனும் உட்கார்ந்து இருந்தனர் . இது என்னுடைய சீட்டு என்று சொல்லியும் கேட்காமல் உட்கார்ந்து இருந்தனர் . நான் பஸ்சின் கிளினரிடம் சொல்லி அவன் வந்து சொன்ன பிறகும் வேண்டா வெறுப்புடன் ஒருவன் எழுந்து போனான் அனால் அந்த குண்டு கொழக்கட்டை யோ வேண்டும் என்று இரண்டு சீட்டையும் அடைத்து கொண்டு உட்கார்ந்து இருந்தான் .

அவர்களில் பெருபாலானவர்கள் அரை டிராயர் டி ஷர்ட் என எதோ கபடிவிளையாட வந்தவர்களைப் போன்று இருந்தனர். எனக்கு அந்த குண்டனின் பக்கத்தில் உட்கார விருப்பமே இல்லாததால் திரும்ப வந்து விட்டேன் . இதை விட கொடுமை தனியாக வந்த ஒரு பெண்ணும் என்ன செய்வது என்று உட்கார மனமில்லாமல் இருந்தார் . நான் அடுத்த பஸ்ஸில் செல்வதாக சொன்னதும் அவரும் அடுத்த பஸ்ஸில் வந்தார்.

அந்த சிங்களவர்கள் அந்த பெண் உட்கார கொஞ்சம் கூட இடம் தராமல் , அதாவது முன் சீட்டை விட்டு எழுந்து போக வேண்டும் . ஆனால் நாங்கள் குருப்பாக வந்துள்ளோம் இல்லாவிட்டால் நாங்கள் வேறு பஸ்ஸில் போகிறோம் என்று கூறி கொண்டிருந்தனர்.

நான் முதலில் அவர்களை வட நாட்டவர் பீகார் போன்ற மாநிலத்தில் இருந்து வந்து இருக்கலாம் என்று தான் எண்ணினேன் கீழே இறங்கி வந்த போது தான் சொன்னார்கள் அவர்கள் சிங்களவர்கள் என்று.

தமிழகத்திலேயே இத்தனை ஆட்டம் போடும் இந்த காட்டு மிராண்டிகள் இலங்கையில் எப்படி நடந்து கொள்வார்கள் என நினைத்து கொண்டேன். தமிழகத்தில் கூட என உரிமையை நிலை நாட்ட முடிய வில்லை .

இலங்கையில் .....???

.....

மணிரத்னம் ஒரு மகத்தான இயக்குனர்

2010-01-05T07:30:00.000-08:00

நாலு பாட்டு , ஐந்து சண்டை அப்புறம் கொஞ்சம் காமடி என்று போய்கொண்டிருக்காமல் தன்னுடைய இயக்குனர் பாதையை சிறப்பாக அமைத்து கொண்ட இயக்குனர்களுள் எனக்கு மிகவும் பிடித்தவர் இந்த மணியானவர் .
அவருடைய படங்களில் மௌன ராகம் , நாயகன் , தளபதி (கொஞ்சம் கமஷியல் கலந்தாலும்) ரோஜா , பாம்பே , கன்னத்தில் முத்தமிட்டால் ... போன்றவே அவரை உலக அளவில் மிக சிறந்த இயக்குனர்களுள் ஒன்றாக மாற்றி விட்டது எனலாம்.

அவர் கதையை கையாளும் விதத்தில் ஒரு மென்மையும் இருப்பதால்தான் ராம் கோபால் வர்மாவை விட கொஞ்சம் மேலே இருப்பதாக தெரிகிறது. அவர் படத்தின் நாயகன் , நாயகிகள் உடைகள் அவர்களின் பாத்திர படைப்புகளுக்கு மிக சரியாக இருப்பதும் அவரின் வெற்றிக்கான காரணங்களுள் ஒன்று எனலாம்.

அதேப்போல் இளைய ராஜாவின் பாடல்களுக்கு அவரின் காட்சியமைப்பு அதையொரு கவிதையாக்கி விடுவதை காணலாம்.

மணிரத்தினம் அவர்களின் படங்களை இனி வரும் பதிவுகளில் நான் பகிர்ந்து கொள்ள நினைக்கிறேன்.

பழைய சோறுதான் கொஞ்சம் சூடு படுத்தி தருகிறேன்.

தெலுங்கானா பிரச்சனையும் ஈழப் பிரச்சனையும்

2009-12-09T22:38:00.000-08:00

நினைத்தார் முடித்தார் . பணிந்தது மத்திய அரசு . புதிய மாநிலம் உருவாகும் விரைவில். ஆனால் வாய்சொல்லில் வீரர்கள் நிறைந்த தமிழ் நாட்டில் ஈழ போர் ஆரம்பித்தபோது பேசினார்கள் , நடக்கும் போதும் பேசினார்கள் முடிந்த பின்பும் பேசிக்கொண்டே இருக்கின்றார்கள் . மத்திய அரசை எதிர்ப்பதை போல் நடித்தார்கள் பிறகு பெட்டி பாம்பாய் அடங்கிபோனார்கள் . திருமா உண்ணா விரதம் நாடகத்தை ஆரம்பித்தார் . தொண்டர்கள் எல்லோரும் திருமாவின் உயிரை காப்பாற்று என்று பஸ்ஸை கொளுத்தினார்கள் . முதல்வர் கேட்டு கொண்டார் என்று உண்ணாவிரதத்தை முடித்து கொண்டார் . தான் எடுத்து கொண்ட ஒரு செயலை முடிக்காமல் பாதியில் கழன்று கொண்ட ஒரு தலைவர்தான் நமக்கு இருக்கின்றார்.

அடுத்து கலைஞர் தன்னுடைய நாடகத்தை ஆரம்பித்தார் . காலையில் ஏழுமணிக்கு நடை பயிற்சிக்கு வந்தவர் அப்படியே உண்ணாவிரதம் இருந்ததாக கூறினார் . தமிழுக்காக தன்னுடைய உயிரை கொடுக்கபோவதாக கூறினார் . அப்புறம் போர் நிறுத்தம் ஏற்பட்டுள்ளதாக கூறிவிட்டு அவரும் பழரசம் சாப்பிட்டு விட்டு சென்றார் . அவரும் தான் எடுத்த காரியத்தை முடிக்காமல் இன்றும் பல வசனங்களை பேசிக்கொண்டு தான் இருக்கின்றார்.

அவர்கள் எல்லாம் நமக்கு சொல்லி கொடுத்தது நாம் எது செய்ததாளும் அதற்கு மத்திய அரசு பணியாது என்பதை தான். ஆனால் இரண்டு எம் எல் களை கொண்ட ஒரு ஒல்லிகுச்சி தலைவர் தன்னுடைய மன உறுதியால் மத்திய அரசை அசைத்து காட்டி உள்ளார் . தான் எடுத்து கொண்ட காரியம் முடியும் வரை அவர் யார் சொல்லியும் கேட்கவில்லை . இன்று அவர் சொல்லித்தான் ஒரு அரசு கேட்கின்ற நிலை உருவாகி உள்ளது .

ஆயிர கணக்கில் தமிழ் உயிர்கள் கொல்லப்பட்ட போதும் வசனம் பேசிய வர்கள் இன்னமும் பேசிக்கொண்டு தான் இருப்பார்கள். தலைவர்களுக்கு பஞ்சம் இல்லை தமிழகத்தில் .

ஆனால் ஒரு நல்ல செயல் தலைவனை தான் தமிழன் இன்னமும் தேடிக் கொண்டு இருக்கின்றான்.

....
....
....

பிரபாகரனை வைத்து பணம் பண்ணும் பத்திரிக்கைகள்

2009-11-26T07:19:00.000-08:00

புலிகளின் தலைவர் பிரபாகரன் தமிழர்களுக்கு விடியலை பெற்று தருவார் என்று எல்லாம் எதிர்பார்த்து இருந்த சமயத்தில் அவர் இப்படி அற்ப ஆயுளில் சென்று விட்டதை எண்ணி உள்ளுக்குள் புழுங்குவதை யாரிடம் சொல்ல என்று கலைஞர் சமிபத்தில் அறிக்கை வெளி இட்டு இருந்ததை படித்ததின் மூலம் பிரபாகரனின் மரணத்தை ஒரு வழியாக தமிழக அரசு உறுதி படுத்தி விட்டதாக கொள்ளலாம் .

இப்போது ஒரு விடயம் என் மனதிற்குள் வந்து செல்கிறது . நக்கீரனில் பிரபாகரன் உயிரோடுதான் இருக்கிறார் இது ஆயிரம் ஆயிரம் மடங்கு உண்மை என்ற செய்தி என்னவானது. வந்த பத்து நிமிடத்தில் வித்து தீர்த்தது நக்கீரன் . நெற்றி கண் திறப்பினும் குற்றம் குற்றமே என்று கூறும் நக்கீரர் ! இப்போது இதற்கு என்ன பதில் சொல்லப்போகிறார். ஆனால் ஆங்கில நாவலை தாண்டிய விறுவிறுப்பு இருந்தது அந்த கதையில். சபாஷ் நக்கீரரே.

பிரபாகரன் மரணம் என்பதை அன்று இருந்த சூழ்நிலையில் எவரும் ஏற்று கொள்ளும் மனநிலையில் இல்லை .அதை நன்கு பயன்படுத்தி கொண்ட கோபால் அவர்களுக்கு நன்றி பணமாகுக .

பிரபாகரனின் படத்தை போட்டாலே பத்திரிகை விற்று தீர்ந்திடும் மாயத்தை கண்டு பிடித்து விட்ட பத்திரிக்கைகள் வாரம் ஒன்றாக செய்தி வெளியிட்டு தங்கள் ஈழ தாகத்தை பணம் குடித்து தீர்த்து கொள்கின்றன . ஆனந்த விகடனில் வாரம் ஒரு பிரபாகரன் செய்தி தவறாமல் இடம் பிடிக்கிறது . அவரின் படம் போஸ்டரில் தொங்குகிறது. இதில் குமுதமும் தான் சளைத்தது இல்லை என்கிறது. நக்கீரனை பற்றி சொல்ல வேண்டாம்.

ஆக மொத்தம் செத்தும் கொடுத்தான் சீதக்காதி என்கிறதை போல செத்தும் வாழ வைத்து கொண்டு இருகிறார் பிரபாகரன் இந்த உண்மை தமிழர்களை.

குறிப்பு : இந்த செய்தியை பிளாகில் எழுதுவதன் மூலம் என்னுடைய நோக்கமும் இப்படித்தான் இருக்கின்றதோ ?

.....
....
...

தமிழக எம் பி -களின் இலங்கை பயணம் - இந்த வருடத்தின் மிகச் சிறந்த திரைப்படம் .

2009-11-01T01:16:00.000-07:00

திரை விமர்சனம் - தமிழக எம் பி களின் இலங்கை பயணம் .

நடிப்பு : டி.ஆர். பாலு , கனி மொழி , திருமாவளவன் மற்றும் பல முன்னணி நட்சத்திரங்கள் .

எழுத்து, இயக்கம் - திரு . கலைஞர் கருணாநிதி .

மதிப்பெண் : 100

சினிமாவில் திரைக்கதை வசனம் எழுதி பிரபலமான அதன் மூலம் முதல்வரும் ஆன திரு கருணாநிதி அவர்கள் நீண்ட நாட்களுக்கு பிறகு இந்த தள்ளாத வயதிலும் , பல வேலை பளுகளுக்கு மத்தியிலும் ஒரு அழகான , உயிரோட்டமான காவியத்தை படைத்திருக்கிறார் .

கதைப்படி தமிழகத்தை சேர்ந்த ஒரு பதினோரு எம். பி. கள் இலங்கை சென்று அங்கு கஷ்டத்தில் இருக்கும் ஈழ தமிழர்களின் பாடுகளை அறிந்து அவர்களுக்கு பலவிதமான உதவிகளை செய்கின்றனர்.

கதை என்னவோ சிறியதாக இருந்தாலும் அதை கையாண்ட விதம் கலைஞரின் கற்பனை திறனையும் , அனுபவ முதிர்ச்சியையும் காட்டுகிறது . கலைஞர் ஒரு புறம் சிறந்து விளங்குகிறார் என்றால் டி. ஆர் . பாலு மறுபுறம் தன் நடிப்பில் பிச்சு உதறுகிறார் . ஒரு சில இடங்களில் அவர் பேசிய பல வில்லத்தனமான வசனங்களை எடிட் செய்து எடுத்து விடாமல் இருந்திருந்தால் இன்னமும் அவர் நடிப்பின் பரிமாணம் நன்கு வெளிப்படிருக்கும் .

தாய் எட்டடி என்றால் குட்டி பதினாறடி என்பது கனி மொழிக்கு பொருந்தும் . ஒரு சில அழும் காட்சிகளில் அவருடை முன்னேற்றம் தெரிகிறது.

தேடி போய் ஆப்பு வைத்து கொள்ளும் கேரக்டர் திருமாவளவனிற்கு. அதனை நன்றாக செய்துள்ளார் . வில்லன் ராஜ பக்ஷே வைத்த ஆப்புவை வாங்கிய பிறகு அவர் பேசும் டயலாக்கில் தியேட்டர் அதிருகிறது . கீப் இட் அப். திருமா அவர்களே

படத்தின் முடிவில் வில்லன் ராஜ பக்ஷே நாயகர்களுக்கு என்ன பரிசு கொடுத்தார் என்று இயக்குனர் காட்டி இருந்தால் நன்றாக இருந்திருக்கும் .

படத்தில் இதைப்போல் ஒரு சில குறை பாடுகள் இருந்தாலும் ஒட்டு மொத்தமாக பார்த்தால் இது ஒரு மிக சிறந்த படம் என்பதில் சந்தேகம் இல்லை .

கலைஞரின் ஆஸ்காரை தாண்டிய சாதனை இது.

நன்றி கலைஞர் அவர்களே உங்களிடம் இருந்து இதைப் போல் இன்னும் பல காவியங்களை எதிர் பார்க்கிறோம் .அதைப்போல் தங்களின் இயக்கம் மற்றும் தயாரிப்பில் இருக்கும் அடுத்த படைப்பான முல்லை பெரியார் அணை என்கிற திரைப்படமும் வெற்றி பெற வாழ்த்துகிறோம்.

பயபுள்ள விமரிசன குழு .

கிசு கிசு :
கலைஞரின் அடுத்த படைப்பான முல்லை பெரியார் அணை பல திருப்பங்கள் இருப்பதாக சொல்லப்படுகிறது . அதில் ஒரு காட்சியில் நாயகன் வில்லனை பணியவைக்க மிகப்பெரிய கூட்டத்தை கூட்ட நினைக்கிறான் . இதை புரிந்து கொண்ட வில்லன் நாயகனுக்கு டெல்லியில் செக் வைக்கிறான் . அதை தொடர்ந்து நாயகனின் கூட்டம் ரத்தாகிறது.

இந்த திரை விமர்சனத்தை பற்றிய உங்களின் விமர்சனம் வரவேற்கப்படுகிறது .

......
.....

நேரு செய்த தப்பும் செவிடன் காதில் ஊதிய சங்கும் .

2009-09-18T06:01:00.000-07:00

விழித்திரு ! எதிரி வருகிறான் .

இந்த தேசம் கண்ணீர் வடிக்கிறது!
என்றுதான் இந்த நாட்டிற்கு ஒரு ஒரு வீரமும் விவேகமும் கலந்த ஒரு தலைவன் கிடைப்பானோ என்று .

நாளா புறமும் வளைத்து கொண்டிருக்கிறான் சீனாக்காரன் . நம்முடைய ஆட்சியாளர்கள் இப்போதுதான் விமானத்தில் மூன்றாம் வகுப்பில் போகலாமா என்பதை பற்றி பேச்சி கொண்டு இருக்கிறார்கள்.

சிக்கிமில் சீன இராணுவம் சுட்டு நம் வீர்கள் இருவர் படு காயம் அடைந்து கொண்டு இருக்கிறார்கள் . லடேக்கில் ஒன்னரை கிலோ மீட்டர் தூரம் வரை இந்திய எல்லைக்குள் வந்து சீனா என்று அங்குள்ள பாறைகளில் சிவப்பு கலரில் எழுதிவிட்டு போகிறார்கள் . அருணாச்சல் பிரதேசத்தில் எந்த ஒரு வசதிகள் செய்தாலும் அதனை கடுமையாக எதிர்க்கிறார்கள் . இந்தியாவை சுற்றி ஒரு வலை பின்னல் போல் சூழ்ந்து கொண்டு இருக்கிறார்கள் . ஆனால் இந்தியாவின் தலை எழுத்தை நிர்ணயிப்பவர்கள் தூங்கி வழிந்து கொண்டு இருக்கிறார்கள்.

இங்கிருக்கும் "காட்டு கத்தல் கம்யுனிஸ்டுகள்" இதற்கெல்லாம் வாயே திறக்க வில்லை. சீன ஆக்கிரமிப்பை குறித்து நடக்க இருந்த கூட்டத்தை கூட தள்ளி வைத்து விட்டார்கள் நம் தலைவர்கள் . எவ்வளவு முன்னெச்சரிக்கை.

சீன அரசாங்கம் ஒரு சர்வாதிகார கொள்கை உடைய பயங்கர ராணுவ பலம் கொண்ட ஒரு முரட்டு அரசாங்கம் அதனை எதிர் கொள்ள நாம் எப்படி விழிப்பாக இருக்க வேண்டும் . இந்திய முழுவதும் அலறுகிறது . நம் ஆட்சியாளர்களை
தவிர . சீனர்களை நம்பி நம்முடைய அயலுறவு கொள்கை மென்மையாக இருக்கலாகாது.

இந்த தூங்க மூஞ்சி நிலை நீடித்தால் இந்தியா ஒரு கோழைத்தனமான தோல்வியை வலு கட்டாயமாக ஏற்கவேண்டி இருக்கும்.

நேரு காலத்தில் ராணுவத்தை நவின படுத்தாமலும் , தயார் நிலையில் வைத்திருக்காமலும் இருந்ததால் கேவலமாக சீனாவிடம் அடி வாங்க வேண்டி இருந்தது . அந்த துக்கத்தில் அவரும் போய் சேர்ந்தார் .

இப்போது இருக்கும் அரசாங்கமும் நேரு செய்த அந்த தவறையே செய்த கொண்டு
இருக்கிறது . இந்தியாவே கூக்குரல் இட்டும் அது செவிடன் காதில் ஊதும் சங்காக தான் உள்ளது.

உண்மையிலேய இந்தியன் என்பதில் வெட்கப்படுகிறேன் ...

...

பொக்கிஷமும் படமும் சேரனின் முத்தின மூஞ்சும் !

2009-08-21T23:55:00.000-07:00

சேரனின் பொக்கிஷம் படம் பார்த்தவர்கள் அவரின் முத்தின முகத்தை காண சகிக்காமல் ....
சேரனுக்கு ஒரு கடிதம் , சேரன் அவர்களுக்கு ஒரு கேள்வி , .... சந்தேகம்
இதில் நீங்கள் நடிக்க தான் வேண்டுமா? என்று அவரை நார் நாராய் கிழித்து .. அவரின் முத்தின முகத்தை படத்தின் கதையை விட மிக பிரபலமாக்கி விட்டனர் திரை விமரிசனத்தில் .

முத்தின மூஞ்சோடு யார்தான் சினிமாவில் நடிக்க வில்லை . எழுபதுகளில் நடிக்க ஆரம்பித்து இன்றும் கதாநாயகனாக நடிக்கும் நடிகர்களுக்கெல்லாம் இருப்பது என்ன இளம் மூஞ்சா ...

எண்பதுகளில் நடிக்க ஆரம்பித்த நாயகர்களுக்கும் குளோசப் ஷாட் வைக்கவா முடிகிறது ...

அப்படி இருக்க சேரன் மட்டும் முத்திய முகத்துடன் நடிப்பதில்
என்ன தவறு இருக்கிறது நண்பர்களே ...

கந்தசாமியின் முகம் மட்டும் எப்படி இருக்கிறது? ...

சரி இப்ப விஷயத்திற்கு வருவோம் .. உண்மையில் பொக்கிஷத்தில் சேரனின் முகம் முத்தி தெரியவில்லை . அவர் செய்த (மிகப் பெரிய ) தவறு என்ன வென்றால் தன்னுடைய மீசையை எழுபதுகளில் இருப்பதை போல வடிவமைத்து கொண்டதுதான் . ஒரு வேலை எழுபதுகளில் அப்படி இருந்ததா ? என்றால் தெரிய வில்லை . ஆனால் அவர் மீசையை கத்தரித்து கொண்டதால்தான் அவர் முகத்தின் வசீகரம் மாறி அகோரமாய் தெரிந்தது . மீசையை அதிகமாய் கட் பண்ணியதால் பல்லும் வெளியே துருத்தியது போல தெரிந்தது .

நன்கு வளர்ந்த அடர்த்தியான மீசையை அதன் அடர்த்தியை குறைப்பதால் இப்படி தோன்றலாம் . பேரன் பேத்தி எடுத்த நாயகர்களையே மேக்கப் போட்டு இளமையாக காட்டும் போது சேரனுக்கு மேக்கப் போடுவது அத்தனை கடினமானதும் அல்ல . அவர் அதிகமாக போட்டு கொள்ளவில்லை . ஒவ்வொரு விஷயத்தையும் உன்னிப்பாக கவனித்து செய்பவர் இதை கவனிக்காமல் விட்டு விடுவதற்கு அவர் மசாலா இயக்குனர் இல்லை .

அடுத்த படத்தில் அவர் நன்கு வளர்ந்த ஒரிஜினல் மீசையோடு வரப் போகிறார் . அப்போது இதே நண்பர்கள் சேரன் இப்போது இளமையாக தெரிகிறார் ... என்ன செய்தார் என பதிவு எழுத போகிறீர்கள் .

ஆகையால் அநேகமானவர்களுக்கும் தெரிவிப்பது என்னவென்றால் சேரனின்
மீசையே துன்பத்திற்கு காரணம் .

பல நாட்களாக நான் ஆராய்ந்து கண்டு பிடித்த இந்த அரிய கண்டு பிடிப்பிற்கு தவறாமல் பின்னூட்டம் இட்டு உற்சாகப் படுத்தவும் !!!

நன்றி !
...

ஆதி கேசவனும் அந்த குடிசை வாசிகளும்

2009-08-14T23:08:00.000-07:00

எத்தன பேர் குடிசை போட்டுக்க
போறீங்க ?

ஒரு ஐம்பத்து பேர் அண்ணே !

ஐம்பத்து பேரா ? ஐம்பத்து குடும்பம்னு சொல்லுடா!

சொல்பவன் தலையை சொரிகிறான் ஆமாண்ணே !

ஐம்பத்து குடும்பன்னா பிரச்சனை ஆயிடுமேடா!

ஆதி கேசவன் புருவங்களை சுருக்கி யோசிக்கின்றார் .

ம்... ஒரு குடும்பத்துக்கு ஐயாயிரம் ரூவா கொடுத்துட சொல்லிடு
நான் பாத்துக்கறேன் !

டேய் சொக்கா எதோ நீ நம்ப ஆளா போயிட்டதால தான் நான் இத பண்ணுறேன்
ஐம்பத்து குடும்பத்துக்கு மேல அதிகமா போனா நீதான் மாட்டுவே !
என்ன புரியுதா ?

அப்பறம் பணத்த சாயங்காலம் கொண்டு வந்து அம்மா கையில கொடுத்துடு .

புறப்பட தயாராய் நின்று கொண்டிருந்த தன்னுடைய ஸ்கார்பியோவின் உள்ளே
ஆதி கேசவன் சென்று அமர்ந்தார் .

ஆளும் கட்சியின் ஓரளவு முக்கியம் வாய்ந்த பொறுப்புகளை பெற்றுள்ள ஆதி கேசவன் அந்த பகுதியின் கவுன்சிலரும் கூட.

சிங்கார சென்னையை அலங்கரிக்கும் பல திட்டங்களை செயல் படுத்தும்
பொறுப்புள்ள பல கவுன்சிலர்களுள் ஆதிகேசவனுக்கும் முக்கிய பங்கு உண்டு.

அதில் ஒரு திட்டம் தான் அடையார் ஆற்றின் ஓரத்தில் குடிசைகளை அமைத்தல்
அதற்குதான் இப்போது அனுமதி கொடுத்து விட்டு வந்தார்.

குடிசைகளை அமைக்க ஒரு தொகை , மழை காலத்தில் ஆற்றில் வெள்ளம் வந்து
குடிசைகள் முழுகினால் நிவாரணம் வாங்கி தர ஒரு தொகை , போலீஸ் தொல்லையோ , வட்டாச்சியர் தொல்லையோ வராமல் இருப்பதற்கு ஒரு தொகை என அவ்வப்போது காசு பாத்தாலும் அவர்களை தன்னுடைய கட்சி வேலைக்கும் பயன் படுத்த தவறுவதில்லை .

சொக்கன் மாதிரியான ஆட்கள் அப்படி சேர்ந்தவர்கள் தான் . அவர்களுக்கும் கட்சி பாதுகாப்பு.
இவருக்கும் வேலை முடிகிறது.

சமிபத்தில் நீதி மன்ற உத்திரவின் பேரில் ஆக்கிரமிப்பு நிலங்களை புல் டோசர் வைத்து மாநகராட்சி அதிகாரிகள் இடித்ததால் இப்போது ஆதி கேசவன் மூலம் அவர்கள் புனர்வாழ்வு பெறுகின்றனர். இதுவும் எத்தனை நாள் என்று உறுதியாக சொல்ல முடியாவிட்டாலும் அதுவரை விலாசம் தேடி வரும் லட்சுமியை ஏன் விட வேண்டும் .

துர்நாற்றம் வீசும் கழிவு நீர் ஆறாக மாறியுள்ள அடையாற்றின் கரைகளில் ஒன்று இரண்டு என்று ஐம்பத்து குடிசைகள் திடீரென முளைத்தன .

ஆதி கேசவனின் ஆசி இருப்பதை அறியாத சிலர் போலீசுக்கு பப்ளிக் போனிலிருந்து அனாமதேய கால் பண்ணினாலும் அதனால் எந்த பயனும் ஏற்ப்பட வில்லை.

குடிசைவாசிகளின் திறந்த வெளி கழிப்பிடமாக அங்கு இருக்கும் சாலைகள் மாற ஏற்கனவே அங்கிருந்த அபார்ட்மென்ட் வாசிகளின் சங்கங்கள் மூக்கில் கருப்பு துணி கட்டி, கைகளில் பதாகைகள் ஏந்தி ஒரு நாள் அடையாள எதிர்ப்பை காட்டினர் .

பலனில்லாத அந்த எதிர்ப்பு ஆதி கேசவனை கோபமடைய செய்ய அவரின் அடிப்பொடிகள் ஒன்றினால் அந்த போராட்டத்தை நடத்தினவருக்கு ஒரு மிரட்டல் போனது அதற்கே கைகால் ஆடி போன அவர் அடக்கம் அமரருள் உய்த்தார் .

போராட்டம் வெளிப்படையாக ஓய்ந்ததே தவிர நின்று விட வில்லை . திடீரன ஒரு நாள் ஒரு நாளிதழில் அடையார் ஆற்றின் கரைகளில் ஆக்கிரமிப்பு என்ற தலைப்பில் ஒரு கட்டுரை தெளிவான போட்டோவுடன் வந்தது . அதில் ஒரு கட்டம் கட்டிய செய்தியாக இந்த ஆக்கிரமிப்பிற்கு ஆதிகேசவனின் ஆசி இருப்பதாகவும் எழுதப்பட்டிருந்தது .

இதற்கு இடையில் ஒரு பொது நலன் வழக்கு நீதி மன்றத்தில் தொடரப்பட்டிருந்தது . அதில் இந்த ஆக்கிரமிப்பை தொடக்கத்திலேயே தடுக்காவிட்டால் பிறகு அது மிக பெரிய வேலையாகிவிடும் . அதில் அங்கு குடியிருப்பவர்களுக்கு வேறு இடத்தில் தங்க வசதி ஏற்படுத்தி தர வேண்டும் என்று கேட்டு கொள்ளப்பட்டிருந்தது.

நாட்கள் சென்றது.

இப்போது அந்த இடத்தில் நூறு குடிசைகள் முளைத்து இருந்தது

இந்த முறை சொக்கன் ஆதிகேசவனை பார்க்க வந்தது தங்கள் சேரிக்கு மின் விளக்கும் , ரேஷன் கார்டும் கேட்டு தான் . ரேஷன் கார்டும் , தெரு விளக்கும்
வந்து விட்டால் நாமை யாரும் எளிதில் காலி செய்து விட முடியாது என்பது அவனுடைய கணக்கு.

அதை எதிர் பார்த்தவர் போல ஆதி கேசவனும் புருவத்தை சுருக்கி யோசித்து கொண்டிருந்தார் .

டேய் சொக்கா இந்த முறை நான் உனக்கு நேரடியா எந்த உதவியும் செய்ய முடியாது

ஒரு ஐடியா சொல்றேன் ...

அத கேட்டு அந்த மாதிரி செஞ்சா , நீ கேட்ட மாதிரி நான் செஞ்சி தர முடியும் .
என்ன கேட்ப்பியா ?

என்ன அண்ணே ! நீங்க சொல்றத என்னக்கி கேட்காம இருந்திருக்கோம்.
சொல்லுங்கண்ணே !

அப்பன்னா .. நாளக்கி அங்க இருக்கிற குடுசைக்கி தீ வச்சீடு !

எண்ணனே சொல்லறீங்க ?

இங்க பாருடா சும்மா போயி நான் உங்களுக்காக பேச முடியாது .

இந்த மாதிரி எதாவது நடந்தா ? உங்க மேல ஒரு பரிதாபத்த நான் ஏற்படுத்தி அப்படியே நீ சொன்ன காரியத்தையும் முடிச்சி கொடுத்துருவேன் .

உனக்கு சரின்னா செய்யி இல்லனா வேணாம் !

அடுத்த நாள் காலை எல்லா தொலைக்காட்சிகளிலும் குடிசை தீப்பற்றி எறிந்த செய்தி தான் பிரதானமாக இருந்தது . லோக்கல் எம் எல் எ வுடன் ஆதி கேசவனும் வந்து பதிக்காப்பட்டவர்களுக்கு ஆறுதல் கூறினார் .

சில நாட்களில் அந்த இடத்தை வந்து பார்த்த மாநகராட்சியின் அதிகாரிகள் அங்கு இருந்தவர்களை பத்து நாட்களிற்குள் காலி செய்ய சொல்லி விட்டு சென்றனர் .

அவர்களுக்கான வேறு இடம் பரிசிலனையில் இருப்பதாகவும் இப்போது நீதி மன்றத்தில் வழக்கு இருப்பதால் இழப்பீடு ஒன்றும் தர முடியாது என்றனர்.

ஆதிகேசவனை பார்க்க சொக்கன் ஓடினான் . ஆதி கேசவன் சி. எம். மீடிங்கில் பிஸியாக இருந்தார் .

குடிசைவாசிகள் அனைவரும் காலி செய்யப்பட்ட பிறகு ஒரு நாள் சொக்கனால் ஆதி கேசவனை பார்க்க முடிந்தது .

டேய் சொக்கா நானும் என்னால ஆனா மட்டும் பேசி பாத்துட்டண்டா
சி. எம் பிடி கொடுக்கவே இல்லடா .

எவனோ ஒருவன் கோர்ட்டுல போட்டிருக்கானாமே . நான் ஒன்னும் பண்ண முடியாதுன்னு கை விரிச்சிட்டார் .

சரி கவலை படாத உங்களுக்காக வேற இடம் சீக்கிரம் பாத்து கொடுக்க சொல்லி இருக்கேன் .

சொக்கன் புறப்பட்டான் .

நாளிதழில் குடிசை வாசிகளின் ஆக்கிரமிப்பு ,ஆதி கேசவன் ஆதரவு என்று செய்தி வந்த போதே ஆதி கேசவனுக்கு அந்த இடங்களை எல்லாம் காலி பண்ண வைத்து விட வேண்டும் என்று முதல்வரிடம் இருந்து உத்தரவு வந்ததையும் அதற்கு ஆதி கேசவன் கொஞ்ச நாள் அவரிடம் அவகாசம் வாங்கி இருந்ததையும் சொக்கன் ஒரு வேலை அறிந்து இருப்பானே யானால் அவரிடம் ரேசன் கார்டு வேண்டும் என்று கேட்க சென்றிருக்கவே மாட்டான் .

இந்த அதிர்ஷ்டம் தான் ஆதிகேசவனுக்கும் சொக்கனுக்கும்
இடையே இருக்கும் வித்தியாசம் .

இரவில் சுதந்திரம் வாங்கினோம் ! இன்னும் விடியவே இல்லை. !

2009-08-14T04:16:00.000-07:00

ஒரு கசப்பான தோல்விக்கு தயாராகும் இந்தியா

இதோ நாம் மற்றும் ஒரு சுதந்திர தினம் கொண்டாட போகிறோம் . ஆனால் சமீப காலமாக செய்தித்தாளில் சீனாவின் சில்மிஷங்களைப் பற்றி வரும் செய்திகள் சந்தோசப் படும் விதமாக இல்லை. நம்முடைய கடற் படை தளபதி இந்திய இராணுவம் சீனாவிற்கு எந்த விதத்திலும் சமம் இல்லை என பகிரங்கமாக பேட்டிகொடுக்கிறார். அதே சமயம் சீனாவின் அதிகார பூர்வ வெப் சைட்டில் இந்தியாவை முப்பது துண்டாக பிரிக்க வேண்டும் என்று அந்த நாட்டின் பாது காப்பு வல்லுநர் எழுதுகிறார்.

ஆனால் நம்முடைய தூங்க மூஞ்சி அரசியல் வாதிகளின் காதுகளுக்கு அது எட்டியதாக தெரிய வில்லை . நம்மோடு போட்டி போடும் பாக்கிஸ்தான் எல்லா விதத்திலேயும் நமக்கு சமமாக முயன்று கொண்டு இருக்கிறது. ஆனால் எல்லாப் பக்கத்திலேயும் எதிரிகளை கொண்டுள்ள நாம் எவ்வளவு விழிப்பாக இருக்கவேண்டிய தருணம் இது.

இந்திய வரலாற்றில் இந்திய மன்னர்கள் அசட்டையாக இருந்ததால் தான் தொடர்ந்து வெளி நாட்டு மன்னர்களிடம் கேவலமாக தோற்க வேண்டி இருந்தது .

ஒரே நாடக இல்லாத போது இந்த நிலை என்றால் , ஒன்று பட்ட இந்தியாவும் தன் ஆயுத பலத்தை அதிகரிக்காமல் அசட்டையாக இருக்கிறது.

கீழே இருப்பது இரு நாடுகளின் ராணுவ ஒப்பீடு .
இந்தியா ராணுவ செலவாக வருடத்திற்கு முப்பது ஆயிரம் கோடி
செலவிடுகிறது . அதில் பெரும்பான்மையான தொகை வீரர்களின் சம்பளம் .

சீனா வருடத்திற்கு எழுபது முதல் இருநூறு ஆயிரம் கோடி வரை செலவிடுவதாக அமெரிக்க ஆய்வு நிறுவனம் ( US Library of congress : Central Intelligence Agency) தெரிவிக்கிறது.

இந்தியா

ARMY
Total Land-Based Weapons: 10,340
Tanks: 3,898 [2004]
Armored Personnel Carriers: 317 [2004]
Towed Artillery: 4,175 [2004]
Self-Propelled Guns: 200 [2004]
Multiple Rocket Launch Systems: 150 [2004]
Anti-Aircraft Weapons: 2,424 [2004]

NAVY
Total Navy Ships: 143
Merchant Marine Strength: 501 [2006]
Major Ports and Harbors: 9
Aircraft Carriers: 1 [2004]
Destroyers: 8 [2004]
Submarines: 18 [2004]
Frigates: 16 [2004]
Patrol & Coastal Craft: 43 [2008]
Mine Warfare Craft: 12 [2008]
Amphibious Craft: 7 [2004]

AIR FORCE
Total Aircraft: 1,007 [2004]
Helicopters: 240 [2004]
Serviceable Airports: 346 [2007]

சீனா

ARMY
Total Land-Based Weapons: 31,௩00

Tanks: 8,200 [2004]
Armored Personnel Carriers: 5,000 [2004]
Towed Artillery: 14,000 [2004]
Self-Propelled Guns: 1,700 [2004]
Multiple Rocket Launch Systems: 2,400 [2004]
Mortars: 16,000 [2001]
Anti-Tank Guided Weapons: 6,500 [2004]
Anti-Aircraft Weapons: 7,700 [2004]

NAVY
Total Navy Ships: 760
Merchant Marine Strength: 1,822 [2008]
Major Ports and Harbors: 8
Aircraft Carriers: 1 [2010]
Destroyers: 21 [2004]
Submarines: 68 [2004]
Frigates: 42 [2004]
Patrol & Coastal Craft: 368 [2004]
Mine Warfare Craft: 39 [2004]
Amphibious Craft: 121 [2004]

AIR FORCE
Total Aircraft: 1,900 [2004]
Helicopters: 491 [2004]
Serviceable Airports: 467 [2007]

சென்னையை கலக்கும் ஆன்-லைன் ஜாப் மோசடிகள் .

2009-08-13T22:22:00.000-07:00

நோகாமல் நோம்பு கும்பிடலாம் வாங்க என்று பண ஆசைகாட்டும் விளம்பரங்களை நாளிதழில்களில் செய்துவிட்டு சைலண்டாக கல்லா கட்டிக்கொண்டு இருக்கிறது விவரம் தெரிந்த ஒரு ஏமாற்று கூட்டம் .

மாதம் 30,000 சம்பாதிக்கலாம் 50,000 சம்பாதிக்காலாம்.

ஆன் லைன் ஜாப்

தினந்தோறும் இரண்டு மணிநேரம் வேலை செய்தால் போதும்

வீட்டில் கம்ப்யுட்டர் இல்லா விட்டால் பிரவுசிங் சென்டரில் செய்யாலாம் என விளம்பரம் செய்வார்கள் .

விளம்பரத்தில் ஒரு வெப் சைட் ஐடி யை கொடுத்து பார்க்க சொல்லி இருப்பார்கள் . அல்லது செல் நம்பர் இருக்கும் . ஏற்கனவே பணம் சம்பாதிக்க முடியாமல் நொந்து நூலாகி இருக்கும் நொந்தகுமாரர்கள் உடனே இந்த நம்பருக்கு தொடர்பு கொள்வார்கள் .
கொஞ்சம் ஜாக்கிரதை உணர்வுடன் இருப்பதாக சிலர் நினைத்து கொண்டு அந்த வெப்சைட்டை தேடி பார்ப்பார்கள் .
அதில் இவர்களின் ஆசையை கிளறிவிட டாலரில் தொகையை போட்டிருக்க . அதனை பற்றி முழு விபரம் அறிய ஒரு தொகையை கட்டணமாக செலுத்த வேண்டி இருக்கும் .
பண ஆசை யாரை விட்டது அதுவும் டாலரில் வந்தால் வுடனே நம்ப நொந்த குமாரர்கள் பணத்தை கட்டி விடுவர். அப்புறம் என்ன நடக்கும் . கீழே ...

ஆன் லைன் ஜாப் சிலவகை படும் .

டேட்டா என்ட்ரி ஜாப் .

பார்ம் பில்லிங் ஜாப்

இ மெயில் ரீடிங் ஜாப்

காபி பேஸ்ட்

பிளாக் ஆரம்பித்தல் .

பல்க் எஸ் எம் எஸ் அனுப்புதல்

ரெபரல் .

பெரும்பாலும் டேட்டா என்ட்ரி மற்றும் பார்ம் பில்லிங் ஜாப் களுக்கு நீங்கள் சுலபத்தில் எட்ட முடியாத டார்கெட் இருக்கும் தவிர குவாலிட்டி கண்ட்ரோல் என நீங்கள் செய்த தப்புகளுக்கு தகுந்த வாறு பணம் பிடிக்க படும். இதெல்லாம் அந்த கம்பெனி சென்னையில் இருந்து அதன் முகவரி தெரிந்து இருந்தால் தான். சென்னை இல்லாத ,முகவரி தெரியாத நிறுவனமா ? ... சொல்லவே தேவை இல்லை.

அடுத்து இ மெயில் ரீடிங் ஜாபில் உங்களை கிளுகிளுப்பூட்டும் வகையில் வேலையின் தன்மை மிக சுலபமாக இருப்பதாக தெரியும். இந்த வகை ஜாப் இருப்பதாக சென்னையில் ஒரு நிறுவனம் விளம்பரம் செய்து அதற்காக வெறும் ஐந்நூறு ரூபாய்யை ஒரு தனி மனிதர் பெயரில் பேங்கில் கட்ட சொல்லி அதனுடைய வெப்சைட்டில் போட்டிருக்கிறது .

மாதம் முப்பதாயிரம் ருபாய் சம்பாதிக்க சொல்லித்தரும் அந்த வெப்சைட் கூட அதனுடைய சொந்தமான டொமைனாக இல்லாமல் நெட்டில் இலவசமாக கிடைக்கும் டொமைன் நேமில் உருவாக்கப்பட்டிருக்கும் .
அப்புறம் நீங்கள் அந்த பெயருக்கு பணத்தை கட்டிய பிறகு உங்கள் இ மெயிலிற்கு இந்த, இந்த வெப் சைடில் உங்கள் பெயரை பதிவு செய்து கொண்டிர்கள் என்றால் பணத்தை அல்ல அல்ல குறையாமல் எண்ணலாம் என கூறி இருப்பர் .

நீங்கள் அந்த வெப்சைட்டில் பதிவு பண்ணும்போது கூட அப்படித்தான் அதில் போட்டிருக்கும். அதேப்போல் உங்கள் எர்நிங்(earning) பகுதியிலும் காட்டும் . ஆயிரம் டாலர் , இரண்டாயிரம் டாலர் , பத்தாயிரம் டாலர் என கிளுகிளுப்பூட்டுமே தவிர அது உங்கள் அக்கௌண்டில் அந்து சேராது. பணம் சம்பந்தமாக அந்த நிறுவனத்திற்கு ஏதேனும் இ மெயில் அனுப்பினால் கூட பதில் இருக்காது.

அடுத்து காப்பி பண்ணி பேஸ்ட் பண்ணும் ஜாபில் சில இந்திய நிறுவங்கள் தங்களுக்கு கிடைக்கும் வொர்க்கை வெளியில் கொடுத்து செய்கிறது இதற்கும் நம்மிடையே பணம் வசூலிக்கப்படும் .
வேலையும் கஷ்டமானது தவிர நேரம் அதிகம் இழுக்ககூடியது.
இதனையெல்லாம் வீட்டில் கம்ப்யுட்டரும் , அன்லிமிடெட் broadband connection -நும் இருந்தால் ரிஸ்க் எடுத்து ரசக் சாப்பிடலாம் .

மேலும் பிற ஆன்லைன் மோசடிகளை குறித்து அடுத்த பதிவில் எழுதுறேன்.

இது என் ஐம்பதாவது பதிவு - நண்பர்கள் அனைவருக்கும் நன்றி! தமிழ் மணத்திற்கும் நன்றி !!

2009-07-30T03:00:00.000-07:00

போகும் தூரம் அதிகம் !

பார்த்து கொண்டதில்லை , பேசிக்கொண்டதில்லை ஆனாலும் நண்பர்கள் நாம்.
நாடுகள் பல கடந்து சென்றாலும் , மாநிலங்கள் பலவானாலும் , ஊர்கள் வேறுபட்டாலும் நம் எண்ணங்கள் ஒன்றுப்பட்டு தான் இருக்கின்றது !

மத்தியானமும் , சாயங்காலமும் தொட்டுக்கொள்ளும் ஒரு மூன்றாம் மணி வேளையில் நான் தற்செயலாகத்தான் தமிழ்மணம் வலைப்பதிவை பார்த்தேன் . உண்மையில் தமிழில் இப்படி ஒரு வலைப்பதிவு இருப்பதை அப்போதுதான் கண்டுகொண்டேன். அது வரை தமிழில் வெப் துனியா தவிர மற்ற வர இதழ் களின் வலைப்பதிவைத்தான் பார்த்து கொண்டு இருந்தேன். தமிழ் மணத்தை பார்த்ததும் எனக்கு ஏற்பட்ட உற்சாகத்திற்கு அளவே இல்லை ...

இந்த நேரத்தில் எனக்கு முதன் முதலாக பின்னூட்டம் இட்டு எனக்கு பின்தொடர்பவர் வரிசையில் முதலாவதாக வந்து என்னை உற்சாகப்படுத்திய நண்பர் திரு. சுரேஷ் அவர்களுக்கும் அதன் பிறகு வந்த நண்பர் டாக்டர் திரு . தேவன் மாயம் அவர்களுக்கும் மற்றும் இப்படி ஒரு ஊடகத்தை ஏற்படுத்தி கொடுத்திருக்கும் தமிழ்மணத்திற்கும் என் நெஞ்சார்ந்த நன்றியை தெரிவித்து கொள்கிறேன் .

அதேப்போல் எனக்கு பின்னூட்டம் இட்டு என்னை உற்சாகப்படுத்தும் நண்பர்களுக்கும் , தோழியர்களுக்கும் நன்றி நன்றி .

மேலும் அனைத்து ஜாதி , மத , மதமில்லாத , பிரபலமான , பிரபலமில்லாத , இன்றுதான் தமிழ்மணத்தில் சேர்ந்த அனைவருக்கும் என் நன்றியை உரித்தாக்குகிறேன்.

உலகம் முழுவதும் ஐம்பது நாடுகளில் இருக்கும் தமிழர்களை இந்த ஐம்பதாவது பதிவு சென்று சேர்வது எனக்கு மிக்க மகிழ்ச்சி.

இது நான் அடித்திருக்கும் முதலாவது fifty . இன்னும் நான் அதிக fifty களை அடிக்க உங்களின் வாழ்த்துக்களை வேண்டி நிற்கின்றேன்.

விழாக்கால தள்ளுபடி :
இன்று என்னுடைய ஐம்பதாவது பதிவை முன்னிட்டு நீங்கள் உலகம் முழுவதும் எந்த கடையில் என்ன வாங்கினாலும் அதில் 50% தள்ளுபடி கிடைக்கும் என்பதை மகிழ்ச்சியுடன் தெரிவித்து கொள்கிறேன். தள்ளுபடி கிடைக்காதவர்கள் உடனே எனக்கு பின்னூட்டம் இடவும்.

சூப்பர் தள்ளுபடி :
மேலும் நம் இளைய தளபதியின் ஐம்பதாவது படத்தின் first show first ticket ம் ஐம்பது சதவீதம் தள்ளுபடியில் கிடைக்கும் என்பதை பெரும் ஆரவாரத்திற்கு இடையில் தெரிவித்து கொள்கிறேன். இதனைப் பற்றி மேலும் அறிய பின்னூட்டம் இடவும்.

கொண்டாட்டம் :
இன்று இரவு எட்டு மணிக்கு என்னுடைய ஐம்பதாவது பதிவை கொண்டாடும் விதமாக டாஸ்மாக கபாலி மற்றும் குவாட்டர் கோவிந்தனின் இன்னிசை கச்சேரி நடைபெறும் என்பதை தெரிவித்து கொள்கிறேன்.

பின்னூட்டம் :
இன்று ஒரு பின்னூட்டம் இட்டால் இரண்டு பின்னூட்டம் இலவசம். முந்துங்கள் இந்த சலுகை (மண்டையில் ) ஸ்டாக் உள்ளவரை மட்டுமே !

....

தமிழ்மணத்தை ரணகளப் படுத்தும் பத்து விஷயங்கள்

2009-07-29T05:19:00.000-07:00

பார்ப்பன்யம் : ஆதரவு -எதிர்ப்பு

பெரிய பதிவர் vs சின்ன பதிவர்

ஓரினசேர்க்கை : ஆதரவு - எதிர்ப்பு

அனானியின் அட்டகாசங்கள் - ஹேக்கர்

விடைபெறுகிறேன் - வேண்டாம்

விடுதலைப்புலிகள் : ஆதரவு - எதிர்ப்பு

பிரபாகரன் உயிரோடு இருக்கிறார் , இல்லை

மத சம்பந்தமான தீவீர பதிவுகள்

வரதட்சனை கொடுமை சட்டம் 498A

இது தவிர எனக்கு பிடித்த பத்து , பிடிக்காத பத்து
என்று பத்து விதமான பதிவுகள் ( இதையும் சேர்த்துத்தான்)

அடுத்த முறை பத்து பத்தாக பிரித்து எழுத கூடிய பத்து விஷங்களைப் பற்றி எழுதலாம் என உள்ளேன். என்ன சொல்கிறீர்கள் .

அப்புறம் இந்த பதிவு ஒரு குட்டி முக்கியத்துவம் வாய்ந்தது எனக்கு . கண்டு பிடியுங்கள் பார்க்கலாம்.

ஆட்டோக்காரன் !

2009-07-27T05:06:00.000-07:00

என்னது ? வடபழனிலேந்து தி. நகர் போவ நூறு ரூபாவா?

என்னப்பா விளையாடுறியா ?

நான் ஒன்னும் விளையாடுல நீதாமா பெட்ரோல் வில தெரியாம இருக்க ?

அதுக்குன்னு இப்படியா ?
துரைசாமி ரோடுல கட் பண்ணி ஆர் 3 போலீஸ ஸ்டேஷன் வழியா போனா தி.நகர் பத்து நிமிஷம்தாம்ப்ப ...

நல்லா வாயிலேயே வழி சொல்றீயே அப்டே போவ வேண்டியது தானே . அப்ப்றம் எதுக்கு ஆட்டோ...

என்னாப்பா ரொம்ப ரூடா பேசற ..

அப்பறம் என்னமா? டி நகர் வரைக்கும் போயிட்டு சும்மாதான திரும்பி வரணும்

உன்ன யாரு சும்மா வர சொல்றது யாரையாவது ஏத்திக்கிட்டு வர வேண்டியதுதானே?

அதெல்லாம் சரிப்பட்டு வராது . .. நீ எவ்ளோ குடுப்ப?

நான் அறுவது ரூவா கொடுக்கறேன் .

தொண்ணுறு ரூபான்னா ஏறு
இல்லனா வேற அட்டோ பாத்துக்கோ என்ற ஆட்டோ காரனின் பதிலால் கோபமுற்ற அம்புஜம்மாள்
ரொம்பதான் எகத்தாளம் இவனுக்கு என்று தனக்குள் முனகிக்கொண்டு
வேறு ஆட்டோவிற்காக ரோட்டை பார்க்கலானாள்.

ச்சே சொல்லிவச்சாபோல ஒன்னு கூட காலியா வரமாட்டேன்குதே ? என பொருமினாள்.

ஆடி தள்ளுபடியில் நேற்று எடுத்த புடவைக்கு ஜாக்கெட் தைக்க வேண்டும்
தவிர பழைய குக்கரை போட்டு விட்டு புதுசு வாங்க வேண்டும்...

நேற்று மீனாவோடு வந்திருந்ததால் அலுப்பு தெரிய விலை ...

பழைய குக்கரை வேறு கையேடு கொண்டு வந்திருந்தாள் .
இப்ப என்ன செய்வது ...

அதே ஆட்டோகாரனிடம் போக வேண்டியது தான் ...

ஆட்டோவில் ஏறிக்கொண்டாள்.

இப்பல்லாம் தி.நகர் -ல சவாரி ஏத்த போலீஸ்காரன் எங்க உட்றான் ...
ஆட்டோ கொஞ்சம் நிக்க கூடாது வெரட்டிகிட்டே இருக்கான்... என ஆட்டோ காரன் பேசிக்கொண்டு வந்தான் .

ஆனால் பேரத்தில் தோற்றுவிட்ட அம்புஜமாளின் காதில் எதுவும் விழவில்லை .

ஆட்டோ கார பயலுகளே ! பகல் கொள்ள தான் அடிக்கிறான்க . என் நினைத்து கொண்டாள்.

போகும் போதே குப்பையா தெருவில் இருந்த டெய்லரிடம் ஜாக்கெட் துணியை
கொடுத்து விட்டு தி.நகர் ரங்கநாதன் தெருவின் ஆரம்பத்தில் இறங்கிக் கொண்டாள் .
ஆட்டோ காரனின் முகத்தை கூட பார்க்க பிடிக்காமல் ஏற்கனவே ரெடியாக எடுத்து வைத்து இருந்த பணத்தை கொடுத்து விட்டு கோபமாகவே முகத்தை வைத்து கொண்டு சென்றாள்.

பாத்திரக்கடையில் கூட்டம் அதிகமாக இருந்தது .
தான் கொண்டு வந்த பழைய குக்கரை கொடுத்து விட்டு புதிய குக்கரை பாத்து கொண்டிருந்தாள். ஒரு மணி நேர அலசலுக்கு பின்னர் ஒரு குக்கரை வாங்க முடிவு செய்தாள்.
பழைய குக்கருக்குன்டான தள்ளுபடி போக மீத முள்ள பணத்திற்கான
பில் வந்தது . பில்லை கொடுக்க பணத்தை எடுக்க பர்சை பார்க்கும் போதுதான் தெரிந்தது பர்ஸ் இல்லை என்று.

அடக்கடவுளே பர்ஸ் எங்கே போச்சி ?

ஆட்டோவிலே விட்டோமா ? அல்லது வர்ற வழியில கூட்டத்தில அடிச்சிட்டாங்களா ?

டெய்லரிடம் ஜாக்கெட் கொடுக்கும் போது கிழே விழுந்து விட்டதா ?

குழப்பத்தில் மயக்கமே வந்து விடும் போல் இருந்தது.

ஆட்டோவில் இருந்து இறங்கும்போது வைத்திருந்தோமா? இல்லையா ?
என்பதை கணிக்க கடினமாக இருந்தது . மனது முழுவதும் கோபமே
நிறைந்திருந்தால் அப்போது நடந்தவற்றை மனதில் முன்னிறுத்தி பார்க்க முடியவில்லை.
கடையின் கேஷ் கவுண்டரில் இருந்தவனுக்கு அம்புஜமாளின் முகத்தில் இருந்த கலவரம் விஷயத்தை புரிய வைத்திருந்தது .

என்ன மேடம் பில்லு போடுறத்துக்கு முன்னாடி கேஷ் இருக்குதான்னு செக் பண்ணிக்க வேணாமா ? என்றான்.

அம்புஜத்திற்கு கண்ணிற் வெளிவர ஆரம்பித்தது .

ஒரு வேலை கடையில் விழுந்து கிடக்கிறதா ? என்று கீழே குனிந்து தேடி பார்த்துக் கொண்டே நடந்தாள்.

எங்கேயும் கிடைக்காமல் போகவே . தன்னுடைய பழைய குக்கரை வாங்கி கொண்டு அவமானமும், சோகமும் முகத்தில் அப்பிக்கொள்ள என்ன செய்வது என்று நினைத்தவளுக்கு மீனாவிற்கு செல் பண்ணலாம் என்று தோன்றியது.

ஆபீஸில் இருக்கும் கணவனையோ , காலேஜில் இருக்கும் மகனையோ கூப்பிடுவதை விட மீனாவை கூப்பிடுவதுதான் எல்லா வகையிலும் சவ்கரியம் .

ஆனால் அவளும் இன்று வெளியே போவதாக சொன்னாளே என நினைத்தவள் இருந்தாலும் வேறு வழி இல்லாமல் போன் செய்தாள்.

மீனா வருவதற்கு ஒரு மணி நேரம் ஆனது . அதற்குள் அம்புஜம் நடந்து வெளியே வந்து திநகர் பஸ் ஸ்டாண்டில் நின்று கொண்டிருந்தாள்.

எப்படிக்கா ஆச்சி ? நீ ரொம்ப ஜாக்கிரதையா இருப்பியே?

ஆட்டோ காரன் மேல இருந்த கோவத்திலே வந்தேன் . கடையில வந்துதான்
பாத்தேன் . பர்ஸ காணல எவ்வளவு அவமானமா போச்சி தெரியுமா ?
பேசாம உன்கூடவே நாளைக்கு வண்டியில வந்திருக்கலாம் .
இப்படி பணத்த தொலைக்க தான் ரொம்ப அவசர பட்டிருக்கேன். என அழுதாள்.

அழாதக்கா ! இப்ப என்ன பண்ணலாம் .

போலீஸ்ல கம்ப்ளைன்ட் கொடுக்கலாமா ?

கொடுத்தா மட்டும் எப்படி கண்டு பிடிப்பான் ?
எங்க தொலைஞ்சதுன்னு சொல்லுறது? என புலம்பினாள் .

அக்கா , நாம இப்ப அந்த டெய்லர்கிட்ட போயி ஒரு வேளை அங்க இருக்குதான்னு பாப்போம் . என்றாள் மீனா .
ஆனால் டெய்லரும் இங்கு விழவில்லை என்று சொன்னான்.

இப்ப என்னக்கா பண்றது ... போலீஸ ஸ்டேஷன்ல ஒரு கம்ப்ளைன்ட் கொடுத்து வைப்போம் வா என்று கூப்பிட்டு போனாள்.

ஹெட் கான்ஸ்டபில் எல்லா விவரங்களையும் கேட்டு விட்டு ஒரு கம்ப்ளைன்ட் எழுதி கொடுக்க சொன்னார். கம்ப்ளைன்ட் எழுதி கொடுப்பதில் எந்த பிரயோஜனமும் இருக்கப்போவதில்லை என்பதால் பெயருக்கு ஒரு கம்ப்ளைன்ட் எழுதி கொடுத்து விட்டு வெளியே வந்தார்கள் .

அம்புஜமாளுக்கு ஆட்டோ காரனை நினைத்தால் இன்னமும் கோபம் கோபமாய் வந்தது. கிளம்பும் போதே தகராறு பண்ணான் காரியமே விடியல என் நினைத்தாள்.

அவர்கள் வெளியே வந்ததும் மீனா தன் ஸ்கூட்டியை ஸ்டார்ட் செய்யும் போது ஒரு ஆட்டோ வந்து நின்றது . அதிலிருந்து அந்த ஆட்டோ டிரைவர் அவசர அவசரமாக இறங்கினான் . அவன் அம்புஜம் இதுவரை திட்டி கொண்டிருந்த டிரைவர் .
என்னமா பர்சு காணலியா ?
பர்ஸ பத்ரமா வச்சிக்க கூடாதா? வண்டியில கிடந்தது . நான் பாத்ததால போச்சி சவாரி ஏர்ரவங்க யாரவது பாத்து இருந்தா அம்ம்புட்டு பணமும் போயிருக்கும் .
உங்களால நான் சவாரிய கூட ஏத்தாம வரேன் .

போலீஸ் ஸ்டேஷன்ல ஒப்படைக்கத்தான் வந்தேன் . என்ன கம்ப்ளைன்ட் கொடுத்திட்டிங்களா என்றான். சரி எல்லாம் சரியா இருக்கான்னு பாத்திட்டு கம்ப்ளைண்ட வாபஸ் வாங்கிடுங்க . நான் வர்ர்றேன் .

என்ன பெட்ரோல் செலவுதான் எனக்கு ? என்று புலம்பிக்கொண்டே ஆட்டோவிடம் சென்றான்.

கொஞ்சம் இருப்பா? என்று சொன்ன அம்புஜம் உள்ளே சென்று கம்ப்ளைன்ட் ஐ வாபஸ் வாங்கி விட்டு வந்தவள் மீனாவிடம் போய் எதோ பேசி விட்டு ஆட்டோ டிரைவரிடம் வந்து வடபழனிக்கு போப்பா என்றாள்.

வரும் போது இதே ஆட்டோவில் இதே ஆட்டோக்காரனை கொள்ளை காரனாய் நினைத்து மனதிற்குள் திட்டிக்கொண்டே கோபமாக வந்தவள், இப்போது அதே ஆட்டோவில் அதே ஆட்டோகாரனை பற்றி பெருமையாக நினைத்து சந்தோஷமாக வீட்டுக்கு சென்று கொண்டிருந்தாள் .

...

முனியம்மா

2009-07-25T04:07:00.000-07:00

முனியம்மா வேலைக்கு சென்று இன்றோடு நான்கு நாட்கள் ஆகி விட்டது . அதுவும் இல்லாமல் இன்று இடியாய் ஒரு செய்தி அவள் மண்டையை தாக்கியது . அது அவளுக்கு எய்ட்ஸ் நோயின் ஆரம்ப கட்ட அறிகுறிகள் தெரிவதாக மருத்துவமனையில் கூறியதுதான்.

ஆட்டோ டிரைவரான அவளுடைய கணவன் மாரியப்பன் கடந்த ஆண்டு ஒரு லாரி விபத்தில் பலியாக அது முதல் தனி மரமாய் இருக்க வேண்டிய சுழல் .இந்த சூழலில்தான் வீட்டு வேலை செய்யும் வேலைக்காரியாய் காசிவிசுவநாதன் வீட்டிற்கு செல்லவேண்டி இருந்தது .

காசி விசுவநாதன் அந்த ஊரில் பணக்காரன் மட்டும் அல்ல அரசியல் செல்வாக்கும் கொண்டிருந்தான். வேலைக்கு சென்ற கொஞ்ச நாளிலே காசி விசுவநாதனின் எண்ணம் நன்றாக தெரிய ஆரம்பித்தது . மனைவி இல்லாத நேரங்களில் மிகவும் தொந்தரவு கொடுக்க ஆரம்பித்தான் . ஒரு நாள் வெளிப்படையாய் சொல்லியே விட்டான் இங்க பார் நீ இங்க தொடர்ந்து வேல பாக்கனும்னா , அப்படி இப்படி இருந்து தான் ஆகணும் என்கிட்டே வேலை செய்யற எல்லாத்துக்கும் அதான். நீ சின்ன பொண்ணா இருக்கியேன்னு பாக்கறேன் .நீயே விருப்பப்பட்டு வரணும் என்ன புரியிதா என்று கூறினான் .

அடுத்த நாள் முனியம்மா வேலைக்கு செல்ல வில்லை . ஆனால் வீடு தேடி ஆள் வந்தது அம்மா கூப்பிடுகிறார்கள் என்று . இதைப்போல் முனியம்மா நிற்பதும் பிறகு ஆள் வந்து கூப்பிடுவதும் தொடர்ந்தது. ஆனால் இந்த முறை அவன் அவளை பலாத்காரமாய் கற்பழிக்க முயற்சிக்கவே அன்று ஓடி வந்தவள் இனி அங்கு வேலைக்கு செல்லவே கூடாது என நினைத்தாள் .

இதற்கு இடையில் தான் திடீரென உடம்பு ரொம்ப அசதியாகவும் , ஜொரமும் வரவே ஜி ஹெச் சென்று பார்த்த போது அங்கு ரத்தம் பரிசோதித்து பார்த்தவர்கள் இன்று முடிவை சொன்னார்கள் . முதலில் டாக்டர் நீ என்ன செய்கிறாய் , உன் கணவன் என்ன செய்கிறான் என கேட்டு விட்டு அவன் இறந்து விட்டான் என்று சொன்னதும் முனியம்மாவை ஒரு வித அற்பமாய் பார்த்து விட்டு,
ம்மா உனக்கு எய்ட்ஸ் நோயோட அறிகுறி தெரியுது நீ இனிமே ரொம்ப பத்திர மாக நடந்து கொள்ள வேண்டும் . கொஞ்சம் கட்டு பாடொடு வாழ்ந்தால் .... என சொல்லிக்கொண்டு போனார் ஆனால் எதுவும் அவளின் காதில் விழவில்லை . இடியே விழுந்த பின் விளக்கம் கேட்டு என்ன பயன் .

வீட்டுக்கு வந்த பின்பும் முனியம்மாவின் மனது ஒரு சூனியாமாகவே இருந்தது . தன்னுடைய கணவன் மாரியின் மீது தான் ஆத்திரம் வந்தது . தண்ணி அடிப்பதும் பல பெண்களோடு சகவாசம் வைத்திருப்பதும் தான் அவனுடைய அன்றாட வாழ்க்கையின் நெறிமுறையாக இருந்தது. அவன் இருந்த போதுதான் சுகப்பட வில்லை என்றால் செத்தும் கெடுத்து விட்டானே என்கிற கோபம் வந்தது . இந்த கோபம் பொதுப்படையாய் ஆண்கள் மீதே ஏற்பட்டது . இப்படி தன் வாழ்க்கை வீணாகி விட்டதே என நினைத்து படுத்து கொண்டிருந்தாள் .

அப்போது வீட்டு வாசலின் வெளியே யாரோ கூப்பிடும் சத்தம் கேட்கவே வெளியே சென்று பார்த்தாள். காசி விசுவநாதன் வீட்டில் இருந்து ஆள் வந்திருந்தான் . அம்மா கூப்பிட்டார்கள் என்று சொன்னான்.

இதுவரை கொண்டிருந்த ஆத்திரங்களுக்கு எல்லாம் விடை கிடைத்தவளாய் ஒரு முடிவோடுகிளம்பினாள் . அதில் ஒரு பழி வாங்கும் வேகம் இருந்தது.

...

அஜித் , விஜய் -பத்து வித்தியாசங்கள்

2009-07-24T23:39:00.000-07:00

இவரு தல
அவரு தள 'பதி

இவரு அடிச்சா கண்ணு இருக்கும் காது இருக்கும் ...உயிரு மட்டும் இருக்காது .
அவரு அடிச்சா பொறி கலங்கி பூமி அதிரது தெரியும்

இவரோட தீபாவளி படம் சிவகாசியில ரிலிசானது
அவரோட சிவகாசி படம் தீபாவளிக்கு ரிலிசானது

இவரு பில்லா படத்துல அந்த பக்கம் இந்த பக்கம்னு படம் பூரா நடந்துகிடே இருந்தார்
அவரு கில்லி படம் பூரா ஓடிக்கிடே இருந்தார்.

இவரு டான்ஸ் ஆடுனா கை மட்டும் ஆடும்
அவரு டான்ஸ் ஆடுனா கால் மட்டும் ஆடும்

இவரு நெஜமாவே கார் ரேசுல போனாரு
அவரு படத்துல கார் ரேசுல போனாரு

இவரு அமர்க்களமா போக்கிரித்தனம் பண்ணாரு
அவரு போக்கிரியா அமர்க்களம் பண்ணினாரு.

இவரு காதலுக்கு கோட்டை கட்டினாரு
அவரு காதலுக்கு மரியாதை செஞ்சாரு

இவரு காதலித்து கண்ணாலம் பண்ணினாரு
அவரு கண்ணாலம் பண்ணிட்டு காதலிக்கிறாரு .

இவர வச்சி அண்ணன் டான்ஸ்மாஸ்டர் படம் இயக்கினாரு
அவர வச்சி தம்பி டான்ஸ்மாஸ்டர் படம் இயக்கினாரு.

இன்னமும் சொல்லிக்கிடே போகலாம் ...
நீங்களும் ட்ரை பண்ணி பாருங்க !

நன்றி: வருத்தப்படாத வாலிபன் M.A.Phd. Msc. Mphil.,

வாசனை - சிறுகதை

2009-07-24T00:03:00.000-07:00

நுகர்வோர் கோர்ட்டின் வாயிலில் நம்பிக்கையுடன் நின்று கொண்டிருந்தார் பஞ்சாமிர்தம். இன்று தான் தீர்ப்பு . தனக்கு எப்படியும் சாதகமாக தான் தீர்ப்பு வரும் என்கிற நம்பிக்கை அவரின் முகத்தில் தெரிந்தது .ஒன்றரை வருடமாக நடக்கும் கேஸ் இது. கேசிற்கான காரணம் இதான் .தான் செய்து கொண்ட மூக்கு ஆபரேஷனுக்கு பிறகு பஞ்சமிர்த்த்திற்கு வாசனைகள் எதுவும் நுகர முடிவதில்லை

கடந்த இரண்டு வருடங்களாக மூக்கடைப்பு ,மூக்கடைப்பு என கஷ்டப்பட்டு கொண்டிருந்தவர் தன் நண்பர் வேதாசலம் மூலமாக கேள்விப்பட்டு சிகிச்சைக்காக குமரன் நர்சிங் ஹோமிங்கிற்கு வந்தார்.அங்கு அவரை பரிசோதித்த டாக்டர் மூக்கில் ஆபரேஷன் செய்தால் சரியாகி விடும் என்று சொன்னதால் பஞ்சாமிர்தமும் ஆபரேஷன் செய்து கொண்டார் . ஆபரேஷன் செய்த சில நாட்களில் அவரருக்கு வாசனையை அறியும் சக்தி இழந்து போனதை உணர ஆரம்பித்தார் .

சாப்பாட்டின் வாசனை , ஊது பத்தி , சோப்பு, சென்ட் எதுவும் மூக்கில் எந்த சலனத்தையும் ஏற்படுத்த வில்லை. ஆபரேஷன் செய்த டாக்டர்ரை சந்தித்தபோது இதற்கும் ஆபரேஷனுக்கும் எந்த சம்பந்தமும் இல்லை என்று கூறிய டாக்டர் இதில் என் தவறு எதுவும் இல்லை என் கைவிரித்து விடவே பஞ்சாமிர்தம் மூர்க்கமானார் .

இந்த பிரச்சனையை தான் இப்படியே விடப்போவதில்லை என் கூறினார். முதலில் வக்கீல் நோட்டீஸ் அனுப்பினார் . அதற்கு பதில் அனுப்பிய நர்சிங் ஹோம் நிர்வாகம் அவரின் குற்ற சாட்டுகளை மறுத்து இருந்தது . அதன் தொடர்ச்சியாகத்தான் நுகர்வோர் நீதிமன்றத்தை நாடினார் பஞ்சாமிர்தம். நீதி மன்றத்தில் மருத்துவருக்கு எதிராக எல்லா குற்ற சாட்டுகளையும் நிரூபித்து மிக திறமையாக வாதாடினார். வாதி பிரதிவாதிகளின்
வாதங்களை கேட்ட நீதிமன்றம் தீர்ப்பை இன்று ஒத்தி வைத்து இருந்தது.

மணி சரியாக பத்தரைக்கு வந்த நீதிபதி புதிய கேசுகளை விசாரித்து ஒத்தி வைத்து விட்டு மதியம் பஞ்சமிர்தத்தின் கேசில் தீர்ப்பு கூறியவர் வாதிக்கு ஏற்பட்ட குறைபாட்டிற்கு மருத்துவரின் தவறான ஆபரேஷன்தான் காரணம் என்று கூறி மருத்துவ நிர்வாகம் ரூபாய் ஒரு லட்சம் நஷ்ட ஈடாகவும் தவிர கேசின் செலவாக இரண்டாயிரமும் தர உத்தரவிட்டது.

தன்னுடைய வாத திறமையால் பெற்ற வெற்றியை நினைத்து வீட்டுக்கு வந்து கொண்டிருந்த போது அவர் வீட்டருகே இருப்பாவர்கள் எல்லாம் கூட்டமாக கூடி போராட்டம் நடத்தி கொண்டிருந்தனர். கூட்டத்தில் இருந்த பஞ்சமிர்தத்தின் நண்பர் ஒருவரிடம் பஞ்சாமிர்தம் விவரத்தை கேட்க . என்ன உனக்கு தெரியலையா ? இப்ப இங்கு பக்கத்தில் உள்ள எலக்ட்ரிக் சுடுகாட்டில் இருந்து கொஞ்சம் நாளாக பிணங்களை எரிக்கும் போது வாடை வருகிறது வீட்டில் யாரும் இருக்க முடியவில்லை. ரொம்ப கஷ்டமாக இருக்கிறது அதற்காகத்தான் நடவடிக்கை எடுக்க சொல்லி இந்த போராட்டம் என்று கூறியவர் பஞ்சாமிர்தத்தையும் கலந்து கொள்ள சொன்னார் . ஆனால் அதில் கலந்து கொள்ளாமல் சென்ற பஞ்சமிர்தாம் தன் மூக்கால் வாசனையை நுகர முடியாததிற்காக முதன் முறையாக சந்தோஷப்பட்டார் .

நெகிழிச்சியுட்டிய ஐந்நூறு ரூபாய் !!!

2009-07-23T06:14:00.000-07:00

பணம் கொண்ட வாழ்க்கையே ஒரு பரிசு !!!
பணம் கொண்டு பல பரிசுகளை வாங்க முடியும் !
ஆனால்
பரிசாக கொடுப்பதற்கு பணம் ஒரு பொருளல்ல .
பணத்தை பரிசாக கொடுப்பதற்கு அது ஒரு உயிரற்ற பொருளுமல்ல .

பணம் ஒரு அதிகார சக்தி.
அதனால் ஒரு இடத்தில் ஓய்ந்து
இருக்க முடிவதில்லை .

இப்படியான எண்ணங்கள்தான் என் மனதில் நேற்று இரவு முழுவதும் ஓடிக்கொண்டு இருந்தன .

நேற்று இரவு நான் டிபார்ட்மென்ட் ஸ்டோரில் பொருட்கள் வாங்கி விட்டு பில்லை கொடுப்பதற்காக பணத்தை எடுத்த போது அதில் ஒரு ஐந்நூறு ரூபாய் நோட்டில் காலி இடத்தில் "இது அம்மா கொடுத்த பரிசு . கல்யாணத்திற்கு கொடுத்தது" என்று ஆங்கிலத்தில் எழுதி இருந்து.

எனக்கு அதை பார்த்த போது ஒருவேளை அதில் ஏதேனும் போன் நம்பர் எழுதி இருக்கிறதா என்று பார்த்தேன். இருந்தால் போன் பண்ணி சொல்லலாம் என் நினைத்தேன் . ஆனால் இல்லை . உண்மையிலேய அந்த பணத்தை கடையில் கொடுக்க எனக்கு மனத்திற்கு கஷ்டமாக இருந்து.

கல்யாணத்திற்கு பரிசாக கொடுக்க எத்தனையோ பொருட்கள் இருக்க அம்மா பரிசாக பணத்தை எதற்கு கொடுத்து இருந்திருப்பார்கள் . தன் மகன் அல்லது மகளுக்கு இது தேவைக்கு உதவும் என்று தானே. அந்த மகன் அல்ல மகளோ இந்த பணத்தை செலவு செய்ய கூடாது என்று தானே அதில் இந்த வார்த்தையை எழுதி வைத்திருப்பாள் . ஆனால் முடிந்தாதா?

பணத்தை அப்படியே வைத்து இருக்க ஒரு வலிமை வேண்டும் .
பண வலிமைதான் அது.

பணம் இருந்தால் பணம் இருக்கும்.
பணம் இல்லா விட்டால் பணம் இருக்காது.
இது புரிந்து புரியாத சுழ்ச்சிமம் .

வாழ்க்கையில் பர பர வென நாம் ஓடிக்கொண்டிருந்தாலும் சில சமயங்களில் நடக்கும் நிகழ்வுகள் நம்மை நெகிழத்தான் வைக்கின்றன .

.....

அடி தடி வெட்டு குத்து -தமிழ்மணத்தில்

2009-07-23T03:01:00.000-07:00

என்ன தான் நடக்கிறது நம் தமிழ்மணத்தில் .

பதிவர்கள் ஒருவர் மற்றவரை தாக்கி பதிவு போடுவது அப்படி போட்டவரை பின்னூட்டத்தில் பின்னி பெடல் எடுப்பது இதை தான் நான் சமீப காலமாக படித்து வருகிறேன்.

கடந்த சில மாதங்களாக தமிழ்மணத்தின் வாசனையை நுகர்ந்து வரும் எனக்கு இப்போது அதில் கொஞ்சம் தீயும் வாடையும் சேர்ந்து வருவதாகவே படுகிறது .

கடந்த வாரம் ஒரு பதிவர் விடை பெறுகிறேன்
என்றார் . பிறகு ஒரு பதிவர் தமிழ்மணத்தில் பரிந்துரையில் ஏதோ குண்டக்க மண்டக்க நடக்கிறது என எழுதினார். இதில் மூத்த அல்லது பிரபல பதிவர்கள் ஒன்றாக கூடி செயல் படுகின்றனர் என்றார். அதற்காக அவரை பின்னூட்டத்திலும் பிறகு வந்த பதிவுகளிலும் கும்மி எடுக்க அவர் இப்போது போதும்(டா சாமி ) விடை பெறுகிறேன் என்கிறார்.

உண்மையிலேயே அப்படி ஒரு பாகு பாடு நம் தமிழ்மணத்தில்
இருந்து வருகிறதா?
புது பதிவருக்கு ராகிங்கெல்லாம் நடை பெறுகிறதா ?

இது ஒரு புறம் என்றால் ஆரியர் , திராவிடர் என்கிற வேறுபாட்டில்
குடுமிபுடி சண்டை ,பதிவு ,பின்னூட்டம் வேறு.

அப்புறம் பிரபாகரன் ஆதரவு , எதிர்ப்பு சண்டை.

இதுதவிர மதங்கள் சார்ந்த தர்க்க ரீதியான பதிவு தாக்குதல்கள் ஒரு தனி ட்ராக்கில் ஓடிக்கொண்டு உள்ளது.

இதுதான் இப்படி இருக்கிறது என்றால் இடையில் சைக்கிள் கேப்பில் ஒரு பின்னூட்ட குண்டை தூக்கிப் போட்டு விட்டு ஓடிவிடும் அனானிகள் .

நம் தமிழ்குணம், தமிழ்மணம் முழுவதும் பரவி இருக்கின்றதா?

பதில் சொல்லுங்கள் (அன்பான ) பதிவர்களே? (பணிவாகத்தான் கேட்கிறேன்)

குறிப்பு:
மேலே உள்ள படத்துக்கும் இந்த பதிவுக்கும் எந்த சம்பந்தமும் இல்லை. ஒரு படம்தேவைப்பட்டது அவ்வளவுதான்.

...

லஞ்சம் லஞ்சம் ஊரெல்லாம் லஞ்சம் டண்ட ணக்கட னகட டண்ட ணக்கட!!!

2009-07-20T01:20:00.000-07:00

இப்ப செய்தித்தாளை எடுத்தால் குறைந்தது ஒரு செய்தியாவது லஞ்சம் வாங்கி மாட்டிக்கொண்ட பிரகஸ்பதிகளை பற்றி வந்து விடுகிறது. லஞ்சம் என்பது நம் கலாசாரத்துடன் ஊறிய ஒன்று. இதைப் போய் பொறி வைக்கிறேன் பிடிக்கிறேன் என்று கிளம்பினால் அப்புறம் சம்பளம் இல்லாமல் வேலைபார்க்கும் நம் அரசு ஊழியர்கள் பிழைப்புக்கு என்ன செய்வார்கள் .

ஒருமுறை என் நண்பர் ஒருவரின் தங்கைக்கு மாப்பிள்ளை தேடிய போது தரகர் ஒரு ஜாதகத்தை கொடுத்தார் கூடவே இவர் வணிக வரி துறையில் வேலை செய்கிறார் சம்பளத்தை விட கிம்பளம் அதிகம் என்றார். அவருக்குத்தான் அந்த பெண்ணை கட்டி கொடுத்தார்கள். ஒருவேளை அந்த மாப்பிள்ளை நேர்மையாக இருந்திருப்பாரேயானால் பெண் கிடைத்திருக்குமா ? கிடைத்திருக்கும் என்ன கொஞ்சம் நாள் ஆகும். ஏனென்றால் அவர்தான் பிழைக்க தெரியாத ஆள் ஆயிற்றே !

சில வருடங்களுக்கு முன்பு நான் விற்பனை பிரதிநிதியாக பணியாற்றிய ஒரு தனியார் நிறுவனத்திற்காக மத்திய அரசின் ஒரு குறிப்பிட்ட துறையின் அதிகாரியை சந்தித்த போது , எங்கள் நிறுவனத்தின் பொருளை வாங்க பத்து சதவித கமிஷன் கேட்டு "வேண்டுமென்றால் அந்த தொகையை உங்கள் விலையில் கூட்டியே கொடுங்கள் கவர்மென்ட் சொத்து புள்ள இல்லாத சொத்துதானே" என்றார். ஆஹா என்ன ஒரு அறிய கண்டுபிடிப்பு. எனக்கு ஒரு புது மொழியை சொல்லிகொடுத்த திலகம் அவர்.

அனால் அவரைப்போல் பெருந்தன்மையாய் தமிழக அரசின் ஊழியர் இருக்க வில்லை . டெண்டரில் மிக குறைவாக விலை கொடுத்து பெற்ற ஆர்டர்ருக்கான
பேமென்டை லஞ்சம் கொடுத்தால்தான் தருவேன் என்று தீபாவளிக்கு மோதிரம் கேட்டு முறுக்கிக் கொள்ளும் புது மாப்பிள்ளையாய் அடம் பிடித்தார் . அப்புறம் வேறு வழி?...கொடுத்தோம். பெற்றோம்.

இதை தவிர ஆர்டர் கொடுக்க வேண்டும் என்றால் அவர்களின்
பொஞ்சாதி ,புள்ளைகள் பேரில் இருக்கும் கம்பெனிக்கு மார்க்கெட்டிங் செய்து தர சொல்லும் குணசாலிகள் ஒருபுறம் .

அந்த கால கட்டத்தில் எனக்கு அரசு ஊழியர்கள் என்றாலே கம்பெனிகள் தூக்கிப்போடும் எலும்புத்துண்டை கவ்வி செல்லும் எச்சகல சிங்கங்களாகத்தான் தோன்றும் . (எச்சகல நாய் என்றால் அவர்களுக்கு கோபம் வந்து விடும் அதனால் தான் சிங்கம்) . இப்போது அரசு ஊழியர்களுடனான தொடர்பு அற்று போனாலும் நிகழ்வு மறந்து விட வில்லை.

இப்போது அரசாங்கம் அங்கொன்றும் இங்கொன்றுமாக அதிகாரிகள் முதல்கொண்டு , பியுன்கள் வரை பிடித்து கொண்டிருப்பதாக காட்டினாலும் . இது பெருங்கடலின் ஒரு துளியில் நூற்றில் ஒன்றுதான். லஞ்ச ஒழுப்பு துறையின் மூலமாக லஞ்சத்தை நிச்சயம் ஒழித்து விட முடியாது. இதன் மூலம் லஞ்சம் வாங்கும் முறை தான் மாறுமே ஒழிய , லஞ்சம் வாங்குவது குறையாது. புரையோடி போன புண்ணுக்கு வெளி மருந்து சரிவராது. புண்ணின் மூலத்தை கண்டு அழிக்க வேண்டும்.

லஞ்சம் வாங்கும் மனநிலையே அதன் மூலம். அரசாங்கம் லஞ்சத்திற்கு எதிரார ஒரு மிகப்பெரிய விளம்பரத்தை எல்லா ஊடக மூலமாக மேற்கொள்ள வேண்டும். பள்ளிகளில் சிறுவர்களிடம் தங்கள் தாய் தகப்பனிடம் லஞ்சம் வாங்க மாட்டேன் என்ற உறுதி மொழியை வாங்க செய்ய வேண்டும் . நேர்மையாய் வேலை செய்யும் ஊழியருக்கு சிறந்த அரசு ஊழியர் என்கிற பட்டத்தை தர வேண்டும். அதனை நன்கு விளம்பரப்படுத்த வேண்டும். லஞ்சத்திற்கு எதிரான விளம்பரத்தில் லஞ்சம் வாங்குபவர்களை சமுதாயம் வெறுப்பதாக காட்ட வேண்டும் . லஞ்சம் வாங்காதவர்களை கதாநாயகர்களாக மக்கள் அனைவரும் அவர்களை விரும்புவதாக காட்ட வேண்டும். கூடுமானால் அதற்கு என்று ஒரு பிரபல நடிகரையோ ,அல்லது முக்கிய பிரமுகரையோ (நிச்சயம் அரசியல்வாதிகளை கூடாது) பயன் படுத்தாலாம்.

ஒரு சாதாரண பாத்திரம் வளக்கும் பவுடருக்கு விளம்பரம் செய்து மக்கள் மன நிலையை மற்ற முடியும் என்றால் . இதில் முடியாதா ?

ஒரு முக்கிய விஷயம்:
என்னை போன்ற குட்டாளிக்கே இப்படி எல்லாம் யோசனை தோன்றும் போது தாங்கள் கை கழுவுவதை , கால் கழுவுவதை கூட விளம்பரம் செய்யும் அரசியல் வாதிகளுக்கு தெரியாதா என்ன ? தெரியும் ஆனால் ஏன் நிறைவேற்ற மாட்டேன் என்கிறார்கள் .

தேவுடா ..இதை நான் எழுதிதான் தெரிய வேண்டுமா என்ன ?.

லஞ்சம் லஞ்சம் ஊரெல்லாம் லஞ்சம் டண்ட ணக்கட னகட டண்ட ணக்கட!!!

......ஹி ..ஹி . ஹி ஹு ஹு ஹு . வர்ட்டா .

ஏன் இந்த பிராமிண விரோத போக்கு. ?

2009-07-18T00:06:00.000-07:00

நம் வலைப்பதிவுகளில் பொதுவாக பிராமின சமுதாயத்திற்கு எதிராக மட்டுமே அதிக பதிவுகள் வருகின்றன ஏன் என்று தெரிய வில்லை. உடனே நீ அந்த சமுகத்தை சார்ந்தவனா ? என சிலர் கேட்க கூடும் .
அவர்களுக்கான பதில்? இல்லை என்பதுதான் .
ஆனால் நான் கேட்ப்பதெல்லாம் ஏன் நம் தமிழ் சமுதாயத்தில் ஒரு குறிப்பிட்ட ஒரு பிரிவினரை மட்டும் கோபப்படுத்தி பார்க்க வேண்டும் என்பதுதான்.

எல்லா சமுகத்தை போலவும் ,பிராமின சமூகத்திற்கு என்று ஒரு மத கோட்பாடு இருக்கிறது. அதை அவர்கள் பின்பற்றுகிறார்கள் . முஸ்லீம் மதத்தினருக்கு என்று இருக்கும் கோட்பாடுகளை விமரிசித்து இவர்கள் பேசுவர்ர்களா? பிராமிணர்கள் தமிழ் சமுகத்தை மதிக்க வில்லை என்றால் , முஸ்லீம் சமூகத்தினர் மதிக்கின்றாரா ? பாகிஸ்தான் இந்தியாவை கிரிக்கெட்டில் ஜெயித்தால் மசூதியில் முஸ்லீம் இளைஞர்கள் பட்டாசு வெடிப்பதை பார்த்து இருக்கின்றேன். இதற்கு என்ன சொல்லப்போகிறார்கள் என்று தெரியவில்லை நம் பகுத்தறிவு வாதிகள்.

ஒரு முஸ்லிமை பன்றி கறி சாப்பிட சொல்லி பாருங்களேன் அவர் எப்படி கோபப்படுவார் என்று. ஏனென்றால் அவர்களுடைய மதம் அதை தடை செய்கிறது.
அதேபோல இவர்களுக்கும் ஒரு கோட்பாடு இருக்கும் தானே. இதை மட்டும் ஏன் மக்கள் விரோத போக்காக பாக்க வேண்டும் .

என்னை பொறுத்த வரையில் ஹிந்துவோ ,முஸ்லிமோ , கிருத்துவரோ , ஹிந்துவில் ஒவ்வொரு சமுகத்தவரோ அவரவர் அவரவருடைய சித்தாந்தத்தில் கொண்ட நம்பிக்கையில் வாழ்ந்து விட்டு போகட்டுமே . இதில் குறை கூறுதல் எங்கிருந்து வந்தது .

நம் ஜனநாயகத்தில் கொலை குற்றவாளிகளுக்கு கூட அவர்களுடைய வாதத்தை சொல்ல அனுமதிக்கும் போது பதிவுகளில் மட்டும் எதிரடையான வாதங்களுக்கு இடம் கொடாமல் , அவர்களை இழிவாக பேசும் அது ஏற்கும்படியாக இல்லை. பொதுவாக ஒருவருக்கு தனிப்பட்ட முறையில் மற்றொருவர் மீது வரும் கோபம் அந்த நபர் சார்ந்து இருக்கும் சமுகத்தின் மீது வந்து விடுகிறது.

என்னை பொறுத்தவரை உலகெங்கிலும் இருக்கும் தமிழர்களாகிய நாம் நம் கருத்துக்களை பரிமாறி கொள்ள ஒரு நல்ல ஊடகமாக தான் இந்த வலைப்பதிவை பார்க்கிறேன். இதிலும் ஏன் இந்த விரோதம் ,கோபம் கொண்ட பதிவுகள் . ஜாதி ,மத ஏற்ற தாழ்வுகள் உலகெங்கிலும் உள்ளதுதான்.

நல்ல எண்ண அலைகளை மட்டுமே பரப்புவோம் . நம் வலை பதிவுகளில் இனி தமிழ்மணம் மட்டும் கமழட்டும்.

சக பதிவர்களுக்கு வாழ்த்துகள் !! மாற்று கருத்துகொண்ட பதிவர்களுக்கும் தான் !!

நான் பிரபல பதிவர் வந்திருக்கேன்.

2009-07-17T03:13:00.000-07:00

நூத்து கணக்கான பின்னுட்டங்கள், வாசகர் பரிந்துரையில் தமிழ்மணம் மகுடம் எங்கு பாத்தாலும் என்னுடைய பதிவை பத்தியே பேச்சு என நான் ரொம்ப ஆசைப்பட்டாலும் அதுக்கு கொஞ்சம் குறைய நம்முடைய வலைப்பதிவர்கள் வந்து
டேய் மக்கா நீயும் பிரபலம் தான்டா
சும்மா பட்டையை கிளப்பு என முதுகில் தட்டி சொன்னதும்
கொக்கு பர பர , மைனா பர பர என மனது ரெக்கை கட்டி பறக்க ஆரம்பித்து விட்டது.

பயப்புள்ள இப்ப நீ தனி ஆளு இல்ல , உனக்கு பின்னாடி ஒரு கூட்டமே இருக்குடா

உண்மையிலேயே பிரபலமாக இருக்கும் பதிவர்களின் காதிலிருந்து வரும் புகைகளுக்கு நான் பொறுப்பல்ல .

இந்த பயப்புள்ளயையும் ஒரு மனுஷனா மதிச்சி பின்னுட்டம் போட்ட நல்ல பிரபல உள்ளங்களுக்கு நன்றி நன்றி நன்றி.

இனியாவது ஒழுங்கா யோசிச்சி நல்ல எழுத பாரு என்ன தெரியுதா என நீங்கள் கேட்பது காதில் விழுகிறது.

சரிங்க்ணா .

...

ஒரு பிரபல பதிவரின் ஆதங்கம்.

2009-07-16T06:17:00.000-07:00

'தமிழ்மணத்தில் ' எப்ப பாத்தாலும் பிரபல பதிவர் , பிரபல பதிவர் என்று எழுதுகிறார்களே எனக்கு மட்டும் என்ன கொறைச்சல் என என்னை நானே பிரபல பதிவர் என்று அழைத்துக் கொள்கிறேன்(வேறு வழி ) .

இந்த தலைப்பை பாத்தாலாவது நாலு பேர் வந்து நம்ம வலைப்பதிவில் தலையை காட்டிவிட்டு போக மாட்டார்களா ? என்கிற ஆதங்கம் தான் எனக்கு.

வந்ததுதான் வந்தீக அப்படியே ஒரு பின்னுட்டத்தையும்
தட்டி விட்டுட்டு போங்க .

ஆட்டோ டிரைவர்கள்(தமாஷான ) போராட்டம்

2009-07-14T23:17:00.000-07:00

தமிழகத்திற்கு சேவை செய்யும் நம் ஆட்டோ டிரைவர்களின் நியாயமான போராட்டம் மக்களின் பேராதரவை பெரும் என்பதில் சந்தேகமே இல்லை.

மிக குறைந்த கட்டணத்தில் ,பணிவன்புடன் பயணிகளை ஏற்றி செல்லும் நம் ஆட்டோ காரர்கள் அரசாங்கம் நிர்ணயித்த கட்டணத்தில் எப்படித்தான் வாழ்க்கையை ஓட்ட முடியும் .அவர்கள் என்ன மனம்போன போக்கிலா கட்டணம் வசூலிக்கிறார்கள் .

நம் ஆட்டோகாரர்கள் அப்படி என்ன அதிகமாக கேட்கிறார்கள். நாள் ஒன்றுக்கு ஐந்து லிட்டர் வீதம் மாதத்திற்குள் நுற்றி ஐம்பத்து லிட்டர் பெட்ரோல் ,டிசல்,கேஸ் மானிய விலையில் கேட்கிறார்கள் . அரசாங்கம் அதை கொடுத்துவிட்டு போக வேண்டியதுதானே.

இதை பொது மக்களாகிய நாங்கள் எங்கள் ஆட்டோ நண்பர்களுக்காக உரிமையுடன் கேட்கிறோம். அரசாங்கமே உடனே செவி கொடு.

இதுக்கும் ஒரு போராட்டத்தை நடத்த முன் வரும் கம்யுனிச தோழர்களுக்கு: உங்கள் கடமையுணர்ச்சிக்கு ஒரு அளவே இல்லையா ?

இது போராட்டங்கள் மாதம்

2009-07-14T22:38:00.000-07:00

இந்த மாதத்தில் மட்டும் எத்தனை விதமான போராட்டங்கள்.

இலங்கை கடற்படையினர் பிடித்து சென்ற மீனவர்களை மீட்க கோரி போராட்டம்.

தங்கள் சம்பளத்தை உயத்தை கோரி பயிற்சி மருத்துவர்கள் போராட்டம், சாகும் வரை உண்ணாவிரதம் .

இதே காரணத்திற்காக கால்நடை பயிற்சி மருத்துவர்கள் போராட்டம் .

தமிழகத்தில் பொட்டாசியம் கார்பைடு தட்டு பாடு நிலவுவதால் தீப்பெட்டி தொழிலாளர்கள் போராட்டம்.

பால் கொள்முதல் விலையை உயர்த்த கோரி( பாலை ரோட்டில் கொட்டி) போராட்டம் .

தமிழகத்தில் உளுந்து தட்டு பாடு உள்ளதால் அப்பளம் தயாரிப்பாளர்கள் போராட்டம்.

சமச்சீர் கல்விமுறையை அமுல் படுத்தவும் ,தனியார் பள்ளிகளில் அதிக கட்டணம் வசூலிப்பதை கட்டுப்படுத்த கோரியும் போராட்டம், தடியடி.

ஆட்டோ களுக்கு மானியத்தில் பெட்ரோல்,டிசல் ,கேஸ் வழங்க கோரி ஆட்டோ டிரைவர்கள் வரும் பதினேழாம் தேதி போராட்டம் .(ரொம்ப தமாஷான போராட்டம்)

தங்களது சம்பளத்தை உயாத்த கோரி சத்துணவு பணியாளர்கள் போராட்டம்.

இது தவிர இலங்கை தமிழருக்காக , பெட்ரோல் விலையை உயர்த்தியதற்காக
அங்கொன்றும் இங்கொன்றுமாக போராட்டம்.

இந்த போராட்டம் எல்லாம் சட்ட சபை நடப்பதால் கவனத்தை ஈர்க்க நடை பெறுவதாக கொண்டாலும் உலக வரலாற்றை திரும்பி பார்க்கும் போது
பேரரசருக்கு வயதாகும் போது குட்டி ,குட்டி மன்னர்கள் அடங்காமல் அவனை எதிர்க்க முற்படுவது தான் நினைவிற்கு வருகிறது .

பாடாவதியான மாயாவதியும் - முகமுடி கிழிக்கும் கம்யுனிஸ்டுகளும்

2009-07-14T04:12:00.000-07:00

அதிகாரம் கைக்கு வந்தால் ஆணவம் தலைக்கு ஏறிவிடுவது சகஜம்தான் என்றாலும் மாயாவதிக்கு கொஞ்சம் அதிகமாகவே ஏறிவிட்டதாக தெரிகிறது. எந்த மாயாவதி என்று கேட்பவர்களுக்கு உ.பி. முதல்வர் என கூறினால் புரியும்.

நம் ஜெயலலிதாகூட முதல் முறை ஆட்சிக்கு வந்த போது இப்படி தான் எங்கும் ,எதிலும் நீக்கமற நிறைந்திருக்க நினைத்து தொட்டதுக்கெல்லாம் அவர் பெயர் வைத்தார் . நல்லவேளை பிறக்கும் எல்லா பெண் குழந்தைகளுக்கும் தன் பெயர் வைக்க வேண்டும் என்று சொல்ல வில்லை. எங்கு பார்த்தாலும் அவர் கட் அவுட்கள் முளைத்திருக்கும். அவர் வீட்டில் கிளம்ப ஆரம்பிக்கும் போதே சென்னையின் எல்லா ரோடுகளிலும் ட்ராபிக் நிறுத்தப்படும் . அவர் இரண்டாம் முறை ஆட்சிக்கு வந்த பின்பு முழுவதும் திருந்தினார என்பது தெரிய வில்லை . ஆனால் இந்த மாதிரியான வெளிப்படையான ஆடம்பரங்களை நிறுத்திவிட்டார். தோல்வியிலிருந்து கற்ற பாடம்.

ஆனால் மாயாவதி இன்னமும் பாடம் கற்றதாக தெரிய வில்லை. கோடிக்கணக்கான ரூபாய்கள் செலவு பண்ணி தனக்கு சிலை வைத்து கொள்வதில் இருக்கும் ஆர்வம் இந்தியாவில் பின்தங்கிய மாநிலமாக இருக்கும் உ.பி யை முன்னுக்கு கொண்டு வருவதில் இல்லை.

அடுத்து கேரளா கம்யுனிஸ்டுகள் விஷயத்திற்கு வருவோம் . எங்காவது ஊழல் என்ற பேச்சு அடிப்பட்டால் உடனே ராஜனாமா செய் . என்று கூட்டம் போடுவதிலும் ,போஸ்டர் அடித்து ஓட்டுவதிலும் மும்மரமாக இருப்பவர்கள் தங்கள் தலைவர்கள் செய்ததை மட்டும் ஒத்து கொள்ளவே மாட்டார்கள் . அவர்கள் மீது குற்றம் சுமத்தப் பட்டால் மட்டும் அது அரசியல் காழ்ப்புணர்ச்சி .

கேரளா மாநில செயலாளர் பிரனாய் ராயின் ஊழல் சம்பந்தமாக ஆதாரங்கள் சேகரித்த பிறகுதான் சி.பி.ஐ . ஆளுநரிடம் அனுமதி கேட்டது . அனுமதி அளித்த ஆளுநர் வசை மாறி பொழியப்பட்டார். இப்போது கேரளா முதல்வர் அச்சு பொலிட்பிரோ விலிருந்து கழட்டி விடப்பட்டுள்ளார். அவர் செய்த குற்றம் பிரனாய் ராயின் ஊழலை மறைக்காதது தான்.

தன் கட்சியில் இருக்கும் ஒரு ஊழல் பேர்வழியை தண்டிக்க முடியாதவர்கள் . ஊருக்கு உபதேசம் செய்வார்கள் .

வாழ்க கம்யுனிசம் .

இந்தியாவிற்காக பரிதாபப்படுங்கள் !!!

2009-07-13T23:20:00.000-07:00

ஒரு நல்ல நாட்டை எப்படி மோசமாக நிர்வகிக்கலாம் என்பதற்கு இந்தியா தான் முன்னுதாரணம்.

எகிப்தில் நம் பிரதமர் பாகிஸ்தான் பிரதமர் கிலானியை சந்திக்கிறார் என்கிற செய்தியை பார்த்த பொது இப்படித்தான் எனக்கு தோன்றியது.

மும்பை தாக்குதலுக்கு காரணமான தீவிர வாதிகள் மேல் நடவடிக்கை எடுத்தால் தான் இனி அதனுடன் பேச்சிவார்த்தை என்கிற இந்திய அரசாங்கத்தின் நிலைபாட்டில் ஏன் இந்த பெரும் மாற்றம். அமெரிக்காவின் தூண்டுதலா ? அப்படி என்றால் இந்திய இறையாண்மை அமெரிக்க இறையாண்மைக்கு கட்டுப்பட்டு தான் உள்ளதா? தாலிபன் தீவீர வாதிகளை ஒடுக்கவேண்டுமானால் அமெரிக்கா , இந்தியாவை பேச்சவார்த்தைக்கு சம்மதிக்க வைக்க வேண்டும் என்று பாகிஸ்தான் பிளாக் மெயில் செய்து இந்தியாவை பணியவைத்து விட்டது.

மும்பை தீவீரவாதிகளுக்கு எதிராக பாகிஸ்தான் ஒரு துரும்பை கூட கிள்ளி போடாத நிலையில் அதனுடன் பேச்சிவார்த்தைக்கு ஒத்து கொண்டதன் மூலம் இந்தியா ஒரு மென்மையான தேசம் என்பதை மீண்டும் ஒரு முறை இந்த உலகிற்கு நிரூபித்து உள்ளது.

இந்தியாவும் , இந்தியர்களும் வலிமையாக இருந்தாலும் அதன் தலைவர்கள் கோழைகளாக, உலகின் அழுத்தத்தை தாங்கும் வலிமை இல்லாதவர்களாக இருப்பதால்தான் இந்தியாவிற்கு எதிராக தீவீரவாதிகள் தாக்குதல் தொடர்கதையாக இருக்கிறது.

நம் நாட்டின் பாராளு மன்றத்தையே தாக்கினால் கூட கொஞ்ச நாள் அதைப்பற்றி கார சார மாக பேசி விட்டு பிறகு அதை மறந்து விடுவது தான் நம் தலைவர்களின் குணாதிசயம். பாராளு மன்ற தாக்குதலுக்கு சதி செய்ததாக மரண தண்டனை விதிக்க பட்ட அப்சல் லுக்கு இன்னமும் தண்டனை நிறைவேற்ற பட வில்லை.
தன்னுடைய இறையாண்மை குள்ளேயே நடவடிக்கை எடுக்க முடியாதவர்கள் எப்படி எப்படி மற்றொரு நாட்டை பணிய வைக்க முடியும்.

ஒன்று மட்டும் நிச்சயம் ஒரு நாடு ஜனத்தொகையில் மட்டும் பெரியதாக இருந்து பிரயோஜனம் இல்லை. கொள்கையில் பிடிப்பு உள்ளதாக இருக்க வேண்டும். இந்திரா காந்தியின் ஆட்சி காலத்தில் இந்தியா ஒரு ஏழ்மை நாடாக இருந்தது ஆனால் இந்திரா காந்தி பாகிஸ்தானோடு போர் புரிவதற்கு அது தடையாக இருக்க வில்லை .இன்று இந்தியாவின் நிலை வேறு.

நாம் பொறுமையாக இருப்பதினால் போரை நிறுத்திவிட வில்லை தள்ளிபோட்டு கொண்டு தான் செல்கிறோம் . ஒரு நாள் நாம் வேறு வழி இன்றி எதிர்கொள்ள வேண்டி தான் இருக்கும் .

கடைசியாக ஒரு செய்தி:

சீனா இந்தியாவை தாக்கலாம் என இந்தியன் டிபன்ஸ் ரிவிவின் எடிட்டர்
பாரத் வர்மா கூறியுள்ளார். அதற்கு அவர் கூறிஉள்ள காரணம் : சீனாவின் உள்நாட்டு பொருளாதாரம் பாதிப்பினால் எழுந்துள்ள அசாதரண சுழல் , பாகிஸ்தானில் உள்ளநாட்டு போரினால் அது முன்பு போல இந்தியாவின் மேல் கவனம் செலுத்த முடியாமை, இந்தியாவின் ,அமெரிக்கா ,ஐரோப்பிய நெருக்கங்கள் போன்றவைதான் .

அதற்காக சீன கடலில் அதனுடைய போர் கப்பல்களை அதிகப்படுத்தி உள்ளதாக குறிப்பிடுகின்றார். இந்தியா போன்ற மென்மையான (நன்கு கவனிக்கவும் ) நாடுகளை தாக்கி அதன் பகுதிகளை கைப்பற்றுவதன் மூலம் ஆசியாவில் தனது அதிகாரத்தை நிலை நாட்ட முயல்வதாக தெரிவிக்கிறார.

கலீல் ஜிப்ரனின் கவிதை ஒன்று :

எந்த தேசம் பழம் பெருமைகளை பேசி
அதன் நிகழ்கால துயரங்களை மறக்க நினைக்கின்றதோ
அதற்காக பரிதாபப்படுங்கள்.

அல்கொய்தாதான் காரணம் -சீனா

2009-07-09T23:44:00.000-07:00

இப்பதான் புரியுது இந்த சப்ப மூஞ்சிகளுக்கு .

சீனாவில் நடந்து வரும் கலவரங்களுக்கு அல்கொய்தா தீவீர வாதிகள் தான் காரணம். போராட்ட காரர்களுக்கு அல்கொய்தா பயிற்சி அளித்து உள்ளது என் சீன அரசாங்கம் பரபரப்பாக குற்றம் சாட்டி உள்ளது.

இத்தனை வருடங்களாக பாகிஸ்தானின் உற்ற தோழனாக அவன் செய்யும் எல்லா விஷமங்களுக்கு எல்லாம் துணை நின்னு ரொம்பதான் ராஜ தந்திரம் செய்வதாக நினைத்ததுக்கு இப்ப செம அடி விழுந்திருக்கிறது.

இந்த அழகான போராட்டத்தில் யார் ஜெயித்தாலும் , தோத்தாலும் நமக்கு சந்தோஷந்தான் . உய்குர் இனமக்கள் தனி துர்க்மெனிஸ்தான் கேட்டு போராடினாலும் இந்த போராட்டம் கன்புஷியஸ் மதத்தை பின் பற்றும் ஹான்ஸ் இன மக்களுக்கும் முஸ்லீம் மக்களுக்கும் இடையே ஏற்பட்ட போராட்டம் தான். சிஞ்சியாங் மாகாணத்தில் முஸ்லிம்கள் பெரும்பான்மையாக வசிப்பதை கட்டுப்படுத்த அந்த அரசாங்கம் ஹான்ஸ் மக்களை அங்கு குடியமர்த்தியது. அதிலிருந்தே அவர்களுக்கு இடையே ஏற்பட்ட புகைச்சல் இப்போது நெருப்பாய் மாறி எரித்து உள்ளது.

மனித உரிமை என்கிற பேச்சிக்கே இடமில்லாத நாட்டில் போராட்டங்கள் காட்டு மிராண்டி தனமாக அடக்கப்படுவது சர்வ சாதாரணம் . அதே சமயத்தில் முஸ்லீம் தீவிரவாதிகளை அடக்குவது என்பது தேன் கூட்டில் கைவைப்பது போன்றது.

ஒரு நாட்டையே சிறைச்சாலை போன்று கட்டு திட்டங்களோடு நிர்வகித்து வரும் கம்யுனிச அரசாங்கம் என்ன செய்யப்போகிறது என்று பார்ப்போம்.

கடைசி செய்தி:
சிஞ்சியாங்கில் உய்குர் மக்கள் வசிக்கும் பகுதியில் வெள்ளி கிழமை தொழுகைக்கு அரசாங்கம் தடை விதித்து உள்ளதாம்.

சபாஷ் சரியான போட்டி.

மாட்டிக்கிட்டான் சீனாக்காரன்

2009-07-08T04:55:00.000-07:00

அப்பாடா இப்பதான் சந்தோஷமாக இருக்கிறது . இந்த சீனாக்கார துரோகிகளுக்கு
இது வரையில் நாட்டில் எந்த பிரச்சனையும் இல்லாததால ரொம்ப நிம்மதியா பாகிஸ்தானுக்கு உதவி செய்வது ,அதன் தீவீரவாத செயல்களுக்கு துணை போவது என இருந்தான். இப்போது அதே முஸ்லீம் மக்களின் மூலமாக ஆப்பு வைக்கும் படலம் ஆரம்பமாகயுள்ளது.

சீனாவின் சுயாட்சி பெற்ற சிஞ்சியாங் மாகாணத்தில் இரு பிரிவினருக்கு இடையில் ஏற்பட்ட மோதலில் அறுநூறு பேர் பலியாகியுள்ளனர். உய்குர் இன இஸ்லாமியர்கள் இங்கு தனி நாடு கேட்டு போராடுகின்றனர் என்பது குறிப்பிடத்தக்கது. அவர்களை ராணுவத்தை கொண்டு ஒடுக்கும் போது அனைத்துலக தீவீரவாத அண்ணன்கள் ஆசியாவின் பெரிய அண்ணனிற்கு ஆப்பு வைக்க முயலுவர்.

இதுவரையில் தீவீரவாதத்தை எட்டி இருந்து பாத்த செஞ்சேனை இனி பக்கத்தில்
பாக்கும் பாக்கியம் வரலாம் .தைவான், திபெத்தை போன்று இதையும் அடக்கு முறையை கொண்டு எளிதில்அடக்கி விட முடியாது.

இந்தியாவிற்கு எதிராக பாலுட்டி ,சீராட்டி தீவிர வாதிகளை வளர்த்த பாகிஸ்தானுக்கு இப்போது அவர்களே தலைவலியாக மாறி விட்டது போல . இந்த சீனாக்காரனும் மாட்டிகிட்டு முழிப்பதை கண்டு,கேட்டு ,படித்து ரசிக்க வேண்டும்.
இனிமேலாவது தீவீரவாதத்தின் வலி என்ன என்று அந்த சப்பை மூஞ்சி காரர்களுக்கு புரியும்.

முற்பகல் செய்யின் பிற்பகல் தானே வரும் !

முட்டாள் தனமான சட்டங்கள் -முடங்கும் சமுதாயம் !

2009-07-08T00:03:00.000-07:00

வெட்டு ஒன்னு
துண்டு ரெண்டு
தனி மனித உரிமை என்னும் மாய வலையில் சிக்கி கொள்வது சுலபம் வெளி வருவதுதான் கடினம். அது தான் இன்று உலகம் முழுவதும் நடைபெற்று கொண்டு
உள்ளது. தனி மனித உரிமை பற்றி பேசினால் பேசுபவர் முற்போக்கான எண்ணம் கொண்டவர் எதிர்த்து பேசுபவர்கள் பழமைவாதிகள் இது தான் இன்றைய நிலை.

தனி மனித உரிமையை பற்றி பேசுவது தவறான விஷயம் இல்லை என்றாலும் அது எங்கு எந்த சமயத்தில் பேசப்படுகின்றது என்பதில் தான் மிகப்பெரிய சர்ச்சை அல்லது தவறு இருப்பதாக நான் கருதுகின்றேன்.

விருப்பத்திற்கு மாறாக திருமணம் செய்து வைப்பதாக திருமணத்தை நிறுத்திய போலீசார் பெண்ணை அவள் காதலனிற்கு திருமணம் செய்து வைத்தனர் . மண்டபத்தில் இருந்த மாப்பிள்ளை வேறு பெண்ணை திருமணம் செய்து கொண்டார். ( பெற்று வளர்த்து படிக்க வைத்த பெற்றோருக்கு அவளின் திருமணத்தை நடத்த உரிமை இல்லை. சட்டமும் , காவல் துறையும் தான் அந்த பெண்ணின் காலம் முழுவதும் அவர்களுக்கு உண்டான நல்லதுக்கும்,கெட்டதுக்கும் வந்து நிற்க போகிறது. இது ஒரு புறம் என்றால் அந்த மாப்பிள்ளை மன நிலை எப்படி இருந்து இருக்கும் . ஒரு வேலை அவனுக்கு வேறு பெண் அந்த நேரத்தில் கிடைக்காமல் போயிருந்தால் அவன் படும் மன வேதனைக்கு சட்டம் என்ன பதில் சொல்ல போகிறது. ஆண் என்றாலே அவன் எந்த அவமானத்தையும் தாங்கி கொண்டுதான் ஆகா வேண்டுமா ?)

ஒரு இரண்டு வருடத்திற்கு முன்பு சென்னை தி. நகரில் டுஷன் சென்டர் வைத்து நடத்தி வந்த ஒருவர் தன் மனைவியை அவளின் கள்ள காதலனுடன் படுக்கை அறையில் பார்த்து விட்டு மனைவியையும், அவனையும் காவல் நிலையம் கொண்டு செல்ல அங்கு அந்த பெண் எனக்கு இவரோடு வாழ பிடிக்கவில்லை என்று கூறி எழுதி கொடுத்து விடுகிறாள் . அவள் மீது எந்த நடவடிக்கையும் எடுக்கப்பட வில்லை. அவள் தன் கள்ள காதலனோடு சென்று விடுகிறாள். இது தான் தனி மனித உரிமை .

ஈரோட்டில் ஒருவர் காணமல் போன தன் மனைவியை தன் மாமனார், மாமியாரோடு சேர்ந்து தேடி பெங்களூரில் அவளின் தோழி வீட்டில் கண்டு பிடித்து கூட்டிக்கொண்டு வருகிறார். ஆனால் இரண்டு குழந்தைகளுக்கு தாயான அவளை அவளின் லெசிபியன் தோழி இரண்டே நாளில் திரும்பவும் வந்து கூட்டி செல்கிறாள் . போலீசில் புகார் கொடுத்தால் இது அவளின் தனிப்பட்ட விஷயம் நாங்கள் ஒன்றும் செய்ய முடியாது என்று கூறிவிடுகின்றனர். இதையே ஒரு ஆண் செய்தால் அது கடுமையான குற்றம் . என்ன சட்டம் டா இது.

நீலாங்கரையில் ஒருவன் போலீஸ் ஸ்டேஷன் முன்பு தீக்குளிக்க முயல்கிறான் . அவனிடம் விசாரித்ததில் . என் மனைவி என் மீது பொய்யான புகார் கொடுத்து இருக்கிறாள். அதை வைத்து அனைத்து மகளிர் காவல் நிலையத்தில் இருந்து என்னை கைது செய்ய போவதாக கூறுகிறார்கள் என்று கூறியவர் நான் கூலி வேலை செய்பவன் சாப்பாட்டுக்கே நாங்கள் கஷ்டப்படும் போது அவளிடம் விலை உயந்த செல்போன் எப்படி வந்தது என்று கேட்டு சண்டை போட்டதுக்கு என் மீது வரதட்சனை புகார் கொடுத்துள்ளாள் . என்று கூறுகிறான் .

இது இப்படி இருக்க சமீபத்தில்
என்னுடைய அண்ணன் வீட்டிற்கு நெய்வேலி பக்கத்தில் உள்ள ஊருக்கு போன போது அவர்களுக்கு பக்கத்தில் உள்ள ஒரு வீட்டில் எப்போதும் சண்டை நடப்பதை பார்த்து ஏன் அவர்கள் வீட்டில் அப்படி சண்டை நடக்கிறது என்று கேட்ட போது , அந்த வீட்டின் ஆளிற்கு ரெண்டு மனைவிகளாம். அக்கா தங்கையையே கட்டிகொண்டானாம் . முதல் மனைவி பிரசவத்திற்கு சென்ற போது அவளின் தங்கை யோடு ஓடி போய் விட்டானாம் . இப்போது அவர்கள் இருவரும் ஒரே வீட்டில் இருந்தாலும் முதல் மனைவிக்கு எப்போதும் அடி உதை தானாம்.

இதை எல்லாம் பார்க்கும் போது தனி மனித உரிமை எங்கு போய் சேர வேண்டுமோ அங்கு போய் சேராமல், அது லிப்ஸ் டிக்கிற்கும், பாப் கட்டிங்கிற்கும் இடையில் மாட்டி கொண்டதாக தான் தெரிகிறது.

இந்த பெண்ணுரிமை அல்லது தனி மனித உரிமை என்ற கருத்து குடும்ப அமைப்பே இல்லாத வெளி நாடுகளின் தாக்கத்தினால் உண்டானதாக தான் தெரிகிறது. வெளி நாட்டில் ஒரே கணவனுடன் வாழும் பெண் மணிகள் மிக மிக குறைவு. அவர்களுக்கு குழந்தையின் வாழ்க்கை ஒரு பொருட்டே இல்லை . முதல் கணவனிடம் ஒரு பிள்ளை , இரண்டாவது கணவனிடம் ஒரு பிள்ளை என பெண்ணும் , முதல் மனைவியின் மூலமாக ஒரு பிள்ளை, மூன்றாவது மனைவியின் மூலமாக ஒரு பிள்ளை என் ஆணும் வாழலாம்.

அவர்கள் தான் அன்னையர் தினம், தந்தையர் தினம், காதலர் தினம் என்று ஒரு நாள் கொண்டாடிவிட்டு போய்விடுவர். அவர்கள் நாட்டில் வேண்டுமானால் தனி மனித உரிமை பொருத்தமாக இருந்து இருக்காலாம். நம் நாட்டில் அப்படி இல்லை இங்கு பெண்கள் திருமண வாழ்க்கையை புனிதமாக பார்க்கின்றனர். பிள்ளைகளை செல்வமாக பார்க்கின்றனர். தன் பிள்ளைக்காக எத்தனையோ விஷயத்தை தியாகம் செய்கின்றனர் . இங்கு குடும்ப உறவு என்பது ஒரு அழுத்தமான பிணைப்பாக உள்ளது. பிள்ளைகளுக்காக அவ்வளவு செய்கிறவர்கள் அவர்களிடம் இருந்து கொஞ்சம் எதிர்பார்ப்பதில் என்ன தவறு இருக்க முடியும். ஒரு சாதாரண விளையாட்டிற்கே பல விதிகள் இருக்கும் போது சமுதாயத்திற்கு ஏன் இருக்க கூடாது

ஒரு முறை பத்திரிக்கையாளர் மதனிடம் வெளிநாட்டில் பெண்கள் கல்யாணம் ஆனால் கூட தங்கள் உடம்பை கச்சிதமாக வைத்து கொள்கிறார்களே ஆனால் இந்தியாவில் கல்யாணம் ஆகிவிட்டால் பெண்கள் குண்டாகி விடுகிறார்களே என்று கேட்ட போது அவர் வெளி நாட்டு பெண்களுக்கு எப்போது விகாரத்து ஆகும் என்று தெரியாதாகையால் அவர்கள் அடுத்த கல்யாணத்திற்கு எப்போதும் தயாராகவே இருக்க வேண்டியுள்ளது என கூறி இருந்தார்.

வெளி நாட்டு நாடோடிகளை பார்த்து நாம் நம் சட்டங்களை மாற்றினால் நம் நாட்டின் குடும்ப அமைப்பை நாமே சிதைப்பதை போன்று இருக்கும்.

தனி மனித உரிமையின் உச்ச கட்டம் இனி ஆணும், ஆணும் , பெண்ணும், பெண்ணும், டும், டும், டும்.

மனசாட்சியே இல்லாத மாம்பழ வியாபாரிகள் #*#**

2009-07-07T01:26:00.000-07:00

பழங்களா ? அல்லது விஷங்களா ?

அடுத்தவன் எக்கேடு கேட்டால் என்ன ? எனக்கு பணம் வந்தால் சரி !! என்கிற மனோபாவம் நம் வியாபாரிகளிடம் வந்து பல காலமாகி விட்டது என்பது உண்மைதான். ஆனால் பழங்களை கூட விஷங்களாக மாற்றும் கொடுரம் எப்படி தான் வருகிறதோ தெரியவில்லை.

கார்பைடு கற்களை வைத்து மாம்பழங்களை பழுக்க வைப்பது, ஆப்பிள்களுக்கு மெழுகு பூசுவது என கொடுமையான வகையில் பணத்தை சம்பாதிப்பதை விட அவர்கள் தங்களுடைய மனைவி,மகளை வைத்து விபச்சாரம் செய்தால் கூட அது தவறில்லை.

அரிசியில் கல் கலப்பது, மிளகாய் பொடியில் செங்கல் கலப்பது, மிளகில் பப்பாளி விதையை கலப்பது என கலப்படம் இல்லாமல் பொருட்களே இல்லை எனலாம் . வழக்கம் போல் நம் கையாலாகத அரசும் ஒடுக்க எந்த நட வடிக்கையும் எடுக்காமல் கைகட்டி பாக்கலாம்.

ஆனால் உடல் நிலை சரி இல்லாதவர்களுக்கும் , சிறு பிள்ளைகளுக்கும் கொடுக்கும் பழங்களில் கூட இவர்களின் கைவண்ணத்தை காட்டினால் இவர்கள் எப்படி சும்மா விடுவது. ஆனால் சும்மாதானே விடப்படுகிறார்கள். அவர்கள் பழங்களை பறிமுதல் செய்வது மட்டும் இல்லாமல் அவர்களை குண்டர் சட்டத்தில் கைது செய்ய வேண்டும் .

மற்றத்திற்கு எல்லாம் வாய்கிழிய பேசும் இந்த வணிக சங்கத்தார் இதற்கு என்ன பதில் சொல்ல போகிறார்கள் ????

சினிமாவும் ஒரு சிறந்த தொழிலே.!!

2009-07-06T03:03:00.000-07:00

சொல்லி அடித்தால்
நெத்தி அடி அடிக்கலாம்

அறை குறை ஆடை பெண்கள் , கிசு கிசுக்கள் உதட்டை கடிப்பது இது தான் சினிமா என்றதும் பலருக்கு வருகிற ஞாபகமாக இருக்கலாம் . ஆனால் சினிமா என்பது முறையாக மேற்கொண்டால் ஒரு சரியான தொழில் என்பதில் சந்தேகமே இல்லை .

பொதுவாக சினிமா எடுக்க வரும் பல தயாரிப்பாளர்கள் நாக்கை தொங்க போட்டு கொண்டு வருவதால் தான் (எதற்கு என்று என்னை கேட்க்க வேண்டாம்)அவர்களால் சரியாக ஒரு விஷயத்தை நிதானிக்க முடிவதில்லை.
அப்படி வருபவர்களுக்கு இரண்டு விஷயத்தில் கண்டம் இருக்க வாய்ப்பு இருக்கிறது. ஒன்று பெண்கள் . இதை இதற்கு மேல் சொல்ல தேவை இல்லை . அடுத்து தன்னுடைய மகனை கதாநாயகன் ஆக்குவது.

கதை சொல்லும் சில இயக்குனர்கள் தயாரிப்பாளரின் மகனே கதா நாயகன் என்றால் எந்த பிரச்சனையும் இருக்காது என முதல் படத்தில் சொல்லி விடுவர் . ஒரு வேலை அந்த மகன் கதாநாயகனுக்கு தகுதியாக இருந்தால் சரி. இல்லா விட்டால் சொந்த காசில் சூனியம் வைத்து கொள்வது போலதான் .

பெரிய தயாரிப்பாளர் என்றால் அவர் சோதனை செய்து பாக்கலாம். இதுதான் முதல் படம் என்றால் யோசித்து முடிவு எடுப்பது நல்லது.

முதலில் சினிமாவை கவர்ச்சியாக பார்ப்பதி நிறுத்திவிட்டு அதை ஒரு தொழிலாக பார்க்கும் மனநிலை வளர்த்து கொள்ள வேண்டும். இந்த மனநிலை வந்தால் மட்டுமே சினிமாவில் இறங்க வேண்டும் . சினிமா நடிகர் , நடிகைகள் மீதான பிரமிப்பு நீங்கினால் மட்டுமே அந்த தயாரிப்பாளர் சினிமா தயாரிப்பதற்குன்டான தகுதி பெறுகிறார்.

சினிமாவிற்கான மார்க்கெட்டிங் முறைகள் என்ன என்பதையும் , அது ஒவ்வொரு வெற்றி படத்திலேயும் எவ்வாறு செயல் படுத்தப்படுகிறது என்பதையும் கண்காணித்து கொண்டு இருக்க வேண்டும்.

ஒவ்வொரு தொழிலுக்குமான சந்தை நிலவரத்தை போன்றுதான் சினிமாவிற்கான சந்தை நிலவரமும் மாறிக்கொண்டே இருக்கிறது. வி.சேகர் , விசு போன்ற வர்களின் படங்களை பார்க்கும் பெண்களின் மார்கெட்டை இப்போது டி.வி.சீரியல்கள் பிடித்து கொண்டுள்ளன என்பது போன்ற அடிப்படை நிலவரமாவது தெரிந்து இருப்பது அவசியம்.

படத்தின் விற்பனை சாட்டிலைட் சேனல்களில் எவ்வளவிற்கு போகும் , இசை பாடல்கள் எவ்வளவிற்கு போகும், வெளிநாடுகளில் எவ்வளவு போகும் என்பது போன்ற புள்ளி விவரங்கள் தெரிந்து வைத்து கொள்ள வேண்டும் .

இவை எல்லாத்தையும் தாண்டி படத்தின் கதை எப்படி உள்ளது, இந்த கதையை பார்ப்பதற்கு மக்கள் தங்களது இரண்டரை மணி நேரத்தை செலவு செய்வார்களா என் யோசித்து தேர்ந்தெடுக்க வேண்டும்.

இன்னும் வரும் .....

ஓரினசேர்க்கையும் - கள்ளக்காதலும்!

2009-07-04T03:54:00.000-07:00

#### ஓரின சேர்க்கை என்கிற "புனித உறவுக்கு" உச்ச நீதிமன்றத்தில் பச்சை கொடி காட்டியாயிற்று . லட்ச கணக்கான தமிழ் மக்கள் கொல்லப்பட்ட போது அதற்கு தராத முக்கியத்துவத்தை இந்த தீர்ப்பிற்கு தந்து , தனது தேச பக்தியை காட்டி விட்டன வட இந்திய சேனல்கள் .

இனி என்ன . ஆட்டம்,பாட்டம்,கொண்டாட்டம் தான். இப்போது
பயோ டேட்டாவில் தந்தை பெயர் , கணவன் பெயர் என்பதிற்கு பக்கத்தில் ஓரிணையாளரின் பெயர் என் போட்டு கொள்ளலாம்.

ஆணும் ஆணும் , பெண்ணும் பெண்ணும் கட்டி பிடித்து முத்தம் கொடுக்கும் அந்த குடும்ப பாங்கான போட்டோ பத்திரிகையில் வரலாம். பத்திரிக்கைகளில் ஓரிணையாளரை திருப்தி படுத்துவது எப்படி? என்பதற்கு சில பக்கங்களை ஒதுக்கலாம். இதற்கு ஸ்பெஷலிஸ்ட் என கூறி கொண்டு சில டாக்டர்கள் டி.வி யில் பேசி லேகியம் விக்கலாம்.

இன்னும் கொஞ்சம் காலத்தில்ஓரிணையாளர்கள் தங்களுக்கு வேலையில் ,
படிப்பில் ( தங்களுக்கு பிறக்கும் குழந்தைகளுக்கு !!!) இட ஓதிக்கிடு
கோரலாம். ஒருவேளை வசதி இருந்தால் , சிறுபான்மையினர் பிரிவின் கிழ்
பள்ளியோ, கல்லூரியோ ஏன் பல்கலைகழகமோ துவக்கலாம்.

உலகில் அதிக இளைஞர்களை கொண்ட நாடாக இந்தியா இருப்பதற்கு காரணமே இங்கு குடும்ப அமைப்பு மிக உறுதியாக இருப்பதுதான். நாகரிக நாடோடிகள் என்று சொல்லப்படும் வெளிநாட்டினர் தங்கள் இஷ்டபடி வாழ்வதனால் தான் அங்கு அரசாங்கங்கள் அந்த மக்களை குழந்தை பெற்று கொள்ள சொல்லி கெஞ்ச வேண்டி உள்ளது . அவர்கள்ளுக்கு செக்ஸ் என்பது ஒரு போதை தரும் விளையாட்டு மட்டுமே. இங்கு செக்ஸ் என்பது போகமாக பார்க்கப்பட்டாலும் குழந்தை என்பது செல்வமாக பார்க்கப்படுகிறது.

தனி மனித உரிமை என்று சொல்லிக் கொண்டே போனால் கள்ள காதலும் தவறு இல்லை என்று கூறுவார்கள் . ஒரு பெண்ணும் ,ஆணும் ஒருவரோடு ஒருவர்
கலவி கொள்ள வேண்டும் என விரும்பினால் அதில் என்ன தவறு இருக்கின்றது.
அவளுக்கு அவளின் கணவனிடம் கிடைக்காததை மற்றொருவனிடம் பெற்று கொள்கிறாள் இதில் என்ன தவறு இருக்கிறது என்று கூடத்தான் பாப் கட்டிங் பண்ணிய பைங்கிளிகள் கேட்கலாம். அதற்கு என்ன பதில் கூற போகிறது இந்த அரசாங்கம்.

கள்ளகாதல் என்றதும் ஒரு விஷயம் ஞாபகத்திற்கு வருகிறது. இந்த ஒரினை ஜோடிகளில் ஒருவர் மற்றோவரை விட்டு வேறு ஒருவரின் உறவு வைத்திருந்தால் அதற்கு பெயர் என்ன?. திருமணம் ஆனா பின்பு ஒரு பெண்ணுக்கோ , ஆணுக்கோ ஓரிணை துணை ஏற்பட்டால் அதற்கு எப்படி தீர்வு காண்பது.

இப்படி எல்லாம் வழக்கு வந்தால் , தேங்கி கிடக்கும் கோடிக்கணக்கான வழக்குகளின் மத்தியில் ,இதற்கென தனது பொன்னான நேரத்தை செலவிட தயாராகத்தான் இருக்கிறதா ? சட்டம் ஒழுங்கும், நீதி துறையும் .

இந்தியர் என்பதில் பெருமிதம் கொள்வோம் !!
(ஒரினையாக ) இணைந்தே நாம் பல காரியம் செய்வோம்!!

வாழ்க இந்தியா!!!!!.

கோழை நாட்டின் குடிமக்கள் நாம் !!

2009-07-01T03:13:00.000-07:00

கோழை நாட்டின் குடிமக்கள் என்று சொல்லிக்கொள்ள கொஞ்சம் வெட்க்கமாகத்தான் இருக்கிறது. ஒரு நாடு லட்ச கணக்கில் படை வீரர்களையும் , கோடிகணக்கில் ஆயுதங்களையும் வைத்திருப்பதால் மட்டும் வல்லரசாக மாறிவிடுவதில்லை . அதனை ஆளும் தலைவர்களின் தைரியமும் ,மன உறுதியும் தான் அது வல்லரசா இல்லை புல்லரசா என்பதை முடிவு செய்கிறது.

9/11 தீவிரவாதிகள் தாக்குதலிற்கு பிறகு அமெரிக்கா இந்த போரில் எங்களோடு இல்லாதவர்கள் எங்களுக்கு எதிரானவர்கள் என கூறி ஆப்கானிஸ்தான் மீது போர் தொடுத்தது . அதில் வெற்றியும் கண்டு வருகிறது.

சீனா தன் பக்கத்து நாடான திபெத்தை ஆக்கிரமித்து இன்று வரை அதனை அடிமை படுத்தி வருகிறது . உலக நாடுகள் எல்லாம் ஐக்கிய நாடுகளின் சபையில் உள்ள டீக்கடை பெஞ்சில் ஒரு சாதா டீயும் ரெண்டு மெது வடையும் சாப்பிட்டு கொண்டு உள்ளன . அதை போல் தைவானையும் சுதந்திர நாடக அங்கிகரிக்காமல் அதனை பயமுறுத்திக்கொண்டே உள்ளது.

தம்மாதுண்டு இலங்கையும் மகா பயங்கர ,கொடுர, கொலைகளை லட்சகணக்கில் செய்து விட்டு , உலக நாடுகள் என்று சொல்லப்படும் பத்தாம் பசலிகளுக்கு குச்சி மிட்டாயும் , கோன் ஐசும் கொடுத்து கொண்டு உள்ளது.

தீவிரவாதிகளின் சொர்க்க பூமியான பாகிஸ்த்தான் எல்லா விதமான தீவிரவாத செயல்களையும் தன் பக்கத்து நாடான இந்தியாவிற்கு செய்தது விட்டு அதனை சமாதான பேச்சு வார்த்தைக்கு வரும் படி வாய் கூசாமல் கூப்பிடுகிறது.

அதை செய்வோம் இதைசெய்வோம் என்ற ஜப்பான், அமெரிக்கா , தென் கொரிய
நாடுகளுக்கு பெப்பே காட்டி அணு குண்டு சோதனை நடத்தியது வட கொரியா. எங்கள் எல்லை பகுதிக்குள் வேறு நாட்டு போர் விமானங்கள் பறந்ததால் அதனை போருக்கு விட்ட அழைப்பாகவே கருதுவோம் என்று தைரியமாகவே கூறியுள்ளது .

ஈரானும் இப்போது எதிர்ப்பையும் மீறி அணுகுண்டு தயாரிக்க போகிறது.

ஆனால் மகா பராக்கிரம இந்தியாவோ தன் நாட்டு மக்களின் வம்சா வழியினரை கொல்ல ஆயுதமும் , பணமும் பயிற்சியும் அளித்தது .

எத்தனை முறை தாக்குதல் நடத்தினாலும் தாங்குவோம் ஆனால் திருப்பி தக்க மாட்டோம் என்று (தாக்குதல நடத்திய தீவிரவாதிகளை பிடிப்பதற்கு முயலாமல் ) பாகிஸ்தானுடன் பேச்சு வார்த்தை நடத்த ஒத்து கொள்கிறது.

(தன் நாட்டு பிரதமரை ஒரு குட்டி நாட்டின் போர் வீரன் தாக்கிய போது பெரிய அளவில் அலட்டி கொள்ளாமல் பரந்த மனதுடன் இருந்த நாடாயிற்றே !)

தன் நாட்டு மக்கள் மீது வெளி நாட்டில் எத்தனை முறை தாக்குதல் நடந்தாலும் அதனை பற்றி கோபமாக அறிக்கை கூட விடாமல் மௌனமாகவே உள்ளது.

இந்தியாவின் வரலாற்றை புரட்டி பார்த்தால் இது நம் ரத்தத்தில் ஊரியதுதான் என்பது புரியும். தைமூர் படையெடுப்பின் போதும் , முஸ்லீம் மன்னர்கள் படை எடுப்பின் போதும் ஒரு இந்திய மன்னன் மற்றொரு மன்னனுக்கு உதவி புரியாமால் பிறகு அவனும் தோற்பதும் வாடிக்கையாக இருந்தது. கடைசியாக வந்த ஆங்கிலேயர்களுக்கும் இந்தியனை பிரித்தாள்வதற்கு நாமே வழி வகுத்து கொடுத்தோம்.

பழைய குறுநில மன்னர்கள் அரசனுக்கு கப்பம் கட்டியும் போர் நேரத்தில் படைகளை கொடுத்தும் உதவினர். சில சமயம் பேரரசரின் எதிரிகளுக்கும் தன்னுடைய சுய லாபத்திற்காக உதவி புரிந்து கவிழ்த்தனர்.

இப்போதும் குறு நில மன்னர்களாக மாநில கட்சிகள் மற்றும் சிறு சிறு கட்சிகள் தேர்தல் நேரத்தில் தன் சுய லாபத்திற்காக மத்திய அரசிற்கு ஆதரவு அளிப்பதும் அல்லது விளக்கி கொள்வதுமாக உள்ளனர். தேச நலன் என்பது பள்ளி, கல்லூரி பாடங்களிலும் மற்றும் பத்திரிக்கைகளில் வரும் கட்டுரைகளிலுமே காண முடிகிறது.

அரசாங்கத்தை ஆள்பவர்களும் குறுகிய கால வோட்டு தந்திரங்களை செய்வதிலேயே காலத்தை கழிப்பதால் நீண்ட கால திட்டங்களை இந்திய பாதுகாப்பிற்காக தீட்டுவதில்லை.

பாகிஸ்தானுடன் போர் வேண்டாம். குறைந்தபட்சம் ஆஸ்திரேலியாவில் இந்திய மாணவர்கள் தாக்க பட்டத்தையாவது இந்திய அரசின் தலைமை கண்டிக்கலாமே.

இந்தியா இப்போது வளர்ந்த நாடக உருவெடுத்து உள்ளது . உலக பணக்காரர்களில் இந்தியர்கள் இடம் பிடிக்கின்றனர். உலகத்தின் மிக பெரிய வாங்கும் சக்தி கொண்ட பொருளாதார சந்தையாக இந்தியா மாறியுள்ளது . உலகின் எந்த மூலையிலும் தயாராகும் பொருட்களையும் இந்தியாவிற்கு கொண்டு வர அந்த நாட்டின் நிறுவனங்கள் போட்டி போடுகின்றனர். வெளி நாட்டில் வேலை செய்யும் இந்தியர்கள் தங்கள் சிறந்த அறிவின் காரணமாகவே பெரிய பொறுப்புகளில் உள்ளனர். இந்தியர்களை அறிவு ஜீவிகளாக உலகம் பார்ப்பதும் இப்போதுதான்.

ஆனால் இந்தியாவை ஆளும் தலைவர்களின் மன நிலை தான் இன்னும் ஏழ்மை மற்றும் கோழை நிலையிலேயே உள்ளது. அவர்கள் இந்தியா என்கிற வளர்ந்த நாட்டின் தலைவர்களை போல நடந்து கொள்வதும், சிந்திப்பதும் இல்லை.

வெளியுறவு கொள்கை என்பது நம் நாட்டை சேர்ந்ததாக இல்லாமல் பிற நாடுகளின் கொள்கைகளை சார்ந்தே உள்ளது. 26/11 தாக்குதலிற்கு பிறகு போர் மேகம் சூழ்ந்த பிறகு அது அமெரிக்காவின் அல்கொய்தாவிற்கு எதிரான போரை பாதிக்கும் என்று போரை நிறுத்தியது . இப்போது மன்மோகன் சர்தாரியை சந்தித்ததும் அமெரிக்காவின் நிர்பந்தத்தினாலேயே .

இலங்கைக்கு சீனா உதவி செய்வதாலேயே , இந்தியாவும் அதற்கு உதவுகிறது என்பது வடிகட்டின முட்டாள் தனமாகவே உள்ளது . இலகையை அடக்க விடுதலை புலிகளை இந்தியா ஒரு துருப்பு சீட்டாக பயன்படுத்தி இருக்க வேண்டும். எப்படி அமெரிக்கா சீனாவிற்கு செக் வைக்க இந்தியாவையும் , இந்தியாவிற்கு செக் வைக்க பாகிஸ்தானையும் பயன் படுத்துகிறதோ , அப்படிதான் இந்தியாவும் செய்திருக்க வேண்டும். ஆட்சி கவிழ்ந்து விடாமல் இருக்க செய்யும் தகிடு தத்தங்களில் ஒரு சிறு பகுதியை வெளியுறவு கொள்கை வகுப்பதில் நம் ஆட்சியாளர்கள் செய்தாலே இந்தியா தன் பிராந்தியத்தில் ஒரு வல்லமை உள்ள ஒரு நாடக இருக்க முடியும்.

இந்தியாவை சுற்றி சக்கர வியுகம் வகுத்து கொண்டு இருக்கும் சீனாவை எப்படி கையாள போகிறது இந்தியா. எல்லா நாடுகளும் தங்கள் மக்களுக்கு வெளி நாட்டில் நடக்கும் கொடுமைகளை மிக தீவீர மாக எடுத்து கொள்கிறது. ஆனால் இந்தியாவோ இன்னமும் மௌனம் காக்கிறது.

அஹிம்சை வழியில் நடந்து சுதந்திரம் வாங்கித்தந்த காந்தி தனி மனிதனாக தான் அதை செய்தார் . ஆனால் ஒரு நாடு அஹிம்சை நாடாக (அதுவும் இப்போதைய சூழலில்) இருக்கவே முடியாது.

இந்தியர்களும் கோபப்படுவார்கள் என்பது உலகிற்கு ( குறைந்த பட்சம் ஆஸ்திரேலியாவிற்காவாவது ) தெரியப்படுத்துவது அவசியம். இந்தியாவின் வெளியுறவு கொள்கை ஒரு வளர்ந்த நாட்டின் வெளியுறவு கொள்கையை போலவே இருக்க வேண்டும் .

இல்லாவிட்டால் ஒரு கோழை நாட்டின் குடிமக்கள் என்பதை எண்ணி வெட்கப்படுவதை தவிர வேறு வழி இல்லை நம்மை போன்ற சாதாரண மக்களுக்கு .

மேல் மாடி காலி அதி சீக்கிரத்தில் !!!

2009-06-30T01:19:00.000-07:00

நானும் யோசித்து யோசித்து மண்டை வலித்ததுதான் பாக்கி , உருப்புடியா ஏதாவது தோனனுமே! ம்ம் ஹும். ஒண்ணுத்தையும் காணோம். ஒரு நாலு பதிவு போட்டதுக்கே , காவிரி ஆத்து படுக்கையாய் மண்டை வறண்டு போனதை என்னத்த சொல்ல . எதை பத்தி எழுதலாம்னு நானும் யோசிக்க எதுவுமே எனக்கு திருப்பதி அளிக்காமல் இத்தனை நாளையும் ஓட்டியாச்சி!

இலங்கை தமிழர்களுக்கு இந்தியா செய்த துரோகத்துக்கு பிறகு இந்திய செய்திகள் எனக்கு முக்கியம் இல்லாமல் போய்விட்டது. பேச்சிவார்த்தையை கோழைத்தனமாக இந்தியா துவக்கியமைக்கு , மேற்கு வங்கம் மாவோயிஸ்டுகள் பிரச்சனை , ஆஸ்திரேலேயாவில் இந்தியமாணவர்கள் தாக்கப்பட்ட விஷயம் , கிரிக்கெட் போன்ற பல இருந்தாலும் எழுததான் பிடிக்க வில்லை.

சென்ற முறை மாடலிங் பற்றி எழுதியபோது மேலும் பல விஷயங்களை அடுத்த பதிவில் சொல்வதாக ரொம்ப சவுடாலா எழுதி இருந்தேன் . ஆனால் அதற்கு ஒரு மவராசன் கூட பின்னுட்டம் இடாததால் , போவாத ஊருக்கு வழி காட்டாதடா பேராண்டின்னு ஒன்னு விட்ட பாட்டி கனவில் வந்து சொல்ல , விட்டு விட்டேன் .

சமீபத்தில் அரசு பேருந்தில் இருபத்து கிலோமீட்டர் வேகத்தில் சென்னையிலிருந்து திருச்சி சென்ற கதையை எழுதலாம் என்றால் அதற்குள் வேறு ஒரு பதிவர் , இதை போன்ற ஒரு அனுபவத்தை தனியார் பேருந்தில் அனுபவித்ததை எழுதி இருந்தார் . அதனால் அதையும் எழுத முடியவில்லை . என்னடா என்னோட நிலமா இப்படி ஆயிடுச்சே
அப்படின்னு திரும்பவும் யோசிக்க ஆரம்பித்து உள்ளேன் . ம் எதை பத்தி எழுதலாம் (மண்டையை பிச்சி கொண்டு)

நீங்கதான் சொல்லுங்களேன்.

மொத்ததில விஷயமே இல்லாத ஒரு விஷயத்தை நானும் எழுதினுகீரன் . நீங்களும் அத்த படிச்சிகினுகீரிங்க .
எனிக்கிதான் வேல இல்லினா வுங்க்ளுக்க்மா ?
கோச்சிக்காதிங்க சும்மா தான்

அப்பாடா!!! ஒரு வழியாய் பதிவு போட ஒரு மேட்டர் ரெடி!

ஐ .நா. சபைக்கு கண்ணீர் அஞ்சலி.

2009-06-06T03:49:00.000-07:00

கண்ணீர் அஞ்சலி

ஐக்கியம் இல்லாத நாடுகளின் சபைக்கு !

கண்களிருந்தும் குருடராய் இருக்கும்
உறுப்பு நாடுகளுக்கு!

செயல் படாத கைப்பாவை தலைவருக்கு !

உயிரோடு இருப்பதாய் நினைத்து செத்து கொண்டிருக்கும் இந்த நிலைக்காக !

கண்ணீர் அஞ்சலி!!!

நீங்கள் விளம்பர மாடல் ஆகப்போரீங்களா ?

2009-06-03T06:38:00.000-07:00

விளம்பரத்தில் வரும் அழகழகான ஆண் ,பெண் ,குழந்தை நட்சத்திரங்களை பார்க்கும் போது நாமும் அதில் நடிக்கலாமே என்கிற எண்ணம் உங்களுக்கு வருகிறதா? அப்ப ஹை ச லக்கா லக லக இப்பவே நீங்கள் மாடல் தான் .
என்ன கொஞ்சம் சிரத்தை எடுத்து கொள்ள வேண்டிஇருக்கும் .

அதனால் என்ன எடுத்துட்டா போச்சி !
என கூறுகிறீர்களா !

முதலில் நீங்கள் என்ன வாக போகிறீர்கள் என்பதை உங்கள் வயதை பொறுத்து முடிவு பண்ணி கொள்ளுங்கள் .

ஆணோ ,பெண்ணோ உடல் நல்ல கட்டில் இருப்பது அவசியம் !
தொப்பை வயிறோடு முன்னணி பாத்திரங்களில் நடிக்க முடியாது.
பெண்களுக்கு வயிறு பிளாட் ஆகா இருப்பது மிக முக்கியம்.
நல்ல தூக்கம் இருந்தால் தான் முகத்தில் கலை இருக்கும். இல்லாவிட்டால் கண்ணுக்கு கிழே கருமை படுவதை தவிர்க்க முடியாது . கண் விழிப்பவர்கள் மருத்துவர் ஆலோசனையுடன் விட்டமின் இ மாத்திரை போட்டு கொள்வது நல்லது.
டான்ஸ் , யோகா , சண்டை பயிற்சி போன்றவற்றில் நல்ல திறமை இருப்பது கூடுதல் தகுதி வழங்கும் .
மாடலாக வர வேண்டும் என நினைப்பவர்கள் எவ்வித ஆயத்தமும் இன்றி இருப்பது தமிழகத்தில்தான் அதிகம் .
மும்பையில் இதை தொழிலாக நினைப்பவர்கள் அதற்கான எல்லா விதமான பயிற்சியும் பெற்று வருகின்றனர் .

மிக முக்கிய விஷயமான போட்டோ மற்றும் அதனை வைத்து சான்ஸ் தேடுவது பற்றி அடுத்த பதிவில் பார்ப்போம்.

ஈழ பிரச்சனையும் என் தேசப்பற்றும்

2009-06-03T01:18:00.000-07:00

இந்தியாவிற்கு எதிரான எந்த ஒரு சம்பவம் நடந்தாலோ அல்லது நடப்பதாக கேள்விபட்டாலோ நான் கொதித்து போய்விடுவது சகஜம் . நாள்முழுவதும் அதைப் பற்றியே சிந்தித்து கொண்டிருப்பேன் .

மும்பை குண்டு வெடிப்பு , விமான கடத்தல் ,கார்கில் போர் , பாராளுமன்ற தாக்குதல் , மும்பை தீவிரவாதிகள் தாக்குதல் போன்ற சமயங்களில் பல நாட்களில் இதே நினைப்பாகவே இருந்ததுண்டு . இந்தியா பாகிஸ்தான் மீது போர் தொடுக்க வேண்டும் அதனால் நம் நாட்டிற்கு என்ன இழப்பு ஏற்பாட்டாலும் , நம் மீது விழுந்திருக்கும் " கோழை நாடு" என்கிற அவப் பெயரை மாற்றியே ஆக வேண்டும் என் நினைப்பேன்.

நம் அரசாங்கமும், அரசியல்வாதிகளும் ஒவ்வொரு முறையும் பூச்சாண்டி காட்டிவிட்டு வழக்கம் போல தங்கள்
"மாமுல் " வாழ்க்கையில் தங்களை அர்ப்பணித்து கொண்டிருப்பர். (சென்ற வருடம் மும்பையில் தீவீர வாதிகள் தாக்குதலுக்கு பிறகு நம் வெளியுறவு துறை அமைச்சர் ஒவ்வொரு முறையும் எல்லா ஆப்ஷன்களும் பரிசிலனையில் உள்ளன என சொல்லியே காலத்தை ஒட்டினாரே அதுபோல ).

இதே கோபம்தான் எனக்கு இலங்கை பிரச்சினையிலும் ஏற்பட்டது . இந்திய அரசாங்கம் ஏதாவது செய்தாக வேண்டும் தமிழ் மக்களின் உணர்வுகளை புரிந்து கொள்ள வேண்டும் என் நினைத்தேன் . ஆனால கடைசிவரை தமிழ் மக்களுக்கு எதிராகவே செயல் பட்டு இப்போது ஐ .நா. சபையிலும் இலங்கையை காப்பாற்ற அரும் பாடு பட்டு வருவது எனக்கு மிகவும் அதிக மன உளைச்சலை கொடுக்க ஆரம்பித்தது . அது தவிர வட இந்தியா சானல்களும் தமிழர்களுக்கு எதிராகவே செய்தியை வெளியிட்டு வந்தன .இலங்கை பிரச்சனையில் இந்தியா சக இந்தியனின் உணர்வுகளை மதிக்க வில்லை என்றே கருத ஆரம்பித்து விட்டேன் .

இப்போது இந்தியாவிற்கு எதிரான செய்தியை பார்க்கிறேன் ஆனால் அது ஏன் என் மனதை பாதிக்கவில்லை என்று தெரியவில்லை . ஒரு வேளை என் தேச பற்று இலங்கை பிரச்சனையால் தேய்ந்து விட்டதா ?

நான் இப்போது படித்த,பார்த்த செய்தி :

மும்பை தாக்குதல் தீவீரவாதிகளுக்கு மூளையாக இருந்து செயல் பட்ட
லஸ்கர் ஈ தொய்பா அமைப்பை சேர்ந்த ஹபீஸ் முகமது சயீத் என்பவன் பாகிஸ்தான் நீதிமன்றத்தால் விடுதலை செய்யப்பட்டான் என்பதே .

சென்னையில் ஆம்னி பஸ்கள் ஏன் அராஜக பஸ்களாக தோன்றுகின்றன?

2009-06-02T01:05:00.000-07:00

சென்னையிலும் மற்றும் தமிழகத்தின் பிற நகரங்களிலும் இருக்கும் ஆம்னி பஸ்கள் பண்டிகை மற்றும் விழா காலங்களில் பேருந்து கட்டணத்தை உயர்த்தி அராஜகம் செய்வதாக தினசரிகளில் படிப்பதுண்டு அதற்கான காரணங்கள்தான் என்ன?

வேறென்ன சொல்ல வழக்கமாக நம் அரசாங்க இயந்திரத்தின் கோளாறான நிர்வாகம்தான் . பொதுவாக எந்த ஒரு முதலாளியும் தன் நிறுவனம் நஷ்டத்தில் இயக்க விரும்புவதில்லை . அரசாங்க நிறுவனங்களில் கூட நிறுவனம் தான் நஷ்டத்தில் இயங்குமே ஒழிய நிறுவன முதலாளிகளான அரசியல்வாதிகளோ, அரசாங்க அதிகாரிகளோ நஷ்டத்தில் இருப்பதில்லை. சரி விஷயத்திற்கு வருவோம் .

எனக்கு தெரிந்து தென்னிந்தியாவில் தமிழகத்தில் தான் வாகனங்களின் மீதான வரி அதிகம் விதிக்கப்படுகிறது . ஒரு சீட்டுக்கு ஆயிரம் ருபாய் என் முப்பத்தாறு சீட்டுக்கு முப்பத்தாறாயிரம் ருபாய் கட்ட வேண்டி யுள்ளது . இதுவே பாண்டியில் ஒரு சீட்டுக்கு ஐநூறு ரூபாயும் , கர்நாடகத்தில் எழுநூற்று ஐம்பது ரூபாயும் வசுலிக்கப்படுகிறது . (இதனால் பெரும்பாலான தனியார் பேருந்துகள் இந்தமாநிலங்களில் தனது வண்டிக்கான பதிவை செய்து கொள்கின்றன ) இதை
தவிர டீசல் , வண்டிக்கான செலவு என் பார்த்தால் அவர்களுக்கு பெரிய அளவில் லாபம் கிடைப்பதில்லை. இதுவும் வண்டியின் எல்லா சீட்டுகளும் நிரம்பினால்தான் இந்த கணக்கு. இதில் அதிகாரியின் வீட்டு கல்யாணத்திற்கு வண்டி , ஆளும் கட்சியின் கூட்டங்களுக்கான வண்டிகள் என இலவச சேவைகள் என்பது தனி கணக்கு .

இதை தவிர நடு ரோட்டில் நிறுத்தி வண்டியை சோதனை செய்யும் அதிகாரிகளுக்கு தண்டம் என பல வழிகளில் இவர்களுக்கு சோதனை தான் . தனியார் பேருந்து வைத்து இருக்கும் முதலாளிகளின் எண்ணிக்கை குறைவு ( நம் நாட்டில் கூட்டமாக செய்ததால் கொலையும் புனிதம்) தவிர அவர்களிடம் ஒற்றுமை இன்மை ( கட்சி சார்ந்திருக்கும் சில முதலாளிகள் அரசை எதிர்த்து கேட்க வருவதில்லை) போன்ற வற்றால் இந்த தொழில் பலவிதங்களில் நசுக்கப்பட்டு வருகிறது.

இதைபோன்று எந்த விதமான தொந்தரவும் இல்லாத அரசாங்க பேருந்துகள் இந்த முறை தீபாவளி, பொங்கல் விடுமுறை நாட்களில் பேருந்து கட்டணத்தை சாதாரண நாட்களை விட அதிகமா வசுலித்திருப்பது எந்த விததிதில் நியாயம் என்று தான் தெரிய வில்லை.

ராஜபக்சேவிற்கு என் பரிசு !

2009-06-01T05:26:00.000-07:00

இந்தியாவிற்கு வர இருக்கின்ற ராஜபக்சேவிற்கு ,
பல்லாயிர கணக்கான அப்பாவிகளின்
ரத்தம் குடித்த சாதனையை பாராட்டி என் சிறிய பரிசு.
(இது அவனுக்கு போதாதுதான் ஆனால் ஊடக மரியாதையை கருதி இத்துடன் நிறுத்த வேண்டி உள்ளது .)

இதை படிக்கும் நீங்களும் உங்கள் மனதிற்கு பொருத்தமானதாக தோன்றும் பரிசினை அளித்து வலைமுழுதும் பரப்பலாம் .

ராஜபக்சேவும் நியுட்டனின் மூன்றாம் விதியும் !!

2009-05-28T01:33:00.000-07:00

ஒவ்வொரு வினைக்கும், எதிர் வினை உண்டு என்பதுதான் நியுட்டனின் மூன்றாம்விதி. தலைவிதியை நம்பாதவர்கள் கூட நியுட்டனின் விதியை நம்புவதுண்டு ஏனென்றால் அது அறிவியல்.

விடுதலை புலிகளுடனான இந்த கடைசி கட்டப் போரை ஆரம்பித்ததிலிருந்து மனித உரிமைப் பற்றி கொஞ்சம் கூட
கவலையேப் படாமல் அப்பாவி பொது மக்களை துவம்சம் செய்வதில் மனம் குளிர்ந்த ராஜபக்சேவிற்கு இப்போது உலக நாடுகள் சபையில நற்சான்றிதழும் வழங்கப்பட்டாயிற்று .

இனிமேல் அங்கு நடக்கும் அவலங்களுக்கு கேள்வி கேட்பார் இருக்கப்போவதில்லை. இப்போதைய உலக பெரிய அண்ணன் சீனாவும் , சின்ன அண்ணன் இந்தியாவும் தங்களின் கறை படிந்த கரங்களினால் இலங்கையை காப்பற்றி புண்ணியம் சேர்த்து கொண்டுள்ளன . அமெரிக்க, பிரிட்டன் நாடுகள் கூட இந்த குட்டி நாட்டின்முன் தோற்றுள்ளன. தமிழகத்தின் காகித புலிகளும் கர்ஜித்து ஓய்ந்தாயிற்று . சிங்கள காடையர்களின் பெருந் கூச்சல்தான் ஓயிந்தப்பாடில்லை . ஆனால் ஒருவிஷயம் மட்டும் நாம் நினைவில் கொள்ள வேண்டும் .

ஒவ்வொரு வினைக்கும் அதற்கு சமமான எதிர் வினை உண்டு !

நியுட்டனின் மூன்றாம் விதி இதுவரை தோற்றதாக வரலாற்றிலும் ஏன் அறிவியலிலும் சான்று இல்லை .

அரச்ச மாவ அரைப்போமா ? பாட்டி சுட்ட வடை !!

2009-05-27T05:03:00.000-07:00

குறிப்பு: சினிமாவில் எப்போது அரைத்த மாவையே திரும்ப திரும்ப அரைக்கிறார்களே ! நாமும் கொஞ்சம் அரைத்து பார்த்தால்தான் என்ன ? என நினைத்ததன் விளைவு தான் இந்த கற்பனை.
எப்போதும் போல் அந்த மரத்தடிக்கு சுள்ளி பொருக்கி வந்து ,எண்ணெய் கரை போக வாணலியை கழுவி வைத்து விட்டு அடுப்பை முட்டிக்கொண்டு இருக்கும்போது , மன்னரிடத்தில் இருந்து வந்திருக்கும் ஆட்கள் வடை சுடும் பாட்டியின் இடம் எது என்று தேடிக்கொண்டிருப்பதாக பூ விற்கும் குழலி சொல்ல ,என்னமோ ஏதோ என்று பாட்டி பதறி கொண்டிருக்கும்போதே அவர்கள் வந்தே விட்டார்கள்.

இங்கு வடை சுடும் பாட்டி நீ தானா? என அவர்கள் கேட்க அமாம்! என்றாள்.
வேறு யாரவது இந்த ஆலமரப்பட்டியில் வடை சுட்டு விர்ர்கிரார்களா ? என கேட்க இல்லை நான் மட்டும் தான் விற்கிறேன் என்றவள், ஏன் என்கிற சந்தேகத்தோடு பார்த்தாள் அவர்களை .

நாங்கள் மன்னரிடத்தில் இருந்து வருகிறோம் . அடுத்து வாரம் மன்னர் அரண் மனையில் நடக்கும் விருந்திற்கு ஆயிரம் வடைகள் தேவைப்படுகிறது. நீ அங்கு வந்து செய்து கொடுக்க வேண்டும் . உன்னை குதிரை வண்டியில் கூட்டி சென்று , விழா முடிந்ததும் கொண்டு வந்து விட்டு விடுவார்கள் . உனக்கு தேவையான பொற்காசுகளும் வழங்கப்படும் . இது மன்னருடைய ஆணை . எனக் கூறி விட்டு சென்று விட்டனர் .

இப்படி ஒரு பொன்னான வாய்ப்பு அதுவும் மன்னரிடத்திலிருந்து வரும் என்று எதிர்ப் பார்க்காத பாட்டி ஆச்சர்யத்தில் முழ்கிப்போனாள் .

இப்படி ஒரு வாய்ப்பு எப்படி வந்தது பாட்டிக்கு? இத்தனை தெரிந்து கொள்ள நாம் ஒரு வாரத்திற்கு முன்னால் என்ன நடந்தது என்பதை பார்ப்போம் .

அன்றும் அப்படி தான் பாட்டி வடை சுட்டுக் கொண்டிருந்தாள் . வெற்றிலை எச்சிலை துப்ப சென்று வருவதற்குள் எங்கிருந்தோ வந்த காக்கை ஒன்று ஒரு வடையை தூக்கி கொண்டு ஓட, பாட்டியும் அதனை துரத்தி விட்டு கோபத்தில் இருந்தாள். இனி இந்த காக்கை வரட்டும் என்ன செய்கிறேன் பார் என நினைத்துக் கொண்டாள்.

ஆனால் அந்த காக்கையோ நரியினிடத்தில் வடையை பரி கொடுத்து விட நரியும் அந்த வடையை எடுத்துக் கொண்டு ஓட , அப்போது பார்த்து அந்த காட்டிற்கு வேட்டையாட வந்தார் நம் மன்னர் . மன்னரின் ஆட்களை பர்ர்ததும் வடையை போட்டு விட்டு நரி ஓட மன்னரின் ஆட்களில் ஒருவன் அதை எடுத்து வைத்துக் கொண்டான். அவனுக்கு தெரியும் காட்டுக்கு வேட்டை யாட வரும் போது எந்த உணவு பொருளையும் வீணாக்க கூடாது என்று . ஏனென்றால் திடீரென உணவு இல்லாமல் போகலாம் .

அவன் நினைத்ததை போலவேதான் நடந்தது . மான்னருக்கு வேட்டைக்கு ஒன்றும் மாட்டததால் நேரம் ஆக ஆக கொண்டு வந்த உணவு பொருட்கள் எல்லாம் தீர்ந்து போயின . மன்னருக்கு திடீரென பசி உண்டாகவே . சுற்றும் முற்றும் ஏதேனும் பழங்கள் கிடைக்கிறதா என்று தேடி பார்க்க எதுவும் கிடைக்காமல் போகவே மன்னரும் பசியில் சிங்கத்தைப்போன்று கர்ச்சித்துக் கொண்டிருந்தார் . அப்போது மன்னரின் ஆட்களில் ஒருவன் தான் நரியிடமிருந்து எடுத்த வடையை பற்றி கூற வேறு வழி இல்லாமல் மன்னரும் தின்று பார்க்க , ஆஹா என்ன சுவை ! என்ன சுவை !என்று மகிழ்ந்த மன்னர் இது எங்கிருந்து வந்தது , இதனை சுட்ட அந்த கைப்பக்குவம் யாருடையது என்று கண்டறிய ஆட்களை அனுப்பினார் .

அவர்களும் கண்டுவந்து சொல்ல பாட்டிக்கு மிகப்பெரிய ஒரு வியாபார வாய்ப்பு வந்தது .

வெற்றி எப்போதும் முகமுடி அணிந்து தான் வரும் .